BU HKAWM 31:41 - Jinghpaw Common Language Bible 2009

⁴¹ Mawshe gaw dai Madu hkang da ai hte maren, dai Madu a matu laksan hkungga shatai na kang Eleaza hpe jaw ya wu ai.

Jinghpaw Hanson Version Bible

⁴¹ Yehowa Mawshe hpe hkang da wu ai hte maren, Yehowa a matu manawt hkungga di na kang hkinjawng Eleaza hpe Mawshe ap ya wu ai.

BU HKAWM 31:41 ပူးပေါင်းရင်းမြစ်များ

PRU MAT 12:28

Dai hpang shanhte sa nna dai Madu Mawshe yan Arun hpe hkang da nu ai hte maren hkan galaw ma ai.

BU HKAWM 18:19

“Israela amyu masha ni ngai hpe sak jaw ai laksan kumhpa ni yawng gaw nang hte na a shayi shadang sha ni hpe prat dingsa ngai jaw ya nga nngai. Dai gaw nanhte mung, na a amyu matu ni hte mung ngai tawn da ai n hten n run mat ai ga shaka rai nga ai,” ngu nna tsun wu ai.

BU HKAWM 18:8

Dai Madu gaw Arun hpe, “Nye a matu wan nat hkungga n re ai kaga laksan kumhpa ni yawng ngai nang hpe jaw ya nngai hpe dum u. Dai ni gaw nang hpe mung, na a amyu matu ni hpe mung htani htana kumhtaw tai na, ngai jaw nga nngai.

BU HKAWM 31:42

Shawa hpung a kumhtaw mung hpyenla ni hte maren rai nga ai; dai ni gaw sagu hte bainam 337,500, dumsu 36,000, lawze 30,500 hte hkawn jet 16,000 rai nga ai.

BU HKAWM 5:10

Shi hpe jaw ai hkungga kumhpa ni hpe hkinjawng shagu hkap mazing da na rai ma ai.

BU HKAWM 5:9

Israela amyu masha ni dai Madu hpe nawng jau ai laksan kumhpa shagu mung hkinjawng wa a matu rai nga ai.

MAHTE 10:10

hkrun lam na matu nhpye hte palawng shajan hkum gun, kyepdin hte dawhkrawng mung hkum lang myit: hpa majaw nga yang, amu galaw ai wa gaw shi a shahpa lu la ging nga ai.

GALATI 6:6

Dai Hkristu a mungga hpe sharin achyin hkam la ai wa gaw, sharin achyin ya ai sara wa hpe tinang lu mai ai kaja ai ja gumhpraw arung arai yawng hte karum madi shadaw nga u ga.

1 TIMOHTI 5:17

Ningbaw ningla amu hpe atsawm galaw ai hpung woi ni gaw shabrai htam lahkawng hkam la ging ai wa re ngu nna sawn la mai nga ai. Grau nna mungga htawn tsun ai lam sharin achyin ai lam hpe shakut shaja gun hpai ai ni gaw shing rai hkam la ging ai ni rai nga ma ai.