BU HKAWM 3:8 - Jinghpaw Common Language Bible 2009

⁸ Shanhte gaw Sum hta lang ai arai yawng mayawng hpe yu lajang nna Israela amyu masha ni a jaw jau ai amu ni hpe gun hpai na rai ma ai.

Jinghpaw Hanson Version Bible

⁸ Shanhte gaw shawa sum a arai yawng mayawng yu lajang nna, dai sumpan sum hta Israela kashu kasha ni a jaw jau ai amu gun hpai na rai ma ai.

BU HKAWM 3:8 ပူးပေါင်းရင်းမြစ်များ

1 HKAWHKAM LABAU 23:27

Dawi a hpang jahtum na matsun maroi ga hte maren, Lewi masha ni yawng asak hkun ning du jang, daw jau amu galaw na matu jahpan la nga ai rai nna,

2 HKAWHKAM LABAU 29:11

Ngai sha ni e, hkum kanung nga myit. Shi hpe manam pyaw ai baw nat nawng na matu mung, shi hpe nawku nga ai amyu masha ni hpe lam woi na matu mung, dai Madu nanhte hpe lata san da ai ni rai nga myit dai.”

ESAIA 52:11

Nawku Htingnu arung arai hpai ai nanhte yawng hte e, Babelon mung kaw na teng sha pru wa mu. Hkum da ai arung arai hpe hkum hkra myit; nanhte a hkum ni hpe shachyoi shapra ai hte pru wa mu.

BU HKAWM 10:17

Dai hpang Sum hpe run nna dai hpe hpai na Gershon hte Merari lakung lama ni pru sa na rai ma ai.

BU HKAWM 10:21

Dai hpang Lewi amyu Kohat a lakung lama ni chyoi pra ai arai ni hpe hpai nna rawt sa wa na rai ma ai. Shanhte wa de na dabang de du jang Sum hpe bai sharawt da na rai ma ai.

BU HKAWM 3:7

Shanhte gaw nye a hpung shingkang shanu nga ai Sum hta ra ai amu ni hpe shachyen na matu, hkinjawng ni gun hpai ai magam lit ni hpe mung, shawa hpung ting hte seng ai amu ni hpe mung galaw na rai ma ai.

BU HKAWM 3:9

Lewi masha ni a magam lit gaw Arun hte shi a shadang sha ni hpe daw jau na amu chyu sha rai nga malu ai.

BU HKAWM 31:30

Amyu masha ni lu la ai ka-ang hkup hta na bawng masha, dumsu, lawze, sagu hte bainam re ai yam nga manga shi hta na langai mi hku la da na rai myit dai. Dai hpe dai Madu a Sum hta amu galaw woi hpareng nga ai Lewi masha ni hpe jaw na rai myit dai,” ngu nna tsun wu ai.

BU HKAWM 4:15

But de nga ai dabang hpe run hpya kau na aten du ai shaloi, Kohat a lakung lama ni mahtang Arun hte shi a shadang sha ni magap da ngut sai dai chyoi pra ai arai ni hte de a arai ni yawng hpe shang hpai la na rai ma ai. Kohat a lakung lama ni dai chyoi pra ai arai ni hpe hkra lu na ma ai n rai; dai hku n rai yang, shanhte si na rai ma ai. Dai hte gaw Sum htawt shagu Kohat a lakung lama ni gun hpai ang ai amu ni rai nga ai.

BU HKAWM 4:28

Ndai gaw Sum kata hta Gershon a lakung lama ni galaw na magam lit ni rai nga ai; shanhte gaw dai ni hpe hkinjawng Arun a kasha Ihtama tsun hpareng ai hte maren gun hpai na rai ma ai.

BU HKAWM 4:33

Ndai gaw Sum kata hta Merari a lakung lama ni gun hpai na magam lit ni rai nga ai. Shanhte gaw hkinjawng Arun a kasha Ihtama hpareng ai hku dai ni hpe gun hpai na rai ma ai.