BU HKAWM 33:3 - Jinghpaw Common Language Bible 2009

³ Israela amyu masha ni gaw shawng na shata a shi manga ya shani shawng galaw ai Shalai Wa Ai Poi a hpang shani hta Egutu mung kaw na pru wa ma ai. Shanhte gaw dai Madu a makawp maga ai npu hta dai Madu sat kau ya ai

Jinghpaw Hanson Version Bible

³ Shanhte gaw shata langai ngu na hta nhtoi shi manga ya e Ramese mare na pru wa ma ai: shalai dat ai poi galaw ngut ai hpang jahpawt e, Israela kashu kasha ni gaw Egutu masha ni nlang a man na gumrawng gumra rai pru wa ma ai;

BU HKAWM 33:3 ပူးပေါင်းရင်းမြစ်များ

NINGPAWT NINGHPANG 47:11

Dai hpang Yosep mung hkawhkam wa shi hpe hkang da nu ai hte maren, shi a kawa hte kahpu kanau ni hpe Egutu mung na kaja htum ai shara ngu ai Ramese mare hte ni htep ai shara shanhte hpe jaw nna nga shangun mu ai.

SHAKAWN KUNGDAWN 105:38

Egutu amyu masha ni mung shanhte hpe hkrit nga ma ai; shanhte pru mat wa ai shaloi, kabu gara nga ma ai.

PRU MAT 1:11

Dai rai nna Egutu masha ni gaw shanhte a ntsa e mayam hkang ai ni hpe san tawn nna laja lana re ai amu bungli hte shanhte a myit ni hpe shadaw kau ya ma ai. Israela amyu masha ni gaw hkawhkam wa a matu arung arai tawn da na ginra daju ni hpe Hpihtum hte Ramese mare ni hta gap da ma ai.

PRU MAT 12:2

“Ndai shata gaw nanhte a matu laning mi a shawng na shata rai na malit dai.

PRU MAT 12:37

Israela masha ni gaw Ramese kaw nna Suhkot de du hkra, lagaw lam hte sa wa ma ai. Ma kaji hte numsha ni hpe n hti shalawm yang, lasha ni hkrai sen kru daram rai nga ai.

PRU MAT 13:4

Nanhte gaw Abi shata ngu ai shawng na shata, ndai shani hta nan Egutu mung kaw nna pru wa nga myit dai.

PRU MAT 14:8

Dai Madu mung hkawhkam wa hpe myit shaja ya wu ai rai nna shi gaw awng padang hte pru mat wa nga ai Israela masha ni hpe hkan shachyut wu ai.

ESAIA 52:12

Ndai lang chyawm gaw nanhte tin shapun pru mat wa ra na myit dai n rai; nanhte hprawng shakut ra na myit dai n rai. Dai Madu na a Karai Kasang gaw nanhte hpe lam woi nna kade nde nanhte hpe makawp maga na ra ai.

MIHKA 2:13

Karai Kasang gaw shanhte a matu lam hpaw ya na ra ai; shanhte hpe bawng dung ai kaw nna woi lakawn wa na ra ai. Shanhte gaw mare chyinghka ni hpe adawt agrawp kau na mara ai hte ndut ndang hkawm sa lu na mara ai. Shanhte a hkawhkam rai nga ai dai Madu shi nan shanhte hpe woi shapraw wa na ra ai.

BU HKAWM 33:2

Dai Madu hkang da ai ga hte maren, Mawshe gaw shanhte jung ai dap dabang shara mying ni hpe ka matsing da wu ai.