BU HKAWM 31:15 - Jinghpaw Common Language Bible 2009

¹⁵ Shi gaw shanhte hpe, “Nanhte gaw dai numsha ni yawng hpe hpa majaw jahkrung da nga myit ni?

Jinghpaw Hanson Version Bible

¹⁵ Dai numsha ni mahkra hpe nanhte jahkrung da mu ai?

BU HKAWM 31:15 ပူးပေါင်းရင်းမြစ်များ

YEREMIA 48:10

(Dai Madu a amu hpe myit masin mahkra hte n galaw ai wa hpe dagam kau u! Nhtu hte masha n sat hkraw ai wa gaw dagam dala hkrum u ga!)

EZEKELA 9:6

Dingla ni hte shabrang ni hpe mung, mahkawn ni hte kanu ni, ma kaji ni hpe htau sat kau mu. Rai ti mung, kahtan ntsa e masat shakap da hkrum ai ni kadai hpe mung hkum hkra myit. Dai amu hpe nye Nawku Htingnu shara hta galaw hpang mu,” ngu nna tsun ai ga hpe ngai na nngai. Shanhte gaw dai Nawku Htingnu ndaw e tsap nga ai ningbaw ni hpe shawng sat hpang ma ai.

BU HKAWM 31:14

Mawshe chyawm gaw majan pa kaw na nhtang wa ai du salang ni, dap up hkang du ni hte dap ran up hkang du ni hpe hkap pawt wu ai.

TARA JAHPRANG 2:34

Dai shaloi e nan, anhte gaw mare nga manga ni kashun la nhtawm jahten kau ya ga ai; lasha, numsha hte ma kaji ni yawng hpe mung sat kau ga ai rai nna hkrung nga ai masha langai mi hpe mung n ngam da ga ai.

TARA JAHPRANG 20:13

Dai Madu nanhte a Karai Kasang dai mare hpe ka-up la na matu nanhte hpe ap ya ai shaloi, mare masha shagu hpe sat kau na rai myit dai.

TARA JAHPRANG 20:14

Dai hpang numsha ni hte ma kaji ni, yam nga hpung ni hte mare hta nga ai arai yawng mayawng hpe nanhte a matu la mai nga myit dai. Dai Madu nanhte hpe jaw manit dai gumlau hpyen ni madu ai arai shagu hte hpe mung madu la lu na rai myit dai.

YAWSHU 10:40

Yawshu gaw mungdan ting ngu na bum ga na hkawhkam ni, sinpraw maga na kadit ni, sinna maga de na layang ni, dingdung maga de na hkun hkraw ai shara mahkra hpe gasat la wu ai. Shi gaw masha kadai hpe mung n ngam da ai sha sat kau wu ai; Ndai gaw dai Madu Israela a Karai Kasang hkang da ai hte maren galaw ai amu rai nga ai.

YAWSHU 11:14

Israela amyu masha ni gaw dai mare hkan na manu dan ai lanep arai ni hte yam nga ni yawng la nna shanhte a matu dai ni hpe kyem da nga ma ai. Rai ti mung, masha shagu hte hpe chyawm gaw sat kau nna kadai mung n hkrung lu nga ma ai.

YAWSHU 6:21

Dai mare kata na numsha lasha kaji kaba, sagu dumsu hte lawze nga manga mahkra hpe shanhte a nhtu hte sat kau ma ai.

YAWSHU 8:25

Dai mare e nga ai masha shagu sat kau hkrum ma ai aten du hkra, Yawshu gaw shi a nri n jahkrat kau ai sha, Ai mare de aladawn da wu ai. Dai shani e sat kau hkrum ai Ai mare na numsha lasha yawng mun mi hkying lahkawng rai nga ai.

1 SAMUELA 15:3

Amalek masha ni hpe sa gasat nhtawm shanhte lu malu sut gan mahkra hte hpe tsep kawp jahten shaza kau ya mu. Arai hpa mung hkum tawn hkum ngam da myit. Numsha, lasha, ma kaji, ma chyangai, sagu, dumsu, gawla-uk hte lawze ni yawng mayawng hpe sat kau mu,” ngu nna tsun wu ai.