BU HKAWM 32:22 - Jinghpaw Common Language Bible 2009

²² anhte a gumlau hpyen ni hpe htim gasat na rai myit dai. Dai hpang nanhte mung dai Madu a matu mung, Israela kahpu kanau ni a matu mung gun hpai ang ai lit hpe shatup ngut manit dai majaw nhtang wa mai nga ai. Dai hpang chyawm gaw Yawdan sinpraw maga na dai lamu ga hpe nanhte madu la nga manit dai hpe dai Madu masat ya na rai wu ai.

Jinghpaw Hanson Version Bible

²² Yehowa a man e mung, Israela masha ni a man e mung, nanhte mara lawt lu ai hte, ndai de bai wa nna, Yehowa a ahkang hte ndai mungdan sali nanhte wa madu lu na rai myit dai.

BU HKAWM 32:22 ပူးပေါင်းရင်းမြစ်များ

2 SAMUELA 3:28

Dai shiga hpe Dawi na jang, shi gaw, “Dai Madu gaw nye a daw dan ai lam ni hte Abna sat kau hkrum ai lam hta ngai hte nye a mungdan hta tsep kawp mara shagun shara n nga ai gaw chye nga u ga.

SHAKAWN KUNGDAWN 78:55

Shi a amyu masha ni shawng de rawt sa wa ai shaloi, shawng e de nga sai amyu masha ni hpe shi gawt shapraw kau ya nhtawm; Israela amyu baw ni hpe shanhte a lamu ga garan ya ai hte, shi a amyu masha ni hpe shanhte a dum nta ni jaw ya wu ai.

JAW JAU 14:34

nta ni hta kap jawng ai nshu lamu hte seng nna hkan sa na tara ni jaw ya wu ai. (Ndai gaw Israela amyu masha ni a matu sali wunli tai na dai Madu lajang da ya ai Hkanan mung de shang wa ai hpang tsun shadum ai ga rai nga ai.) Marai langai ngai gaw shi a nta hta nshu lamu kap ai hpe mu jang, hkinjawng wa hpang de sa tsun dan lu na rai wu ai.

BU HKAWM 32:21

Nanhte a hpyenla ni yawng Yawdan hka rap nna dai Madu hkang ai npu hta shanhte hpe dang kau nna mungdan hpe madu la lu ai aten du hkra,

TARA JAHPRANG 3:20

Dai Madu gaw nanhte a matu ndai yang e shajin shatsup ya manit dai zawn nanhte a kahpu kanau Israela masha ni hpe ngai jaw da ai Yawdan hka a sinna hkran na lamu ga hpe shanhte madu la lu nna, dai yang e ngwi pyaw sim sa ai hte dai Madu shanhte hpe nga shangun ai aten du hkra shanhte hpe karum la lu na rai myit dai. Dai hpang mahtang, ngai nanhte a matu masat da ya sai ndai mung de nhtang wa mai na rai myit dai.

YAWSHU 1:15

Ndai hku galaw ai hpe nanhte a Madu Karai Kasang e shanhte hpe jaw da ai Yawdan hka a sinna maga na lamu ga hpe shanhte lu madu la ai aten du hkra galaw na rai myit dai. Israela amyu bawsang yawng hpe shim lum ai lam lajang da ya ngut jang, nanhte mung bai nhtang wa mai nhtawm, dai Madu a shangun ma Mawshe nanhte hpe jaw sai dai Yawdan hka a sinpraw hkran na nanhte a mung ngu na ndai yang e wa nga na rai myit dai,” ngu nna tsun mu ai.

YAWSHU 10:30

Dai Madu gaw mare dai hte hkawhkam wa hpe Israela masha ni a lata hta awng padang jaw ya mu ai rai nna dai mare na masha langai mi hpe mung n ngam da ai sha sat kau mu ai. Yerihko hkawhkam wa hpe shagrawt kau ai zawn dai hkawhkam wa hpe mung shagrawt kau mu ai.

YAWSHU 10:42

Dai Madu Israela a Karai Kasang gaw Israela a matu gasat ya nga ai majaw, Yawshu gaw dai hkawhkam ni yawng hte shanhte a lamu ga ni hpe kalang dat gasat la lu wu ai.

YAWSHU 11:23

Yawshu gaw dai Madu Mawshe hpe hkang da nu ai hte maren, mungdan ting gasat la nhtawm Israela amyu masha ni hpe shanhte a sali ga hku shi jaw nhtawm amyu bawsang shagu hte hpe sali karan ya wu ai. Dai rai nna, shanhte gaw majan man hta na mung hkring sa la lu ma ai.

YAWSHU 13:8

Dai Madu a shangun kasa Mawshe gaw shanhte hpe karan jaw manu ai hte maren, Rubin, Gad hte Manashe amyu bawsang kau chyen ni gaw Yawdan Hka a sinpraw hkran maga de nga ai lamu ga ni hpe lu la chyalu rai nga masai.

YAWSHU 18:1

Shanhte gaw mungdan hpe gasat dang la ngut ai hpang, Israela shawa hpung ting Shilo mare e zup hpawng nna, dai Madu a hpung shingkang shanu nga ai Sum hpe sharawt ma ai.

YAWSHU 2:19

Kadai mung nta nhku na shinggan de pru ai wa gaw shi a si hkrung si htan lam gaw shi galaw shut ai mara a majaw rai na ra ai; de a majaw anhte hta lit lu na ga ai n rai; rai ti mung nang hte rau nta nhku e nga ai wa hpe machyi jahkrum ai rai yang chyawm gaw an a lit rai na rai nga ai.

YAWSHU 22:4

Ya chyawm gaw shi ga sadi tawn da sai hte maren, dai Madu nanhte a Karai Kasang gaw nanhte a Israela hpu nau amyu masha ni hpe ngwi pyaw sim sa lam jaw ya nu ai. Dai re ai majaw, dai Madu a shangun kasa Mawshe gaw nanhte hpe jaw ya sai Yawdan hka a sinpraw hkran na nanhte a matu ngu madu da sai mung ga na dum nta de bai nhtang wa manu.

YAWSHU 22:9

dai rai nna, Rubin, Gad hte sinpraw hkran na Manashe amyu bawsang ni dum nta de nhtang wa na nga, Hkanan mung Shilo mare e naw nga ai Israela amyu masha ni kaw na shanhte a mung ga ngu na Gilead mung de dai Madu Mawshe hpe hkang da nu ai hte maren pru mat wa ma ai.