BU HKAWM 36:9 - Jinghpaw Common Language Bible 2009

⁹ dai sali ga gaw amyu bawsang langai kaw na langai de shalai kau lu na n rai nga ai. Amyu bawsang shagu mung tinang hte seng ai sali ga hpe matut nna madu la lu na rai myit dai,” ngu nna tsun wu ai.

Jinghpaw Hanson Version Bible

⁹ Shing rai, gade a sali ga mung amyu mi hta na amyu mi de htawt lu na n rai; kaning rai nme law, Israela kashu kasha amyu langai hte langai gaw tinang nang a sali ga hta machyu lu na rai ma ai,” ngu wu ai.

BU HKAWM 36:9 ပူးပေါင်းရင်းမြစ်များ

1 HKAWHKAM 21:3

Nabot gaw, “Ndai sabyi sun gaw nye a kaji kawa ni kaw na hkam la lu ai sali ga rai nga li ai. Nang hpe ngai jaw kau ang na gaw, dai Madu hkum kau u ga!,” ngu nna tsun htang wu ai.

BU HKAWM 36:10

Dai rai nna Mawshe hpe dai Madu hkang da nu ai hte maren, Zelohpehad a shayi sha Mala, Hogla, Milhka hte Noa ni mung hkan galaw ma ai rai nna shanhte a aru asai daw hkrang ai ni lu la shajang ma ai.

BU HKAWM 36:7

Israela masha shagu a sali ga gaw shi a amyu bawsang ni hta sha machyu nga na rai nga ai.

BU HKAWM 36:8

Israela amyu bawsang hta sali ga hkringhtawng madu la lu ai numsha shagu gaw dai amyu bawsang hte sha seng ai la wa kaw wa lu na rai nga ai. Ndai hku nna, shi a kaji kawa sali ga hpe madu la na rai nga ai;

YAWSHU 24:28

Dai ngut jang, Yawshu gaw amyu masha ni hpe wa shangun mu ai rai nna masha shagu tinang a sali ga de nhtang mat wa ma ai.

1 SAMUELA 26:19

Nye a madu hkawhkam wa e, ngai tsun na ga madat u. Dai Madu nan ngai hpe nhtang gumlau na hku nang hpe shadut ai rai yang, shi hpe nawng ya ai hkungga a majaw shi a myit hpe galai shai kau shangun nga u ga; rai ti mung masha e dai hpe galaw ai rai yang chyawm gaw dai Madu a dagam dala gaw shanhte a ntsa e hkrat bun nu ga. Dai Madu a lamu ga kaw nna maigan hpara ni hpe chyu sha nawku ai shara de ngai hpe gawt shapraw kau nga myit dai.