BU HKAWM 35:25 - Jinghpaw Common Language Bible 2009

²⁵ Dai shawa hpung mung masha sat amu shut hpyit ai wa hpe sat kau hkrum sai hpu nau wa a lata kaw nna hkye mawai shaw la nhtawm shi hprawng lawt yu sai mare na shingbyi shara de bai nhtang wa shangun na rai ma ai. Shing rai dai yang e shi gaw Hkinjawng Kaba wa si ai shani du hkra nga lu na rai wu ai.

Jinghpaw Hanson Version Bible

²⁵ dai shawa hpung gaw masha sat ai wa hpe matai htang ai wa a lata na shaw la nhtawm, shi hprawng shingbyi ai mare de bai sa da na rai mu ai; shaloi dai wa gaw, chyoi pra ai namman chya hkam ai hkinjawng agyi wa si ai shani du hkra, dai mare hta anga nga lu na rai wu ai.

BU HKAWM 35:25 ပူးပေါင်းရင်းမြစ်များ

2 SAMUELA 14:14

Anhte yawng si na sha rai nga saga ai; anhte gaw ga ntsa e hkaw gamang mat nna mahkawng la n lu ai hka hte she bung mat nga saga ai. Karai Kasang gaw si mat sai wa hpe bai n jahkrung ya wu ti mung, nang hkawhkam wa gaw kaga mung de hprawng mat wa ai masha langai mi hpe sha gaw yawm dik tam la nna bai woi la lu na ndai.

PRU MAT 29:7

Dai hpang namman sau la nhtawm shi a baw ntsa e ru bun let, shi hpe namman sau chya ya na rai nga ndai.

JAW JAU 21:10

“Hkinjawng kaba wa gaw shi a baw hta namman chya sai hte hkinjawng hpun palawng bu hpun nna ap nawng da sai majaw shi a sharung shayawt nga ai hpe madun dan na matu shi a kara hpe hpyan da lu na n rai; hpun palawng ni hpe gang je kau lu na wu ai n rai.

JAW JAU 4:3

Hkinjawng Kaba wa nan yubak tawt lai nna amyu masha ni hpe mara kap hkra galaw ai rai yang, shi gaw ra n rawng ai usu hpe shi tawt lai kau ai yubak mara a matu dai Madu hpe shagu hkungga nawng jau na rai wu ai.

JAW JAU 8:12

Shi gaw namman sau loi mi la nhtawm Arun a baw hta ru jaw ya nna aya dang ya wu ai.

BU HKAWM 35:24

dai zawn re ai amu ni hpe shawa hpung gaw matai dawk na matu gyam nga ai dai si hkrum sai hpa nau wa a myi man hpe n tau nga ai sha, masha sat amu shabyin dat ai wa a myi man hpe tau nna jeyang na rai ma ai.

BU HKAWM 35:26

Masha sat amu shut hpyit ai wa gaw shi hprawng lawt yu sai mare na shingbyi shara na pru mat wa ai hpe sat kau hkrum ai wa a hpu nau wa mu nna sat kau wu ai rai yang,

BU HKAWM 35:28

Masha sat amu shut hpyit ai wa gaw Hkinjawng Kaba wa si mat ai aten du hkra dai mare na shingbyi shara hta naw nga nga na rai wu ai; rai ti mung shi si mat ai hpang chyawm gaw shi a dum nta de nhtang wa lu na rai wu ai.

YAWSHU 20:6

Dai wa gaw shawa hpawng a man e daw dan ai shani du hkra rai yang rai, Hkinjawng Kaba wa si mat ai aten du hkra rai yang rai, dai mare hta anga nga na rai wu ai. Dai hpang mahtang shi bai wa nna shawng e shi hprawng kau da ai tinang a buga mare de bai nhtang wa mai nga ai.