BU HKAWM 31:28 - Jinghpaw Common Language Bible 2009

²⁸ Hpyenla ni madu la lu ai hta na dai Madu a kang a matu bawng masha, dumsu, lawze, sagu hte bainam, manga tsa hta langai mi hku tawn da na rai myit dai.

Jinghpaw Hanson Version Bible

²⁸ Bai, hpyen sa gasat ai hpyen ma ni hta na, Yehowa a kang matu shanhte lu ai masha hte dumsu, lawze, sagu bainam hkum manga tsa hta na hkum mi hta la nna,

BU HKAWM 31:28 ပူးပေါင်းရင်းမြစ်များ

NINGPAWT NINGHPANG 14:20

Na a gumlau hpyen ni a ntsa e, nang hpe awng padang jaw ya ai dai Tsaw Htum ai Karai Kasang gaw a nga u ga law!,” nga nna tsun ai. Abram mung shi lu la sai arai mahkra a htam shi hta na htam mi hpe Melhkizedek a lata hta jaw ya wu ai.

1 HKAWHKAM LABAU 18:11

Hkawhkam Dawi chyawm gaw nawku daw jau ai hta lang na matu dai ni hte hpawn shi gasat dang da sai Edom, Amon, Hpilisti hte Amalek masha amyu baw ni kaw na shi la wa ai aja, gumhpraw hpe mung, nawng ya wu ai.

2 HKAWHKAM LABAU 15:11

Shanhte gaw dai shani e shanhte la wa ai lanep hta na dumsu sanit tsa, sagu hkying sanit dai Madu a matu nawng ya ma ai.

ESAIA 18:7

Chyahtum Chyalai N-gun rawng ai dai Madu gaw mungkan ting jawm hkrit ai hte hkum shingyan galu nna hkum shan pri tsawm ai amyu masha ni, n-gun ja nhtawm daru magam n-gun hte hpring nga ai amyu hte hka nu hku hkan nna garan da ya sai dai mungdan kaw nna sak jaw ai shagu hkungga hpe hkap la na aten gaw du wa nga sai. Shanhte gaw Chyahtum Chyalai N-gun rawng ai dai Madu hpe nawku ai shara ngu ai Ziun Bum de sa wa na mara ai.

ESAIA 23:18

Shi hpaga ga nna lu tam ai gumhpraw hpe dai Madu hpang de ap nawng ya na ra ai. Shi gaw dai gumhpraw ni hpe n kyem da na nu ai, rai ti mung dai Madu hpe nawku daw jau ai ni gaw shanhte hta ra kadawn nga ai malu masha hte bu hpun palawng ni mari la na matu, shi a gumhpraw jai lang wa na ra ai.

ESAIA 60:9

Dai ni gaw sumtsan mung na du wa ai sanghpaw li ni rai nna, Karai Kasang a amyu masha ni hpe nta de woi wa nga ma ai. Shanhte gaw masha amyu baw ni yawng hpe Shi a amyu masha ni a matu shagrau sha-a hkrum shangun nga sai. Dai Madu Israela a chyoi pra ai Karai Kasang hpe Shagrau sha-a na matu shanhte hte rau aja gumhpraw la wa ma ai.

BU HKAWM 18:21

Dai Madu gaw, “Israela amyu masha ni ngai hpe sak jaw ai htam shi hta na htam mi shagu, Lewi masha ni hpe ngai jaw ni ai. Dai gaw nye a hpung shingkang shanu nga ai Sum hpe yu lajang ai shanhte a daw jau magam bungli a matu shabrai rai nga ai.

BU HKAWM 31:29

Dai ni hpe dai Madu a matu laksan hkungga shatai na hkinjawng Eleaza a lata de ap ya na rai myit dai.

BU HKAWM 31:30

Amyu masha ni lu la ai ka-ang hkup hta na bawng masha, dumsu, lawze, sagu hte bainam re ai yam nga manga shi hta na langai mi hku la da na rai myit dai. Dai hpe dai Madu a Sum hta amu galaw woi hpareng nga ai Lewi masha ni hpe jaw na rai myit dai,” ngu nna tsun wu ai.

BU HKAWM 31:47

Mawshe gaw ndai kumhtaw ni hta na bawng masha hte yam nga manga shi hta na langai mi hku hta la nna dai Madu hkang da ai hte maren dai Madu a Sum hta amu woi hpareng ai Lewi masha ni hpe ap ya wu ai.

MAHTE 22:21

Shanhte gaw, “Kehta a sumla hte masat laika kap nga ai,” ngu nna htan mu ai. Shaloi shi gaw, “Dai rai yang gaw, Kehta hte seng ai hpe gaw Kehta hpe ya mu; Karai Kasang hte seng ai hpe gaw, Karai Kasang hpe ya mu,” ngu nna shanhte hpe tsun mu ai.

YAWSHU 6:19

Aja gumhpraw, magri mang hte hpri rai ni hte galaw ai arai hpa rai tim, dai Madu a matu san da ya na rai myit dai. Dai gaw dai Madu a sut dek hta bang da na rai nga ai,” ngu nna tsun wu ai.

YAWSHU 6:24

Dai hpang, aja, gumhpraw, magri mang hte hpri ni hte galaw ai arai ni hpe dai Madu a sut dek hta bang da ai hta jan nna dai mare hte dai hta rawng marawng yawng hpe wan n-wu tai mat hkra nat kau ma ai.

YAWSHU 9:27

Rai ti mung dai aten hta nan shi shanhte hpe mayam shatai nhtawm Israela amyu masha ni hte dai Madu a tawn hkungri amu ni a matu hpun hta, hka ja na hpajang da wu ai. Dai rai nna dai ni du hkra nawku na matu dai Madu lata san da nu ai shara hta dai amu matut galaw nga ma ai.