BU HKAWM 3:7 - Jinghpaw Common Language Bible 2009

⁷ Shanhte gaw nye a hpung shingkang shanu nga ai Sum hta ra ai amu ni hpe shachyen na matu, hkinjawng ni gun hpai ai magam lit ni hpe mung, shawa hpung ting hte seng ai amu ni hpe mung galaw na rai ma ai.

Jinghpaw Hanson Version Bible

⁷ Shanhte gaw dai sumpan sum a amu shachyen na matu, Arun hte seng ai amu mung, shawa hpung ting hte seng ai amu mung, dai shawa sum a man e gun hpai na rai mu ai.

BU HKAWM 3:7 ပူးပေါင်းရင်းမြစ်များ

1 HKAWHKAM LABAU 26:20

Shanhte hte seng ai kaga Lewi kahpu kanau ni gaw Nawku Htingnu sut dek hte Karai Kasang hpe ap nawng ya ai kumhpa ni hpe tawn da ai arung arai gawk ni hpe woi hpareng na lit lu nga ma ai.

1 HKAWHKAM LABAU 26:22

Ladan hta kaga shadang sha lahkawng nga nga ai; dai yan gaw Zehtam hte Yoela yan rai nga ai. Shan gaw Nawku Htingnu sut dek hte arung arai ni hpe hpareng ai yan rai ma ai.

1 HKAWHKAM LABAU 26:26

Shelomit hte shi a dinghku masha ni gaw Hkawhkam Dawi hku nna mung, dinghku ni a ningbaw tai ya ai ni hte amyu lakung na hpung ni a ningbaw ni hku nna mung luksuk du ni hku nna mung, Karai Kasang hpe ap nawng ya sai kumhpa ni yawng hpe yu hpareng ai ni rai ma ai.

JAW JAU 8:35

Dai Madu hkang da sai hte maren, Sum a shang wa chyinghka lam e sanit ya, sanit na tup nga nga lu na rai myit dai. Nanhte n galaw myit yang si na rai myit dai. Dai gaw dai Madu ngai hpe hkang da ai lam rai nga ai,” ngu nna tsun wu ai.

BU HKAWM 1:50

Shing di na malai, nye a hpung shingkang shanu nga ai Sum hte dai hte seng ai arung arai ni yawng hte seng ai amu hta Lewi masha ni hpe hpareng shangun na rai ndai. Shanhte gaw dai Sum hte de a arung arai ni yawng hpe hpai nna dai hta daw jau ai amu gun let Sum a grup yin hta shanhte a dap dabang hpe gap nna but nga na rai ma ai.

BU HKAWM 1:53

Rai ti mung Lewi masha ni gaw Sum a grup yin hkan e but nga nna dai hpe makawp maga na rai ma ai. Dai shara de kadai mung n shani sa lu mu ga, Israela shawa hpung ting mung nye a myit masin hpe pawt shangun nna adup ai kaw n du u ga,” ngu nna tsun wu ai.

BU HKAWM 3:32

Hkinjawng Arun a shadang sha Eleaza gaw Lewi masha ni a ningbaw rai nga ai. Dai rai nna chyoi pra ai shara hta amu gun hpai ai ni hpe shi woi awn nga wu ai.

BU HKAWM 3:8

Shanhte gaw Sum hta lang ai arai yawng mayawng hpe yu lajang nna Israela amyu masha ni a jaw jau ai amu ni hpe gun hpai na rai ma ai.

BU HKAWM 31:30

Amyu masha ni lu la ai ka-ang hkup hta na bawng masha, dumsu, lawze, sagu hte bainam re ai yam nga manga shi hta na langai mi hku la da na rai myit dai. Dai hpe dai Madu a Sum hta amu galaw woi hpareng nga ai Lewi masha ni hpe jaw na rai myit dai,” ngu nna tsun wu ai.

BU HKAWM 8:11

Arun gaw dai Lewi masha ni hpe Israela amyu masha ni hta na laksan kumhpa langai zawn nye a matu ap nawng na rai wu ai; shaloi nye a magam amu hpe shanhte galaw mai na rai ma ai.

BU HKAWM 8:15

Nang gaw Lewi masha ni hpe jasan jaseng nhtawm ap nawng ngut ai hpang, shanhte gaw Sum kata e amu shang gun lu na atsam marai hte hpring ai ni rai na mara ai.