BU HKAWM 35:20 - Jinghpaw Common Language Bible 2009

²⁰ “Masha langai mi mahtang marai langai ngai hpe n ju n dawng nna kanawng jahkrat ai hku sat kau ai rai yang rai, asak gyam nna arai lama ma hte kabai sat ai rai yang rai,

Jinghpaw Hanson Version Bible

²⁰ Masha wa hpe n dawng ai myit hte kanawng jahkrat ai rai yang mung, gyam nna lama ma hte kabai sat ai rai yang mung,

BU HKAWM 35:20 ပူးပေါင်းရင်းမြစ်များ

NINGPAWT NINGHPANG 4:5

rai ti mung shi gaw Ka-in hte shi a hkungga hpe hpa n sawn ya wu ai. Ka-in masin ja ja kahtet ai hte pawt sindawng nga lu ai.

NINGPAWT NINGHPANG 4:8

Dai hpang Ka-in gaw shi a kanau Abela hpe, “Pa hkan e hkawm chyai ga,” ngu nna tsun wu ai. Pa hkan e shan nga hkawm nga yang, Ka-in gaw shi a kanau hpang de kayin sa nna shi hpe sat kau wu ai.

2 SAMUELA 13:22

Absalom chyawm gaw shi a kajan Tama roi kau hkrum sai a majaw Amnon hpe grai yu n dawng mat ai rai nna shi hpe galoi mung ga n shaga mat wu ai.

2 SAMUELA 20:10

Lata maga mi de Yoab lang da ai nhtu gaw Amasa hpe hpa di na zawn n nawn da wu ai majaw, Yoab gaw shi a kan galun baw dat wu yang, pu kan ni ga ntsa de hkrat ayai mat hkra rai nga ai; shaloi shi akajawng sha si mat wa ai rai nna bai n kahtap galun ra mat wu ai. Dai hpang Yoab hte shi a kanau Abishai yan gaw Sheba hpang de matut shachyut mat wa wu ai.

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

SHAKAWN KUNGDAWN 11:2

hpa majaw nga yang, tara n lang ai ni gaw shanhte a ndan ni hpe shaw nna, kaja ai masha ni hpe shingnip kata kaw nna gap dat na nga, shanhte a pala ni hpe shading da ma ai.

PRU MAT 21:14

Rai ti mung, masha langai mi masin pawt nna kaga langai mi hpe dingsa sa sat kau ai rai yang, shim lum na matu, nye a tawn hkungri de hprawng sa wa ti mung, shi gaw si lu na rai wu ai.

GA SHAGAWP 26:24

Sawt ai myit rawng ai wa chyawm gaw shalen abawk ai ga a shingdu hta shi a n ju n dawng ai myit hpe makoi da nga ai.

GA SHAGAWP 28:17

Masha sat mara lu ai wa gaw shi a nsung hku hpe lawan lu ai daram lawan nna htu nga ai; shi hpe hkum jahkring nga et;

BU HKAWM 35:19

Sat kau hkrum ai wa a ni htum ai hpu nau wa gaw masha sat ai wa hpe sat na lit lu nga ai. Shi hte hkrum ai shaloi dai wa hpe sat kau na rai wu ai.

BU HKAWM 35:21

shi a lata hte htwi sat ai rai yang rai, shi gaw masha sat ai amu hpe shut hpyit nga sai rai nna sat kau ai hkrum na rai wu ai. Shing rai sat kau hkrum ai wa a ni htum ai hpu nau wa gaw masha sat ai wa hpe sat na lit lu nga ai. Shi hte hkrum ai shaloi dai wa hpe sat kau na rai wu ai.

MARKU 6:19

Dai majaw Herodia gaw Yawhan hpe n ju da wu ai hte sat kau mayu wu ai, rai ti mung Herod a majaw shi hpa n di lu wu ai.

LUKA 4:29

Shanhte rawt nna, Yesu hpe mare shinggan de dun garawt shapraw kau nhtawm, shanhte a mare de da ai bum pungding na n-gam mahka kaw nna shi hpe kanawng jahkrat kau na woi dun sa wa mu ai.

KASA 20:3

Dai kaw shi shata masum nga nga ai. Dai hpang Suri mung de li hte bai wa na hkyen shajin nga yang, Yuda masha ni shi hpe gyam nga ma ai hpe mu chye kau wu ai majaw Makedoni mung hku ga lai nna nhtang wa na myit daw dan wu ai.

KASA 23:21

Rai ti mung shanhte ra ai hku hkum hkraw ya et, hpa majaw nga yang lam e masha mali shi jan shi hpe hkap rim na makoi nga na ma ai. Shanhte gaw Pawlu hpe garai n sat lu lu gaw hpa mung n lu n sha na, nga nna dagam shaka da ma ai. Ya pyi na a ahkang hpe ala let, ndai amu galaw na jin jin rai nga masai,” ngu wu ai.

TARA JAHPRANG 19:11

Rai ti mung hpyen wa hpe myit amu sha hte dingsa sat kau nhtawm shingbyi shara nga ai mare langai ngai de hprawng shingbyi nga ai rai yang,

1 SAMUELA 18:25

Shawlu gaw Dawi hpe ning ngu tsun na matu shanhte hpe hkang dat wu ai: “Hkawhkam wa nang kaw na ra sharawng ai lam yawng gaw shi a gumlau hpyen ni hpe matai htang la lu hkra, si mat sai Hpilisti masha ni a hpyi matu latsa hpu ja bang ai hku sawn la ya na ra ai da.” (Ndai mung Hpilisti masha ni a lata hta Dawi sat kau ai hkrum u ga, ngu Shawlu maw mawn ai lam rai nga ai.)

1 SAMUELA 20:1

Dawi gaw Rama ginwang Nayut mare kaw nna hprawng mat wa nhtawm Yonahtan hpang de wa wu ai. Shi gaw, “Ngai hpa galaw shut kau sata? Ngai gaw kaning re ai ru hka amu galaw shut kau sata? Shi ngai hpe sat kau mayu hkra na nwa hpe ngai hpa galaw shut kau sata?,” ngu nna san wu ai.

1 SAMUELA 24:11

Yu yu u, nye wa e, ya ngai lang da nga ai na a ntsa palawng adaw achyen hpe mada yu u! Ngai nang hpe sat kau lu sha gaw rai sai, rai ti mung shing rai galaw na malai ndai adaw hpe sha kadoi di la nngai. Ndai hpe yu nna ngai nang hpe gumlau na matu n myit hkawn nga ai hpe mung, nang hpe n machyi shangun mayu ai hpe mung, nang hpe chye na hkawn hkrang shangun mayu nngai. Ngai chyawm gaw nang hpe hpa mung n shut n hpyit kau yu tim, nang mahtang ngai hpe sat kau na matu tam gyam hkawm nga ndai.