BU HKAWM 35:34 - Jinghpaw Common Language Bible 2009

³⁴ Ngai gaw dai Madu rai nga nna Israela amyu masha ni hta ngai nga nga nngai majaw nanhte shanu nga ai mungdan hpe awu asin hkum di nga myit.

Jinghpaw Hanson Version Bible

³⁴ Nang madu nga ai mungdan hpe awu asin hkum rai et; dai hta ngai dung nga nngai: kaning rai nme law, ngai Yehowa Israela kashu kasha ni hta adung nga nngai,” ngu wu ai.

BU HKAWM 35:34 ပူးပေါင်းရင်းမြစ်များ

1 HKAWHKAM 6:13

Nang gaw gap da ai ndai Nawku Htingnu hta nye a amyu masha ni hte rau nga nga na nngai; shanhte hpe galoi mung ngai kau da na nngai n rai,” ngu nna tsun wu ai.

SHAKAWN KUNGDAWN 132:14

“Ndai shara hta htani htana ngai anga nga na nngai, dai mare hpe mung, ngai up hkang mayu nga nngai.

SHAKAWN KUNGDAWN 135:21

Ziun ntsa e mung, shi shanu nga ai Yerusalem hta mung, dai Madu hpe shakawn mu. Dai Madu hpe shakawn mu.

PRU MAT 25:8

Amyu masha ni mung nye a matu chyoi pra ai Sum langai galaw lu na rai ma ai, shaloi ngai shanhte hta shanu nga lu na nngai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 8:12

“Amyu masha ni a maw mawn ai lam ni hta hkum shang lawm et, shanhte hkrit kajawng ai arai ni hpe hkum hkrit nga et.

YEREMIA 16:18

Shanhte gaw nye a mungdan hpe asak n rawng ai si mang zawn re ai hpara sumla ni hte awu asin di nhtawm shanhte a n teng n man ai hpara sumla ni hte jahpring da ma ai majaw, ngai gaw shanhte hpe shanhte a yubak hte n hkru ai a matu ari htam lahkawng jaw na we ai,” ngu nna tsun ai.

EZEKELA 35:10

“Dai Madu ngai nan shanhte a Karai Kasang rai nga tim pyi, nang gaw ndai amyu lahkawng rai nga ai Yuda hte Israela ngu ai shanhte a mungdan ni hpe mung rau hpawn nang madu la na nngai, ngu nna nang tsun nit dai.

HOSEA 9:3

Israela amyu masha ni gaw dai Madu a mungdan hta naw shanu nga lu na mara ai n rai; rai ti mung Egutu mung de nhtang wa nna Asuri mung e hkum pat da ai lusha ni sha na mara ai.

BU HKAWM 16:3

Shanhte gaw Mawshe yan Arun kaw sa hpawng let shan hpe, “Nan gaw nau wa lai manit dai! Dai shawa hpung yawng gaw dai Madu a matu rai nna, dai Madu mung anhte yawng hte rau rai nga ai. Dai rai yang, Mawshe nang gaw hpa majaw dai Madu a shawa hpung ting a ntsa e, tinang hkum hpe shagrau la mayu nga n ta?,” ngu nna tsun ma ai.

BU HKAWM 5:3

Dai htung hte maren n san n seng ai masha ni yawng hpe shapraw kau mu, shaloi nye a amyu masha ni a man e ngai shanu nga ai dap hpe shanhte awu asin n di lu na rai ma ai,” ngu nna tsun wu ai.

TARA JAHPRANG 21:23

Karai Kasang kaw na dagam dala, dai mungdan hta hkrum hkra chye nga ai majaw, hpun hta shana tup noi da lu na n rai; dai shani jang lup makoi kau lu na rai myit dai. Dai Madu nanhte a Karai Kasang nanhte hpe jaw ai mungdan hta awu asin n hkrum nga myit ga gaw, si mang lup kau lu na rai myit dai.

TARA JAHPRANG 21:8

Madu e, Egutu mung kaw nna nang hkrang shaw la nit dai Israela amyu masha ni a yubak mara ni hpe raw dat ya u. Anhte hpe mara raw dat ya mi. Ndai mara n kap ai masha wa sat kau hkrum ai a majaw anhte hpe mara hkum shagun mi law,’ ngu nna tsun na rai ma ai.

TARA JAHPRANG 6:15

Kaga karai shaje ni hpe nanhte nawku myit dai rai yang, nanhte hte rau anga nga ai dai Madu nanhte a Karai Kasang gaw shingjawng kashun ai hpe n hkam sharang lu ai majaw dai Madu a masin kahtet ai gaw wan zawn chyi nna, nanhte hpe atsai awai shamyit kau na rai wu ai.

SHINGRAN 21:27

Rai ti mung, awu asin re ai hpa mung dai mare de shang lu na n rai. Matsat shabat awu asin amu galaw ai wa, masu magaw lam hkan ai wa mung dai mare hta galoi mung shang lu na n rai. Sagu Kasha a asak laika hta amying ka lawm ai ni chyu sha dai mare hta shang lu na mara ai.

SHINGRAN 21:3

Bai ngai gaw, dai tingnyang kaw na shaga pru ai nsen kaba langai mi na nngai. Dai nsen gaw, “Ya Karai Kasang a sum nta gaw shinggyim masha ni hte rau rai nga ai. Shi shanhte hte rau hpawng de nga na rai nna, shanhte gaw shi a amyu masha ni tai na mara ai. Karai Kasang gaw, shi hkum nan shanhte hte rau nga nga na ra ai rai nna, shi gaw shanhte a Karai Kasang tai na ra ai.