BU HKAWM 30:2 - Jinghpaw Common Language Bible 2009

² Lasha langai ngai dai Madu hpe arai lama ma sak jaw na nga, ga shaka tawn da ai rai yang mung, shing n rai arai lama ma koi gam na nga dagam shaka da ai rai yang mung, shi a ga sadi hpe jahten lu na n rai; shi galaw na ngu tsun da sai hte maren lam shagu hpe shi galaw na rai wu ai.

Jinghpaw Hanson Version Bible

² Lasha langai ngai Yehowa hpe ga shaka da ai rai yang mung, tinang myit masin hpe hkang shadang na nga dagam da ai rai yang mung, tinang n-gup hta tsun matsun hte maren hkan shatup lu na rai wu ai.

BU HKAWM 30:2 ပူးပေါင်းရင်းမြစ်များ

YOBA 22:27

Nang akyu hpyi yang, shi nang hpe htan ya na ra ai; nang sadi tawn da ai ga shaka hpe nang shatup na rin dai.

SHAKAWN KUNGDAWN 116:14

Ngai shi hpe ga shaka tawn da ai hte maren, shi a amyu masha ni yawng a hpawng hta, ngai dai hpe shatup na nngai.

SHAKAWN KUNGDAWN 116:18

Ngai nang hpe ga sadi tawn da ai hte maren, na a amyu masha ni yawng a hpawng hta mung, Yerusalem na na a chyoi pra ai Htingnu hta mung, dai ga sadi hpe ngai shatup na nngai. Dai Madu hpe shakawn mu!

SHAKAWN KUNGDAWN 119:106

Na a ding man ai ga matsun ni hpe madat mara hkan sa na matu, ngai dagam da ai ga sadi hte maren ngai hkan galaw shadik shatup nga na nngai.

SHAKAWN KUNGDAWN 15:3

kaga masha ni hpe shatan nhkan ga n tsun nga ai. Shi gaw shi a manang ni hpe shut hpyit ai amu hpa mung n galaw ai hte, shi a htingbu ni a lam shiga n shapoi ya nga ai.

SHAKAWN KUNGDAWN 22:25

Law la ai shawa hpawng hta, nang hpa galaw da sai lam hpe ngai shakawn nga na nngai; nang hpe nawku daw jau nga ai ni a man e, ngai ga sadi jaw da sai shagu hkungga ni hpe ngai nawng jau na nngai.

SHAKAWN KUNGDAWN 50:14

Chyeju dum shakawn ai gaw Karai Kasang hpe na a shagu hkungga nawng jau ai lam rai nga u ga; Chyahtum Chyalai n-gun rawng ai Madu hpe nang ndat da ai ga sadi yawng hte hpe jaw ya u.

SHAKAWN KUNGDAWN 55:20

Nye a shawng na manang wa gaw shi a jinghku ni hpe gasat nna; shi a ga sadi ni hpe mung, jahten kau nu ai.

SHAKAWN KUNGDAWN 56:12

O Karai Kasang e, nang gaw ngai hpe Si Du a lata kaw nna hkrang shaw la nhtawm; sum mat ai kaw nna mung, ngai hpe makawp maga la nit dai majaw,

SHAKAWN KUNGDAWN 76:11

Dai Madu na a Karai Kasang hpe nang jaw da ai ga sadi hte maren jaw ya u; makau grup yin hta nga nga ai masha amyu baw ni yawng hte e, shi hpe kumhpaw kumhpa sak jaw mu. Karai Kasang gaw masha ni, hpe hkrit kamyin shangun nga ai;

PRU MAT 20:7

“Nye a mying ningsang hpe n hkru ai shatawng shada lam ni hta hkum lang et. Ngai gaw dai Madu na a Karai Kasang rai nga nngai majaw, nye a mying ningsang hpe n sawn n sang di ai wa kadai hpe mung ari jaw na we ai.

GA SHAGAWP 20:25

Karai Kasang hpang de, shagu hkungga nawng jau na ga sadi garai n hkam la yang, sadi maja let myit sawn yu u; shing n rai yang, hpang e nang shut dum wa na ndai.

JAW JAU 5:4

Masha langai ngai gaw hpa n ra ai nga nna n myit yu ai sha, dagam ai hte ga shaka da kau ai hpang, shi hpa galaw kau hkrup sai lam hpe shaloi jang chye na wa ai rai yang, shi mara lu nga ai.

