BU HKAWM 3:40 - Jinghpaw Common Language Bible 2009

^40-41 Dai Madu gaw Mawshe hpe, “Israela shadang sha alat ni yawng gaw nye a rai nga ai. Dai re ai majaw, shata mi hte dai hta jan ai Israela shadang sha alat shagu hpe mying hta la u. Rai ti mung, dai ni yawng a malai Lewi masha ni yawng gaw nye a matu rai nga sai hpe ngai hkrak tsun nngai. Ngai gaw dai Madu rai nga nngai! Yam nga hta na shawng hkrat ai alat ni a malai Lewi ni a dusat gaw nye a matu rai nga sai hpe mung ngai hkrak tsun nngai,” ngu nna tsun wu ai.

Jinghpaw Hanson Version Bible

⁴⁰ Bai Yehowa Mawshe hpe tsun wu ai gaw, “Israela kashu kasha ni hta na, asak shata mi hta jan ai lasha ma alat yawng hpe jahpan hti la u.

BU HKAWM 3:40 ပူးပေါင်းရင်းမြစ်များ

SHAKAWN KUNGDAWN 87:6

Dai Madu gaw amyu masha ni a jahpan hpe ka tawn da na ra ai; shanhte ni hpe Yerusalem mare a mung chying sha hku shalawm da na ra ai.

ESAIA 4:3

Naw ngam nga na matu Karai Kasang e lata da sai Yerusalem e ngam da hkrum sai masha shagu hte gaw chyoi pra ai ni ngu shaga hkrum na mara ai.

BU HKAWM 3:15

Lewi masha ni hta na asak shata mi hta jan ai lasha ma nlang hte hpe tinang a lakung lama hte dinghku hku hkan nna jahpan hta da na matu tsun wu ai.

BU HKAWM 3:45

Lewi masha ni hpe mung, Israela ni hta na shawng hkrat ai yam nga alat ni yawng a malai Lewi masha ni a yam nga ni yawng ngai hpe ap nawng ya nga ai.

LUKA 10:20

Rai ti mung, nat ni nanhte a ga madat ai majaw, hkum kabu myit, nanhte a mying ni hpe sumsing lamu hta ka da sai majaw she, kabu nga mu,” ngu nna tsun mu ai.

HPILIPI 4:3

Nye a nrum ntau share manang hku nna mung dai num yan hpe karum la na hpe ngai ra sharawng nga nngai; hpa majaw nga yang dai Kabu Gara Shiga hkaw tsun ai lam hta ngai hte rau nhki nsang amu galaw shakut shaja lawm ma ai. Shing rai galaw lai wa ai ni hta Klemen hte Karai Kasang a asak jahpan laika hta tinang a mying lawm ai nye a shingdep shingtau kaga ni mung lawm ma ai.

2 TIMOHTI 2:19

Rai ti mung Karai Kasang e jahkrat da sai ngang kang ai npawt nhpang hkridun chyawm gaw shamu shamawt shangun lu ai n rai; dai npawt nhpang a ntsa e dai Madu gaw, “Shi a masha rai nga ai ni hpe chye chyap nga ai,” nga nna mung, “Madu hte seng ai wa rai nngai nga nna tsun matsun yawng hte gaw shut hpyit ai amu hpe tawn kau da mu ga,” nga nna masat dazik ka shakap da nga ai.

HEBRE 12:23

Nanhte gaw Sumsing lamu na jahpan hta lawm ai kasha alat ni a kabu gara hpawng de nga ai hpawng de du nga manit dai. Masha amyu yawng hpe tara dara ai wa ngu ai Karai Kasang hpang de mung, jahkum shatsup hkrum sai ding hpring ai ni a wenyi ni hpang de mung, du nga manit dai.

SHINGRAN 14:4

Dai ni gaw numsha ni hte awu asin n rai yu ai lasha ni rai nga ma ai; shanhte gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.

SHINGRAN 3:5

Awng padang lu ai ni gaw ning re ai hpraw ai hpun palawng bu hpun lu na mara ai; shanhte a amying ni hpe asak laika hta na ngai shaprai kau ya na n rai. Nye Wa a man e mung, shi a lamu kasa ni a man e mung, shanhte gaw ngai hte seng ai ni rai ma ai ngu nna, dan dan leng leng ngai tsun shana yin la na nngai.