BU HKAWM 31:20 - Jinghpaw Common Language Bible 2009

²⁰ Hpun palawng shagu hpe mung, shanhpyi, bainam mun, hpun hte galaw ai arai shagu hte hpe mung jasan jaseng lu na rai myit dai,” ngu nna tsun wu ai.

Jinghpaw Hanson Version Bible

²⁰ Dai hta kaga, hpun palawng yawng hte shanhpyi arai nlang; bainam mun hte da ai arai nlang, hpun hte galaw ai arai nlang hpe mung, jasan jaseng kau mu,” ngu nna hkang da wu ai.

BU HKAWM 31:20 ပူးပေါင်းရင်းမြစ်များ

NINGPAWT NINGHPANG 35:2

Dai rai nna Yaku mung shi a dinghku masha ni hte shi hte rau nga nga ai ni yawng hte hpe, “Nanhte lu ai maigan hpara sumla ni hpe shapraw kau mu, tinang hkum hpe tinang dai shachyoi shapra nna asan aseng re ai hpun palawng ni bu hpun mu.

PRU MAT 19:10

dai Madu gaw shi hpe, “Amyu masha ni hpang de yu wa nhtawm nawku na matu shanhte a hkum ni hpe dai ni, hpawt ni jasan jaseng na shanhte hpe tsun u. Shanhte gaw shanhte a hpun palawng ni hpe hkrut lu na rai nna,

BU HKAWM 19:22

N san n seng ai wa hkra ai arai hpa mung n san n seng nga ai; dai arai hkra ai wa kadai mung shana de du hkra n san n seng naw rai nga ai.

BU HKAWM 31:19

Nanhte hta na masha sat ai wa hte si mang hkra ai wa kadai mung dap shinggan e sanit ya tup naw but nga lu na rai myit dai. Nanhte nan mung, nanhte rim wa ai numsha ni mung masum ya hte sanit ya shani hta jasan jaseng kau lu na rai myit dai.

BU HKAWM 31:21

Hkinjawng Eleaza mung majan pa de na nhtang wa ai ni hpe, “Ndai lam ni gaw dai Madu Mawshe hpe hkang da sai tara ni rai nga ai.