BU HKAWM 32:29 - Jinghpaw Common Language Bible 2009

²⁹ Yawdan hka rap nna majan a matu jin jin rai nga sai hte shanhte a karum shingtau la ai a majaw nanhte dai mungdan hpe dang la lu jang, Gilead mung hpe shanhte a mungdan sali hku jaw na rai myit dai.

Jinghpaw Hanson Version Bible

²⁹ Gad matu ni hte Rubin matu ni hta ri nhtu lang ai ni yawng hpyen gasat na matu Yehowa a man e nanhte hte rau Yawdan hka wora hkran rap nna, dai mungdan hpe nanhte dang la lu jang, shanhte hpe Gilead mung madu shangun na rai myit dai.

BU HKAWM 32:29 ပူးပေါင်းရင်းမြစ်များ

BU HKAWM 32:17

Dai hpang anhte mahtang anhte a kahpu kanau Israela masha ni hte rau majan ginra de pru sa na matu shajin nhtawm, shanhte madu la na mung hta shara lajang ya ngut ai aten du hkra woi gasat na ga ai. Dai aten hta chyawm gaw anhte hta shamyet shanat nang ai ni ndai mung na masha ni a hpyen ai kaw na shim lum lu hkra, ndai yang na bunghku kum ai mare ni hta nga lu ra na rai ma ai.

BU HKAWM 32:28

Shaloi Mawshe gaw Eleaza, Yawshu hte kaga Israela ningbaw ni hpe ndai hkang da ai ga ndat tsun wu ai: “Ndai Gad hte Rubin a masha ni dai Madu hkang da ai hte maren,

BU HKAWM 32:30

Rai ti mung Yawdan hka hpe shanhte n rap, nanhte hte rau majan pa de n sa rai yang chyawm gaw, Hkanan mung e nanhte karan la myit dai zawn nanhte hte rau shanhte a lamu ga sali kumhtaw hkam la lu na rai ma ai,” ngu nna tsun wu ai.

YAWSHU 12:6

Ndai hkawhkam yan mahtang Mawshe hte Israela amyu masha ni a majaw, sum mat ma ai. Dai Madu a shangun kasa Mawshe mung, Rubin, Gad amyu bawsang ni hte Manashe amyu bawsang kau chyen mi hpe shan a mungdan hpe madu la shangun wu ai.

YAWSHU 13:11

Gilead mung, Geshuri hte Mahkahti ginwang ni, Hermon bum yawng, Saleka du hkra dam ai Bashan mung ting mung lawm nga ai.

YAWSHU 14:3

Yawdan hka a sinpraw hkran na lamu ga hpe amyu bawsang lahkawng hte chyen mi hpe Mawshe masat ya nu ai. (Yosep a amyu matu mara ni hpe Manashe hte Ehprim amyu bawsang lahkawng hta karan ya nga ai.) Mawshe chyawm gaw Lewi masha ni hpe lamu ga dachyawk mi mung n jaw wu ai. Shing rai jaw na malai, shanhte nga na mare ni hte shanhte lu tawn ai dumsu yam nga hpung a matu udat shara pa layang ni hpe shanhte lu la nga ma ai.

YAWSHU 18:7

Rai ti mung Lewi masha ni chyawm gaw lamu ga gambum nanhte zawn lu la na ma ai n rai; hpa majaw nga yang, shanhte a gambum gaw dai Madu a hkinjawng ni tai nna daw jau amu gun hpai na rai ma ai. Dai Madu a shangun kasa Mawshe jaw ya manu ai hte maren, Yawdan hka a sinpraw hkran na lamu ga hpe Gad, Rubin hte sinpraw maga de nga ai Manashe amyu bawsang ni lu la nga masai,” ngu nna tsun wu ai.

YAWSHU 22:9

dai rai nna, Rubin, Gad hte sinpraw hkran na Manashe amyu bawsang ni dum nta de nhtang wa na nga, Hkanan mung Shilo mare e naw nga ai Israela amyu masha ni kaw na shanhte a mung ga ngu na Gilead mung de dai Madu Mawshe hpe hkang da nu ai hte maren pru mat wa ma ai.

TARA AGYI 10:3

Tola a hpang, Yaira gaw Gilead mung e paw pru wa ai. Shi gaw Israela hpe hkun lahkawng ning tup lam woi wa nu ai.

1 SAMUELA 18:17

Shawlu gaw Dawi hpe, “Nang e nye a shayi sha kaba Merab nga nga ai. Nang gaw nye a matu magrau grang ai hte sadi dung let dai Madu a majan ni hta shang gasat ai rai yang, ngai gaw shi hpe na a madu jan shatai na matu jaw ya na de ai,” ngu nna tsun wu ai. (Shawlu chyawm gaw ndai hku nna shi hkum nan n hkra ai sha, Hpilisti masha ni Dawi hpe sat kau mu ga, nga nna myit ai lam rai nga wu ai.)