BU HKAWM 34:4 - Jinghpaw Common Language Bible 2009

⁴ Dai hpang dai htumpa kaw nna matut ai jarit gaw dingda maga Akrabim uhkan de kayin yu wa, Zin nam mali hku dinghkren yu mat wa nhtawm dingda Kadesha Barnea de hprang rai na rai nga ai. Dai jarit gaw sinna dingda maga de nga ai Haza Ada de kayin lung wa nhtawm Azmon de byawn rai na rai nga ai.

Jinghpaw Hanson Version Bible

⁴ dai jut kaw nna matut ai jarit gaw Akrabim bum hpe dingda de hkan nna, Zin mali hku ret, Kadesha-barnea dingda de hprang, Hazarada hku hkrawn Azmon shara e byawn rai na rai nga ai;

BU HKAWM 34:4 ပူးပေါင်းရင်းမြစ်များ

BU HKAWM 13:21

Dai masha ni gaw dingdung maga de lung wa nhtawm Zin Nam Mali kaw nna dingdung maga hta nga ai Hamat uhkan makau, dingda maga na Rehob mare de hkrang ai lam de du hkra, dai mung hpe hkan yu maram ma ai.

BU HKAWM 13:26

Kadesha shara hta nga ai Mawshe yan Arun hte Israela hpung shawa ting hpang de nhtang wa ma ai. Shanhte gaw shanhte mu mada sai lam ni hpe shiga wa jaw nhtawm la wa ai namsi namsaw ni wa madun dan ma ai.

BU HKAWM 20:1

Israela shawa hpung ting gaw shata langai ngu na hta, Zin Nam Mali de du nna Kadesha shara e dap jung nga ma ai; dai yang e Miriam si mat nna lup makoi da ma ai.

BU HKAWM 32:8

Dai mung hpe yu maram na matu nanhte a kawa ni hpe Kadesha Bernea kaw na ngai shangun dat yang, ndai zawn rai shanhte galaw yu masai.

BU HKAWM 34:3

Dingda maga de na lamu ga jarit gaw Zin nam mali kaw nna garet lung wa nhtawm Edom mung a lamu ga jarit du hkra maden sa wa na rai nga ai. Dai gaw sinpraw maga de nna garet yu wa nhtawm dingda maga Jum Nawng htumpa hprat rai na rai nga ai.

YAWSHU 15:1

Yuda amyu bawsang hta na lakung lama ni lu la ai lamu ga sali gaw lawu de na hte maren rai nga ai. Dai lamu ga gaw dingda maga de Edom lamu ga jarit hte htep rai nga ai Zin nam mali dingda jahtum du hkra rai nga ai.

TARA AGYI 1:36

Edom masha ni a lamu ga jarit gaw Akrabim uhkan kaw nna Sela mare a dingdung daw hku rai nga ai.