BU HKAWM 34:11 - Jinghpaw Common Language Bible 2009

¹¹ Dai kaw nna dingda maga Harbela de yu wa nhtawm Ain a sinpraw maga hku hprang, Galile Nawng a sinpraw hkin-gau ntsa na kawng marawn hku garet wa ai hte,

Jinghpaw Hanson Version Bible

¹¹ bai Shehpam kaw nna Ain shara na sinpraw hku hprang, Ribla de byawn; bai dai kaw nna Genesaret ngu ai nawng a sinpraw hkran hku garet nhtawm,

BU HKAWM 34:11 ပူးပေါင်းရင်းမြစ်များ

2 HKAWHKAM 23:33

Shi a hkaw dung ai hpe jahtum kau na nga, Egutu Hkawhkam Niko gaw shi hpe Hamat mung Ribla mare e bawng dung shangun let gumhpraw pawng 7, 500 hte aja pawng 75 hpe hkanse hku Yuda masha ni hpe bang shangun wu ai.

2 HKAWHKAM 25:6

Zedekia gaw Hamat mung Ribla mare e nga ai Hkawhkam Nebuhkadneza hpang de woi sa wa hkrum nna, dai yang e Nebuhkadneza shi hpe daw dan wu ai.

YEREMIA 52:10

Dai Ribla mare e Zedekia yu nga yang, Zedekia a shadang sha ni hpe shi a man e sat kau ma ai; Yuda mung na du salang ni hpe mung sat kau ma ai.

YEREMIA 52:9

Zedekia gaw Hamat mung Ribla mare e nga ai Hkawhkam Nebuhkadneza hpang de woi sa ai hkrum ai hte dai yang e Nebuhkadneza gaw shi hpe tara daw dan wu ai.

BU HKAWM 34:10

“Sinpraw maga de na lamu ga jarit gaw Haza Enan kaw nna Shehpam shara du hkra hkren rai nga ai.

BU HKAWM 34:12

Yawdan hka dingyang hkan yu wa nhtawm Jum Nawng hte tut rai na rai nga ai. “Ndai ni gaw nanhte madu la na lamu ga man mali de na ga jarit ni rai na rai nga ai.

MAHTE 14:34

Shanhte nawng hpe rap kawt nna Genesaret mare de du ma ai.

LUKA 5:1

Lani mi hta Yesu gaw, Genesaret nawng makau e tsap nga yang, shawa masha ni Karai Kasang a mungga madat na nga nna shi a man de lu tsap hkra kaput katut bang wa ma ai.

YAWHAN 6:1

Dai hpang Yesu gaw Tiberi ngu ai Galile nawng wora hkran de rap sa wa ai.

TARA JAHPRANG 3:17

Sinna maga de na shanhte a lamu ga jarit gaw Yawdan hka htep maden nga ai hte dingdung maga Galile Nawng kaw nna dingda de Jum Nawng, bai sinpraw hkran Pisga bum lagaw du hkra chyawm gaw Rubin hte Gad amyu bawsang ni hpe ngai jaw ya se ai.

YAWSHU 11:2

dingdung maga de nga ai bum ga, Galile Nawng a dingda maga de nga ai Yawdan Kadit ga, pa ga, Dora makau nga ai hkin-gau ntsa nga ai hkawhkam ni hpang de shiga shana dat wu ai.

YAWSHU 12:3

Galile Nawng nga ai Yawdan Kadit kaw nna (Jum Nawng a sinpraw) dingda maga shanang sa ai Bet Yeshimot de du hkra hte Pisga bum lagaw htep lawm nga ai.

YAWSHU 13:27

Yawdan Kadit hta de ai Bet Haram, Betnimra, Suhkot, Zahpon mare ni hte Heshbon Hkawhkam Sihon a mungdan lamu ga ngam ni lawm nga ai. Sinna maga de na shanhte a lamu ga jarit gaw Yawdan hka a dingdung Galile Nawng du hkra rai nga ai.

YAWSHU 19:35

Bunghku kum da ai mare ni gaw Zidim, Zera, Hamat, Rakat, Hkineret,