BU HKAWM 34:12 - Jinghpaw Common Language Bible 2009

¹² Yawdan hka dingyang hkan yu wa nhtawm Jum Nawng hte tut rai na rai nga ai. “Ndai ni gaw nanhte madu la na lamu ga man mali de na ga jarit ni rai na rai nga ai.

Jinghpaw Hanson Version Bible

¹² Yawdan hka hkan nna Jum nawng e tut rai na rai nga ai: dai gaw nanhte madu lu ai mungdan a lamu ga jarit rai nga ai,” ngu nna tsun wu ai.

BU HKAWM 34:12 ပူးပေါင်းရင်းမြစ်များ

NINGPAWT NINGHPANG 13:10

Lawt gaw grup yin de mada dat yu wu yang, Zoara mare hkrang ai lam dingyang ngu na dai Yawdan Kadit ting hta hka law nga ai rai nna, dai gaw dai Madu a Sun Shing n rai Egutu mung zawn rai nga ai hpe mu wu ai. (Dai gaw Sodom hte Gomora mare ni hpe dai Madu garai n jahten kau yang byin ai lam rai nga ai.)

NINGPAWT NINGHPANG 14:3

Dai hkawhkam manga hte gaw ya aten Jum Nawng ngu ai Sidim Kadit hta sa hpawng nna n-gun galung da nga ma ai.

PRU MAT 23:31

Na a lamu ga jarit hpe Nawng Hkyeng kaw nna Uhprat hka nu du hkra, Ka-ang panglai kaw nna nam mali de du hkra ngai maden ya na we ai. Dai mung hta shanu nga ai masha ni hpe up hkang lu na daru magam n-gun, ngai nanhte hpe jaw na made ai; nanhte rawt lung wa nna shanhte hpe gawt shapraw kau lu na rai myit dai.

EZEKELA 47:13

Tsaw Htum ai dai Madu gaw, “Ndai mungdan a lamu ga jarit ni gaw amyu bawsang shi lahkawng a lapran garan ya na lamu ga ni hte Yosep a amyu bawsang hta na mungdaw lahkawng lu la na lam ni rai nga ai.

BU HKAWM 34:11

Dai kaw nna dingda maga Harbela de yu wa nhtawm Ain a sinpraw maga hku hprang, Galile Nawng a sinpraw hkin-gau ntsa na kawng marawn hku garet wa ai hte,

BU HKAWM 34:13

Dai rai nna Mawshe gaw Israela amyu masha ni hpe, “Ndai lamu ga gaw amyu bawsang jahku hte chyen mi hpe dai Madu masat da ya ai lamu ga rai nna, dai hpe hpaida da let nanhte karan la na rai myit dai.

BU HKAWM 34:3

Dingda maga de na lamu ga jarit gaw Zin nam mali kaw nna garet lung wa nhtawm Edom mung a lamu ga jarit du hkra maden sa wa na rai nga ai. Dai gaw sinpraw maga de nna garet yu wa nhtawm dingda maga Jum Nawng htumpa hprat rai na rai nga ai.

YAWSHU 13:1

Yawshu chyawm gaw asak grai kaba sai rai nna dingla wa nga sai. Dai Madu gaw shi hpe, “Ya nang grai dingla mat nit dai, rai ti mung naw gasat la ra ai lamu ga gaw grai wa naw law nga ai. Dai lamu ga ni gaw:

YAWSHU 15:5

Sinpraw maga de na lamu ga jarit gaw dingyang lwi yu wa ai Yawdan hka htumpa na Jum Nawng rai nga ai, Dingdung maga de na lamu ga jarit gaw,