BU HKAWM 32:33 - Jinghpaw Common Language Bible 2009

³³ Dai rai nna Mawshe gaw Amori Hkawhkam Sihon a, lamu ga yawng hte Bashan Hkawhkam Oga a lamu ga hte de a grup yin na kahtawng ni lawm hkra, Gad hte Rubin a amyu bawsang ni hte Manashe a amyu bawsang ka-ang hkup hte hpe masat ya wu ai.

Jinghpaw Hanson Version Bible

³³ Dai rai nna Mawshe gaw, “Amori hkawhkam Sihon a mungdan hte seng ai lamu ga, Bashan hkawhkam Oga a mungdan hte seng ai lamu ga hte de a ginwang na mare kahtawng ni nlang Gad matu ni, Rubin matu ni hte Yawsep a kasha Manashe lakung na hkrat ai amyu chyen mi hpe ap ya mu ai.

BU HKAWM 32:33 ပူးပေါင်းရင်းမြစ်များ

1 HKAWHKAM LABAU 26:32

Hkawhkam Dawi gaw Yeria a amyu abaw apa ni hta na laklai share shagan ai dinghku a baw tai ya ai masha hkying lahkawng sanit tsa hpe lata la nhtawm Yawdan hka a sinpraw maga Rubin, Gad hte Sinpraw Manashe lamu ga na Israela mung hta nawku htung hte mung shawa hte seng ai up hkang lam yawng hpe woi hpareng nga ma ai.

1 HKAWHKAM LABAU 5:18

Rubin, Gad hte sinpraw maga nga ai Manashe amyu bawsang ni hta ninggang ni, nhtu ni hte ndan ni hpe atsawm sha chye lang ai hpyenla 44,760 nga nga ai.

BU HKAWM 32:1

Rubin hte Gad yan a amyu bawsang ni yam nga hpung law law lu ma ai. Dai rai nna Yazera mung hte Gilead mung hta yam nga a matu udat shara kade wa kaja nga ai hpe shanhte mu ma yang,

BU HKAWM 32:32

Anhte gaw shi a hkang da ai npu hta Hkanan mung de rap sa nna majan pa de sa na ga ai; shaloi anhte gaw Yawdan a sinpraw hkran na anhte a lamu ga sali matut madu lu na ga ai,” ngu nna htan ma ai.

BU HKAWM 34:14

Rubin hte Gad amyu bawsang ni hte sinpraw maga na Manashe amyu ka-ang hkup ni gaw shanhte a lamu ga sali lu la manu ai rai nna

BU HKAWM 34:15

dai hpe dinghku masha hku hkan nhtawm Yawdan hka a sinpraw maga, Yerihko hte tawtap rai nga ai lamu ga hpe karan la manu ai,” ngu nna tsun wu ai.

TARA JAHPRANG 29:8

anhte gaw shanhte a lamu ga la nhtawm, Rubin hte Gad amyu bawsang ni hte Manashe amyu bawsang chyen mi hpe sali ga hku karan ya saga ai.

YAWSHU 12:1

Israela amyu masha ni gaw Yawdan hka a sinpraw maga Arnon Kadit kaw nna Yawdan Kadit a hka hku maga, dingdung maga Hermon Bum de du hkra gasat madu la kau nga masai. Shanhte gaw hkawhkam lahkawng yan hpe dang kau ma ai.

YAWSHU 12:6

Ndai hkawhkam yan mahtang Mawshe hte Israela amyu masha ni a majaw, sum mat ma ai. Dai Madu a shangun kasa Mawshe mung, Rubin, Gad amyu bawsang ni hte Manashe amyu bawsang kau chyen mi hpe shan a mungdan hpe madu la shangun wu ai.

YAWSHU 14:3

Yawdan hka a sinpraw hkran na lamu ga hpe amyu bawsang lahkawng hte chyen mi hpe Mawshe masat ya nu ai. (Yosep a amyu matu mara ni hpe Manashe hte Ehprim amyu bawsang lahkawng hta karan ya nga ai.) Mawshe chyawm gaw Lewi masha ni hpe lamu ga dachyawk mi mung n jaw wu ai. Shing rai jaw na malai, shanhte nga na mare ni hte shanhte lu tawn ai dumsu yam nga hpung a matu udat shara pa layang ni hpe shanhte lu la nga ma ai.

YAWSHU 22:4

Ya chyawm gaw shi ga sadi tawn da sai hte maren, dai Madu nanhte a Karai Kasang gaw nanhte a Israela hpu nau amyu masha ni hpe ngwi pyaw sim sa lam jaw ya nu ai. Dai re ai majaw, dai Madu a shangun kasa Mawshe gaw nanhte hpe jaw ya sai Yawdan hka a sinpraw hkran na nanhte a matu ngu madu da sai mung ga na dum nta de bai nhtang wa manu.

1 SAMUELA 13:7

kaga nkau mi chyawm gaw Yawdan hka rap nna Gad hte Gilead a mung ni hkan hprawng makoi nga ma ai. Shawlu gaw Gilgala e naw nga nga ai rai nna, shi hte rau nga nga ai amyu masha ni mahtang hkrit gari nga ma ai.