BU HKAWM 32:32 - Jinghpaw Common Language Bible 2009

³² Anhte gaw shi a hkang da ai npu hta Hkanan mung de rap sa nna majan pa de sa na ga ai; shaloi anhte gaw Yawdan a sinpraw hkran na anhte a lamu ga sali matut madu lu na ga ai,” ngu nna htan ma ai.

Jinghpaw Hanson Version Bible

³² Anhte ri nhtu hte Yehowa man e Hkanan mung hkran de rap nang na ga ai; anhte a lamu ga sali chyawm gaw Yawdan hka sinpraw hkran de rai na rai nga ai,” ngu nna bai htan mu ai.

BU HKAWM 32:32 ပူးပေါင်းရင်းမြစ်များ

JAW JAU 14:34

nta ni hta kap jawng ai nshu lamu hte seng nna hkan sa na tara ni jaw ya wu ai. (Ndai gaw Israela amyu masha ni a matu sali wunli tai na dai Madu lajang da ya ai Hkanan mung de shang wa ai hpang tsun shadum ai ga rai nga ai.) Marai langai ngai gaw shi a nta hta nshu lamu kap ai hpe mu jang, hkinjawng wa hpang de sa tsun dan lu na rai wu ai.

BU HKAWM 32:19

Anhte a kumhtaw ngu na Yawdan hka a sinpraw daw hpe anhte lu la saga ai majaw Yawdan hka a wora hkran na shanhte a lamu ga sali hpa hpe mung anhte madu la na ga ai n rai,” ngu nna tsun ma ai.

BU HKAWM 32:31

Gad hte Rubin a masha ni mung, “Madu e, dai Madu hkang da ai hte maren anhte hkan galaw na ga ai.

BU HKAWM 32:33

Dai rai nna Mawshe gaw Amori Hkawhkam Sihon a, lamu ga yawng hte Bashan Hkawhkam Oga a lamu ga hte de a grup yin na kahtawng ni lawm hkra, Gad hte Rubin a amyu bawsang ni hte Manashe a amyu bawsang ka-ang hkup hte hpe masat ya wu ai.

BU HKAWM 34:15

dai hpe dinghku masha hku hkan nhtawm Yawdan hka a sinpraw maga, Yerihko hte tawtap rai nga ai lamu ga hpe karan la manu ai,” ngu nna tsun wu ai.

TARA JAHPRANG 1:1

Ndai laika hta rawng ai ga ni gaw Israela amyu masha ni Yawdan hka sinpraw maga na nam mali hta nga nga yang, Mawshe shanhte hpe tsun ai lam ni rai nga ai. Shanhte mung Yawdan Kadit makau na Suhpa, dai hte tawtap na Paran, Tohpela, Laban, Hazerot hte Dizahab a lapran hkan nga nga ma ai.

TARA JAHPRANG 29:8

anhte gaw shanhte a lamu ga la nhtawm, Rubin hte Gad amyu bawsang ni hte Manashe amyu bawsang chyen mi hpe sali ga hku karan ya saga ai.

TARA JAHPRANG 3:12

Anhte dai lamu ga hpe madu la lu ai shaloi, Arnon hka makau na Aroera mare a dingdung maga na lamu ga hte Gilead bum ga chyen mi hta lawm ai mare ni gaw Rubin hte Gad amyu bawsang ni hpe ngai ap ya mase ai.

YAWSHU 12:1

Israela amyu masha ni gaw Yawdan hka a sinpraw maga Arnon Kadit kaw nna Yawdan Kadit a hka hku maga, dingdung maga Hermon Bum de du hkra gasat madu la kau nga masai. Shanhte gaw hkawhkam lahkawng yan hpe dang kau ma ai.

YAWSHU 12:6

Ndai hkawhkam yan mahtang Mawshe hte Israela amyu masha ni a majaw, sum mat ma ai. Dai Madu a shangun kasa Mawshe mung, Rubin, Gad amyu bawsang ni hte Manashe amyu bawsang kau chyen mi hpe shan a mungdan hpe madu la shangun wu ai.