BU HKAWM 31:8 - Jinghpaw Common Language Bible 2009

⁸ Midian hkawhkam manga rai nga ai Ewi, Rekem, Zura, Hura hte Reba ni lawm hkra sat kau ma ai. Beora a kasha Balam hpe mung sat kau ma ai.

Jinghpaw Hanson Version Bible

⁸ Sat kau hkrum ai ni hta na, Ewi, Rekem, Zura, Hura, Reba ngu ai Midian hkawhkam manga lawm ma ai: Beora kasha Balam hpe mung nhtu hte sat kau mu ai.

BU HKAWM 31:8 ပူးပေါင်းရင်းမြစ်များ

SHAKAWN KUNGDAWN 10:2

Tara n lang ai ni gumrawng gumtawng nga nna, matsan mayan ni hpe zingri zingrat nga ma ai; shanhte galaw da ai mahkam ni hta shanhte hpe lu shagun u.

SHAKAWN KUNGDAWN 9:16

Dai Madu gaw shi a ding man ai tara dara lam ni hta shi hkum nan hpe shadan dan nu ai hte; tara n lang ai ni gaw shanhte galaw ai arawn alai hte maren, mahkam hta lu nga ma ai.

GA SHAGAWP 11:3

Nang mai kaja nga ai rai yang, ding man ai lam hta nang hkan nang nga ndai; kam hpa n lu ai masha ni chyawm gaw shanhte a n ding n man ai lam a jaw e, shaza kau ai hkrum nga ma ai.

GA SHAGAWP 13:17

Kam hpa n lu ai kasa ni gaw ru yak tsin-yam hpe shabyin nga ma ai; kam hpa lu ai masha ni gaw ngwi pyaw sim sa lam hpe shabyin shatai ya nga ma ai.

HABAKU 3:7

Ngai gaw Hkusha masha ni hkrit nga ma ai hpe mung, Midian masha ni hkrit gari nga ma ai hpe mung mu nngai.

BU HKAWM 22:10

Shi mahtang, “Dai ni gaw Egutu mung na wa ai amyu baw ni mungdan ting hta kaput nga masai lam ngai hpe tsun dan na matu Hkawhkam Balak e shangun dat ai ni rai ma ai. Shi gaw shanhte hpe htim gasat nna shaden kau lu hkra nga, shi a matu matsa ya na ngai hpe ra sharawng nga ai,” ngu nna htan wu ai.

BU HKAWM 22:4

Moba masha ni gaw Midian masha ni a ningbaw ni hpe, “Ndai wunawng wuwa gaw usu langai mi udat shara na tsingdu hpe makret sha nga ai zawn anhte a grup yin na nga manga hte hpe kade n na yang, jahten sharun kau na mara ai,” ngu nna tsun wu ai. Dai rai nna Hkawhkam Balak gaw

BU HKAWM 22:5

Beora a kasha Balam hpe shaga na matu, dai wa nga ai Amaw mung na Uhprat hka nu makau na Petora mare de kasa ni hpe shangun dat wu ai. Shanhte mung Balak kaw na dai ga shi kaw la sa ya mu ai; “Egutu mung na du lung wa ai amyu baw ting a lam hpe ngai chye mayu nngai; dai ni gaw shara shagu hkan pat rap rai nna anhte a mung hpe la kau na matu jahkrit shama nga masai.

BU HKAWM 23:10

Israela amyu matu ni gaw ga nhpu zawn- Grai law nga ma ai majaw n dang hti lu nga ai. Karai Kasang a amyu masha hta na langai mi wa zawn nye a nhtoi ni hpe jahtum kau n-ga; Ding man ai wa si ai zawn ngwi pyaw sim sa ai hte ngai si wa n-ga law.”

BU HKAWM 24:14

Balam gaw Balak hpe, “Ya chyawm gaw nye a amyu masha ni nga ai de ngai mahtang wa na ni ai; rai ti mung ngai garai n pru wa yang, ndai Israela amyu masha ni htawm hpang de na a masha ni hpe hpa galaw na ra ai gaw ngai nang hpe sadi jaw na we ai,” ngu nna tsun wu ai.

BU HKAWM 24:25

Dai hpang Balam shajin la nna, shi a dum nta de nhtang mat wa wu ai. Balak mung shi a lam hku wa mat wa ai.

BU HKAWM 25:15

Numsha amying gaw Midian lakung ni hta hpung langai a du Zura ngu ai wa a shayi sha Hkozbi rai nga ai.

BU HKAWM 31:16

Dai numsha ni gaw Balam hpaji daw matsun ai hta hkan nna amyu masha ni hpe woi hkalem nhtawm Peora e dai Madu hpe n kam n sham shangun nga ai hpe dum mu. Dai lam a majaw dai Madu a amyu masha ni hta ana zinli ari hkrum sha lai wa saga ai.

BU HKAWM 31:9

Israela amyu masha ni mung Midian numsha ni hte ma kaji ni hpe rim la nhtawm shanhte a dumsu yam nga hpung ni hte sut gan yawng hpe magawn la nna

2 PETRU 2:15

Shanhte gaw lam ding ai hpe kau da nna shanhte a lam shamat kau manu ai; shanhte gaw Beora a kasha Balam hkan ai lam hta hkan nang mat masai. Balam gaw n teng n man ai amu galaw nna lu ai shabrai hpe ra marit ai wa rai nga ai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.