BU HKAWM 3:25 - Jinghpaw Common Language Bible 2009

²⁵ Shanhte gaw Sum hte seng nna gun hpai ang ai amu gaw Sum kata de galup ai magap, de a shinggan de galup ai magap, Sum chyinghka nba grang,

Jinghpaw Hanson Version Bible

²⁵ Gershon a kashu kasha ni, dai shawa sum hta gun hpai na amu kumhtaw gaw shawa sum galup ai sumpan magap, de a ntsa na Sum hte ntsa jahtum na magap, shawa sum chyinghka na nba grang,

BU HKAWM 3:25 ပူးပေါင်းရင်းမြစ်များ

1 HKAWHKAM LABAU 23:32

Shanhte gaw dai Madu a hpung shingkang shanu nga ai Sum hpe yu lajang na matu mung, shanhte a makyin jinghku ni, Arun kaw nna pra hkrat wa ai hkinjawng ni Nawku Htingnu kata nawku daw jau amu galaw ai shaloi karum shingtau ai ni rai ma ai.

2 HKAWHKAM LABAU 31:2

Hkawhkam Hezekia gaw hkinjawng hte Lewi masha ni hpe hpung hpaw shagrin da ya nga ai rai nna shanhte langai hte langai tinang ang ai hpung hta laksan bungli lit lu nga ma ai. Shing re ai bungli lit ni hta wan nat hkungga hte mahku hkungga ni hpe nawng ya ai lam, Nawku Htingnu kata nawku ai hta shang lawm ai hte Nawku Htingnu kata hta shakawn kungdawn let chyeju dum ai lam amyu myu lawm nga ai.

PRU MAT 25:9

Ngai nang hpe madun dan na de ai kasi hte maren, dai Sumpan Sum hpe de a arai nlang ni hte galaw lu na rai myit dai.

PRU MAT 40:19

Shi gaw Sum a ntsa e mung, magap kahpyan galup nna de a ntsa e shinggan magap hte galup wu ai; dai gaw dai Madu Mawshe hpe hkang da sai hte maren rai nga ai.

PRU MAT 40:28

Shi gaw Sum a shang wa chyinghka lam e mung chyinghka grang hpe grang da nna,

BU HKAWM 1:50

Shing di na malai, nye a hpung shingkang shanu nga ai Sum hte dai hte seng ai arung arai ni yawng hte seng ai amu hta Lewi masha ni hpe hpareng shangun na rai ndai. Shanhte gaw dai Sum hte de a arung arai ni yawng hpe hpai nna dai hta daw jau ai amu gun let Sum a grup yin hta shanhte a dap dabang hpe gap nna but nga na rai ma ai.

BU HKAWM 10:17

Dai hpang Sum hpe run nna dai hpe hpai na Gershon hte Merari lakung lama ni pru sa na rai ma ai.

BU HKAWM 3:24

dai lakung lama ni a ningbaw ngu na Laela a kasha Eliasap hte rau but na rai ma ai.

BU HKAWM 3:7

Shanhte gaw nye a hpung shingkang shanu nga ai Sum hta ra ai amu ni hpe shachyen na matu, hkinjawng ni gun hpai ai magam lit ni hpe mung, shawa hpung ting hte seng ai amu ni hpe mung galaw na rai ma ai.

BU HKAWM 7:7

Shi gaw Gershon a kashu kasha ni hpe leng lahkawng hte utang mali jaw nna,

MARKU 13:34

Dai gaw, tsan ai ga de dum nta kaw na pru hkawm sa wa na masha langai mi, shi a nta hpe shangun ma ni a lata hta ap da nhtawm, shanhte langai hte langai galaw na bungli garan ya ngut jang, chyinghka sin ai wa hpe mung maja nga na matu hkang da ai hte bung nga ai.

KOLOSE 4:17

Dai Madu a amu hta gun hpai na matu ap da hkrum ai hpe ngut hkra gun hpai na matu Arhkipo hpe tsun shana mu.

1 TIMOHTI 1:18

Ngai sha Timohti e, lai wa sai ten hta nang hpe sha-ang nna htawn tsun ai myihtoi ga ni hte maren, galaw gun hpai sa wa na matu ngai nang hpe ahkaw ahkang ap ya de ai; atsawm sha gasat gala lu na matu dai myihtoi ni htawn tsun ai ga ni hpe laknak zawn jai lang nga u.