BU HKAWM 31:30 - Jinghpaw Common Language Bible 2009

³⁰ Amyu masha ni lu la ai ka-ang hkup hta na bawng masha, dumsu, lawze, sagu hte bainam re ai yam nga manga shi hta na langai mi hku la da na rai myit dai. Dai hpe dai Madu a Sum hta amu galaw woi hpareng nga ai Lewi masha ni hpe jaw na rai myit dai,” ngu nna tsun wu ai.

Jinghpaw Hanson Version Bible

³⁰ Bai, Israela kashu kasha ni lu ai ka-ang hkup hta na mung, masha hte dumsu, lawze, sagu bainam re ai yamnga hkum manga shi hta na hkum mi hta la nna, Yehowa a sumpan nta amu gun hpai ai Lewi masha ni hpe jaw mu,” ngu wu ai.

BU HKAWM 31:30 ပူးပေါင်းရင်းမြစ်များ

1 HKAWHKAM LABAU 23:32

Shanhte gaw dai Madu a hpung shingkang shanu nga ai Sum hpe yu lajang na matu mung, shanhte a makyin jinghku ni, Arun kaw nna pra hkrat wa ai hkinjawng ni Nawku Htingnu kata nawku daw jau amu galaw ai shaloi karum shingtau ai ni rai ma ai.

2 HKAWHKAM LABAU 14:15

Shanhte gaw sagu rem ai ni a dap dabang ni hpe gasat ma ai rai nna sagu hte gawla-uk law law rim la ma ai. Dai hpang Yerusalem mare de shanhte bai nhtang mat wa ma ai.

BU HKAWM 1:53

Rai ti mung Lewi masha ni gaw Sum a grup yin hkan e but nga nna dai hpe makawp maga na rai ma ai. Dai shara de kadai mung n shani sa lu mu ga, Israela shawa hpung ting mung nye a myit masin hpe pawt shangun nna adup ai kaw n du u ga,” ngu nna tsun wu ai.

BU HKAWM 3:25

Shanhte gaw Sum hte seng nna gun hpai ang ai amu gaw Sum kata de galup ai magap, de a shinggan de galup ai magap, Sum chyinghka nba grang,

BU HKAWM 3:31

Ga Shaka Sumpu, aku, pyengdin shadun, tawn hkungri ni, chyoi pra ai shara hta hkinjawng ni lang ai hkinghku arai ni, Chyoi Pra Htum ai Shara de shang wa ai chyinghka a nba grang ni hpe lit la yu lajang na rai ma ai. Shanhte gaw ndai amu yawng hte seng maseng hpe lit la ya na rai ma ai.

BU HKAWM 31:28

Hpyenla ni madu la lu ai hta na dai Madu a kang a matu bawng masha, dumsu, lawze, sagu hte bainam, manga tsa hta langai mi hku tawn da na rai myit dai.

BU HKAWM 31:29

Dai ni hpe dai Madu a matu laksan hkungga shatai na hkinjawng Eleaza a lata de ap ya na rai myit dai.

BU HKAWM 31:31

Mawshe yan Eleaza yan mung dai Madu hkang da sai hte maren galaw ma ai.

BU HKAWM 8:26

Dai hpang shi gaw Sum kata hta amu gun hpai nga ai shi a kahpu kanau, manaw manang Lewi masha ni hpe karum shingtau na mai nga ai; rai ti mung kaning re ai daw jau magam amu hpe shi hkum nan shang galaw lu na n rai. Ndai lam gaw Lewi masha ni a magam lit ni hpe nang kaning rai hpajang ya na lam rai nga ai,” ngu nna tsun wu ai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

1 KORINHTU 4:2

Shing rai lit la nna magam gun hpai ai shangun ma wa hta nga ra ai atsam marai langai mi gaw, shi a Madu a ntsa e kangka sadi dung na lam rai nga ai.

KOLOSE 4:17

Dai Madu a amu hta gun hpai na matu ap da hkrum ai hpe ngut hkra gun hpai na matu Arhkipo hpe tsun shana mu.

HEBRE 13:17

Nanhte a lam woi ningshawng ni a ga hpe madat mara nna shanhte a hkang da ai ga ni hpe hkan sa galaw mu. Shanhte gaw shanhte galaw daw ai amu a jahpan hpe Karai Kasang kaw dan lu na rai nna, shanhte gaw nanhte a myit masin ni hpe n hkring n sa sin ya nga ma ai. Shanhte a ga hpe nanhte madat mara myit yang gaw shanhte galaw ai bungli hpe kabu gara ai hte galaw na mara ai: dai n rai yang shanhte myit yawn let galaw na mara ai rai nna na a matu hpa akyu mi rawng na n rai.

YAWSHU 9:27

Rai ti mung dai aten hta nan shi shanhte hpe mayam shatai nhtawm Israela amyu masha ni hte dai Madu a tawn hkungri amu ni a matu hpun hta, hka ja na hpajang da wu ai. Dai rai nna dai ni du hkra nawku na matu dai Madu lata san da nu ai shara hta dai amu matut galaw nga ma ai.