BU HKAWM 35:15 - Jinghpaw Common Language Bible 2009

¹⁵ Dai mare ni gaw Israela amyu masha ni a matu mung, chyahkring chyahkra gan sa manam ai maigan masha ni hte tut nawng a nga nga ai ni a matu shingbyi shara tai na rai nga ai. Kadai rai ti mung marai langai ngai hpe ndum shami sat kau ai wa gaw dai mare langai ngai hta hprawng shingbyi lu na rai wu ai.

Jinghpaw Hanson Version Bible

¹⁵ Dai mare kru gaw, Israela kashu kasha ni a matu mung, tsasam manam hte sa shingbyi nga ai amyu kaga wa a matu mung, hprawng shingbyi na mare rai nga ai: masha hkala sat ai wa kadai mung, dai de hprawng lu na rai nga ai.

BU HKAWM 35:15 ပူးပေါင်းရင်းမြစ်များ

2 SAMUELA 14:14

Anhte yawng si na sha rai nga saga ai; anhte gaw ga ntsa e hkaw gamang mat nna mahkawng la n lu ai hka hte she bung mat nga saga ai. Karai Kasang gaw si mat sai wa hpe bai n jahkrung ya wu ti mung, nang hkawhkam wa gaw kaga mung de hprawng mat wa ai masha langai mi hpe sha gaw yawm dik tam la nna bai woi la lu na ndai.

PRU MAT 12:49

Dai tara ni mahtang Israela mungchying masha ni a matu mung, maren sha rai nga ai,” ngu nna tsun wu ai.

JAW JAU 24:22

Ngai gaw dai Madu nanhte a Karai Kasang rai nga nngai majaw ndai tara gaw Israela amyu masha ni rai ti mung, nanhte hta hkan nga ai maigan masha ni hte nanhte yawng a matu rai nga ai,” ngu nna hkang da wu ai.

JAW JAU 4:2

yubak mara shut hpyit nna dai Madu hkang da sai lam lama ma hpe n dum shami jahten kau hkrup ai kadai mung lawu de na hkang da ai lam ni hkan sa lu na matu Israela amyu masha ni hpe tsun dan na hkang da wu ai.

BU HKAWM 15:16

nanhte hta mung shanhte hta mung dai tara ni hte hkan sa na htung lai ni langai sha rai nga myit dai.

BU HKAWM 35:11

masha langai ngai hpe ndum nmi rai sat kau hkrup ai wa hprawng shingbyi lu na mare ni hpe nanhte lata tawn da na rai myit dai.

ROMA 3:29

Karai Kasang gaw Yuda amyu masha ni a Karai Kasang sha rai ni? Tara maigan masha ni a Karai Kasang mung rai nga ai n rai ni? Rai sa, shi rai nga ai.

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.