BU HKAWM 30:7 - Jinghpaw Common Language Bible 2009

⁷ ga shaka hte ga sadi hte maren lam shagu hpe galaw lu na rai wu ai.

Jinghpaw Hanson Version Bible

⁷ shi a madu wa dai hpe na ninglen, na ai shani e atsin sha nga ai rai yang gaw, dai numsha a ga shaka hte shi a myit masin hkang shadang ai lam grin nga lu na rai nga ai.

BU HKAWM 30:7 ပူးပေါင်းရင်းမြစ်များ

NINGPAWT NINGHPANG 3:16

Shi gaw numsha hpe mung, “Na a na-um nasin re ai tsin-yam hte shinggyim machyi ai nchyi nmu lam hpe ngai shalaw ya na nngai. Dai zawn hkrum hkra nga ti mung, nang gaw na a madu wa hta myit manoi nga nna, shi mung na a ntsa e up nga na ra ai,” ngu nna tsun wu ai.

YEREMIA 44:19

Numsha ni gaw, “Sumsing lamu a hkawhkam jan hte bung ai muk ni galaw nna shi hpe shagu hkungga nawng jau ai hte sabyi hkungga ru jaw ai shaloi, anhte a madu wa ni, anhte a numsha ni galaw ai amu ni hpe myit hkrum karum ma ai,” ngu nna bai kahtap tsun ma ai.

BU HKAWM 30:6

Dinghku garai n shang ai numsha gaw ga shaka hpe atsawm sha myit yu nna mung, ndum nmi re ai hku nna mung tawn da nhtawm arai lama ma hpe koi gam na nga, ga sadi jaw ngut ai hpang dinghku de ai rai yang, shi a madu wa dai ga shaka a lam hpe na nna hkum shadang ai lam n nga ai rai yang shi tawn da ai

BU HKAWM 30:8

Rai ti mung shi a madu wa dai lam hpe na nna ga shaka shatup na matu hkum shadang da ai rai yang, dai ga shaka hpe shatup ra na n rai. Dai Madu mung shi hpe mara dat ya na rai wu ai.

ROMA 7:2

Ga shadawn tsun ga nga yang, Hkungran sai numsha langai mi gaw shi a madu wa asak naw hkrung nga dingsa, hkungran ai tara hte gyit hkang da nu ai. Rai ti mung, madu wa si mat a yang gaw, madu wa hte gyit hkang da ai tara hta na shi lawt nu ai.

1 SAMUELA 1:11

Hana chyawm gaw dagam ga sadi hte ning ngu tawn da wu ai: “Chyahtum Chyalai N-gun rawng ai Madu e, na a shangun ma rai nga ai ngai hpe mada yu e law! Nye a ru yak tsin-yam tsindam hpe mu ya nna ngai hpe dum nga u law! Ngai hpe hkum malap kau et! Nang ngai hpe shadang sha jaw n yang gaw shi a kara galoi mung n doi kau ya ai sha, shi a prat dingsa, nang hpe ap ya na nngai, ngu nna ngai ga sadi jaw nngai.”

1 SAMUELA 1:23

Elakana gaw, “Mai sa, nang myit nawn ai kaja htum ai hku galaw u. Shi hpe chyu jahka kau lu ai aten du hkra nta e nga nga u. Dai Madu shi a ga sadi teng wa u ga law,” ngu nna htan wu ai. Dai rai nna, Hana gaw nta e nga nna shi a ma hpe bau maka nga wu ai.