BU HKAWM 4:14 - Jinghpaw Common Language Bible 2009

¹⁴ Shanhte gaw de a ntsa e tawn hkungri hta nawng jau yang lang ai arai ni yawng ngu na, wan bang ai ban pa ni, chyinghkyi ni, shingban ni hte angdung ni hpe mara da na rai ma ai. Dai hpang mani tsawm ai shanhpyi hte de a ntsa e magap nna hpai na kandang dinghkrawn da na rai ma ai.

Jinghpaw Hanson Version Bible

¹⁴ dai hkungri hte seng ai amu a arai ni ngu ai; ban pa ni, chyinghkyi ni, shingban ni, angdung ni hte dai tawn hkungri hte seng ai arai yawng hpe mara ngut jang, tahkisha hpyi ka-up nhtawm, kandang ni dinghkrawn da na rai mu ai.

BU HKAWM 4:14 ပူးပေါင်းရင်းမြစ်များ

2 HKAWHKAM LABAU 4:19

Hkawhkam Shawlumon gaw Nawku Htingnu a matu ja hte chya shatsawm da wu ai; dai ni gaw tawn hkungri, Karai Kasang hpe nawng ya ai muk mara tawn na ku ni,

PRU MAT 27:1

“Tawn hkungri langai hpe shaji hpun san san hte galaw lu na rai nga ai; dai gaw man shada bung nna, galu de pe 7 chyen, nda de pe 7 chyen hte tsaw de pe 4 chyen rai na rai nga ai.

PRU MAT 27:3

Dap hte kau na matu ban ni, shingban ni, jarung ni, chyinghkyi ni hte wan ban pa ni hpe galaw na rai nga ai; dai arung arai ni yawng hpe magri mang hte hkrai galaw lu na rai nga ai.

BU HKAWM 4:13

Shanhte gaw tawn hkungri hta kap ai manen ai wan wu ni hpe ahkut ahpu kau nhtawm dai hpe shaba pu nsam rawng ai sumpan hte de a ntsa kahpyan da na rai ma ai.

BU HKAWM 4:15

But de nga ai dabang hpe run hpya kau na aten du ai shaloi, Kohat a lakung lama ni mahtang Arun hte shi a shadang sha ni magap da ngut sai dai chyoi pra ai arai ni hte de a arai ni yawng hpe shang hpai la na rai ma ai. Kohat a lakung lama ni dai chyoi pra ai arai ni hpe hkra lu na ma ai n rai; dai hku n rai yang, shanhte si na rai ma ai. Dai hte gaw Sum htawt shagu Kohat a lakung lama ni gun hpai ang ai amu ni rai nga ai.

BU HKAWM 4:6

Shanhte gaw de a ntsa e mani tsawm ai shanhpyi hte ka-up da na rai ma ai; dai hpang sawm tsit ai sumpan hte ntsa ting hprwi di kahpyan nna hpai na kandang ni hpe dinghkrawn da na rai ma ai.