BU HKAWM 4:12 - Jinghpaw Common Language Bible 2009

¹² Shanhte gaw chyoi pra ai shara hta lang ai hkinghku ni yawng la nna sawm tsit ai sumpan hte dai ni hpe kayawp nhtawm mani tsawm ai shanhpyi hte dai ni hpe magap nna hpaichyau ntsa hta mara da na rai ma ai.

Jinghpaw Hanson Version Bible

¹² Dai chyoi pra ai nta na amu hta lang ai arai yawng mayawng hpe sawm tsit ai nba hte kayawp nna, tahkisha hpyi hte makai nhtawm, hpaichyau hta bang na rai mu ai.

BU HKAWM 4:12 ပူးပေါင်းရင်းမြစ်များ

1 HKAWHKAM LABAU 9:28

Kaga Lewi masha ni gaw nawku daw jau yang lang ai gawm ni hpe sin na lit lu ma ai. Shanhte gaw dai ni hpe shaw shapraw ai hte bai la bang ai aten shagu hta shanhte lang ai arung arai ni hpe hti nna jep yu ma ai.

1 HKAWHKAM LABAU 9:29

Kaga ni gaw chyoi pra ai shara hta lang ai arung arai, mani ai shadung, sabyi, tsanlun sau, manam pyaw ai baw hte namji namya ni hpe lajang na matu san da ai hkrum nga ma ai.

2 HKAWHKAM LABAU 4:11

Huram gaw di bu, shingban hte hka wan ni hpe mung galaw wu ai. Nawku Htingnu a matu shi galaw na ngu nna Hkawhkam Shawlumon hpe shi ga sadi jaw da nu ai arai yawng hte hpe shi galaw shangut da wu ai. Dai ni gaw: Shadaw lahkawng Shadaw ntsa na hka wan zawn re ai magum ni Magum shagu a ntsa e hkri da ai Saidawng kasi Magum shagu a ntsa e grup grup de yan lahkawng grang da ai magri mang hkainu si 400 rawng nga ai. Leng shi Angdung shi Hka lawng Hka lawng hpe madi da ai usu shi lahkawng Di bu, shingban hte zun labra ni rai nga ai. Lata sama Huram gaw dai Madu a Nawku Htingnu kata hta lang na matu Hkawhkam Shawlumon shi hpe hkang da nu ai hte maren, dai arai yawng mayawng hpe magri mang jet hte galaw shatsawm da wu ai.

2 HKAWHKAM LABAU 4:19

Hkawhkam Shawlumon gaw Nawku Htingnu a matu ja hte chya shatsawm da wu ai; dai ni gaw tawn hkungri, Karai Kasang hpe nawng ya ai muk mara tawn na ku ni,

2 HKAWHKAM LABAU 4:22

pyengdin lakap ni, angdung ni, manam pyaw ai baw bang ai ban ni, grung ai wan n-ga hpai na wan ban ni rai nga ai. Ndai ni yawng hpe ja jet hte galaw da nga ai. Nawku Htingnu a shinggan chyinghka ni hte Chyoi Pra Htum ai Shara de shang wa ai chyinghka ni hpe ja hte sup da ma ai.

PRU MAT 25:5

jaw jahkyeng da ai sagu la hpyi, tsawm ai shanhpyi; shaji hpun;

PRU MAT 25:9

Ngai nang hpe madun dan na de ai kasi hte maren, dai Sumpan Sum hpe de a arai nlang ni hte galaw lu na rai myit dai.

PRU MAT 31:10

Arun hte shi a shadang sha ni hkinjawng amu gun hpai daw jau yang hpun ai reng ai hpun palawng ni,

BU HKAWM 3:8

Shanhte gaw Sum hta lang ai arai yawng mayawng hpe yu lajang nna Israela amyu masha ni a jaw jau ai amu ni hpe gun hpai na rai ma ai.

BU HKAWM 4:11

Dai hpang ja hkungri hpe mung sawm tsit ai sumpan hte kayawp nhtawm, mani tsawm ai shanhpyi hte de a ntsa e magap da na rai ma ai. Hpai na kandang ni hpe dinghkrawn bang da na rai ma ai.

BU HKAWM 4:13

Shanhte gaw tawn hkungri hta kap ai manen ai wan wu ni hpe ahkut ahpu kau nhtawm dai hpe shaba pu nsam rawng ai sumpan hte de a ntsa kahpyan da na rai ma ai.

BU HKAWM 4:6

Shanhte gaw de a ntsa e mani tsawm ai shanhpyi hte ka-up da na rai ma ai; dai hpang sawm tsit ai sumpan hte ntsa ting hprwi di kahpyan nna hpai na kandang ni hpe dinghkrawn da na rai ma ai.

BU HKAWM 4:7

Dai Madu hpe nawng jau ai muk ku ntsa hta sawm tsit ai sumpan hpe kahpyan da nhtawm de a ntsa e hka wan ni, manam pyaw ai baw bang ai ban ni, hkungga nawng ya ai gawm ni hte sabyi nawng yang lang ai ngoi ni mara da na rai ma ai. Muk ku ntsa hta muk hpe tut nawng mara da na rai ma ai.

BU HKAWM 4:9

Shanhte gaw pyengdin shadun hte de a pyengdin ni, lakap hte ban pa ni, tsanlun sau bang ai yam ni yawng hpe sawm tsit ai sumpan hte magap na rai ma ai.