NAHUM 1:15

Yu mu, shiga gun ai wa langai mi gaw kabu gara shiga hte bum lang ntsa hku nna du sa wa ra ai! Shi gaw awng padang ninglaw ndau shabra na matu du sa wa nga ai. Yuda amyu masha ni e, nanhte a masat dingsat poi galaw mu; Karai Kasang hpe dagam ga shaka rap raw mu. Tara n lang ai ni gaw nanhte a mungdan hpe galoi mung shang gasat lu na mara ai n rai. Shanhte gaw tsep kawp jahten shaza kau hkrum nga masai!

BU HKAWM 21:2

Dai hpang Israela amyu masha ni dai Madu hpe, “Ndai masha ni hpe dang shangun mi ai rai yang, shanhte hte shanhte a mare ni hpe nang Madu kaw ap ya nna, la hpa shara n nga mat hkra akrin atsai jahten kau na ga ai,” ngu nna dagam ma ai.

BU HKAWM 30:10

Dinghku num langai gaw ga shaka tawn da ai hte lama ma hpe koi gam na matu ga sadi shagrin da nna,

BU HKAWM 32:24

Dai re ai majaw nanhte a mare ni hpe de nna nanhte a sagu lawng ni hpe mung gap mu, rai ti mung nanhte kaning ngu ga sadi tawn da ai hpe mung galaw shatup mu!,” ngu nna tsun dat wu ai.

MAHTE 23:16

Myi kyaw let lam madun ai ni e, nanhte dingnye lu myit dai! ‘Kadai rai ti mung, Nawku Htingnu mying gang nna dagam yang gaw, dai ga hpe shi n hkan shatup ra ai. Rai ti mung dai Nawku Htingnu na ja hpe lakap nna dagam ai wa gaw, shi a dagam da ai ga n shatup n mai rai na rai nga ai, nga nna nanhte sharin myit dai.

MAHTE 23:18

Bai nna nanhte gaw, ‘Kadai rai ti mung, dai hkungri hpe lakap nna dagam yang, dai dagam da ai ga hte maren n shatup ti mung hpa n ra ai. Rai ti mung, hkungri ntsa na kumhpa hpe lakap nna dagam yang gaw, dai hpe shi n hkan shatup n mai rai na rai nga ai,’ nga nna sharin myit dai.

KASA 23:12

Hpang jahpawt Yuda masha ni jawm hpawng nna, Pawlu hpe garai n sat lu dingsa gaw hpa mung n lu n sha na ga ai, ngu nna dagam shaka ma ai.

KASA 23:14

Shanhte gaw, hkinjawng agyi ni hte salang ni hpang de sa nna, “Pawlu hpe garai n sat kau lu dingsa gaw, hpa mung n lu n sha na ngu nna, anhte grai ngu dagam shaka tawn saga ai.

KASA 23:21

Rai ti mung shanhte ra ai hku hkum hkraw ya et, hpa majaw nga yang lam e masha mali shi jan shi hpe hkap rim na makoi nga na ma ai. Shanhte gaw Pawlu hpe garai n sat lu lu gaw hpa mung n lu n sha na, nga nna dagam shaka da ma ai. Ya pyi na a ahkang hpe ala let, ndai amu galaw na jin jin rai nga masai,” ngu wu ai.

2 KORINHTU 1:23

Korinhtu mare de ngai bai n sa sana ngu nna ngai myit daw dan ai lam gaw nanhte hpe hkyamsa shangun mayu ai majaw re ai lam, nye a myit masin hpe chye ya ai Karai Kasang gaw nye a sakse rai nga sai.

TARA AGYI 11:11

Yephta mung Gilead ningbaw ni hte rau wa wu ai; mung masha ni mung shi hpe shanhte a du hte ningbaw tai shangun ma ai. Yephta mung shi a lam nlang Mizpa shara, dai Madu a man e tsun dan wu ai.

TARA AGYI 11:39

Shata lahkawng lai jang, shi gaw shi a kawa hpang de bai nhtang wa wu ai. Shi mung dai Madu hta ga sadi tawn da nu ai hte maren galaw wu ai. Shi gaw hkawn jet naw rai nga ai. Dai kaw nna ndai amu gaw Gilead masha Yephta a shayi sha a majaw numsha ni gaw shaning shagu mali ya ya sharung shayawt ai htung Israela amyu hta nga wa sai.