BU HKAWM 29:6 - Jinghpaw Common Language Bible 2009

⁶ Shata praw shani hta tut nawng galaw ai wan nat hkungga hte de a shadung hkungga hte kaga shani shagu na wan nat hkungga, de a shadung hkungga, sabyi hkungga ni hta kaga dai ni hpe nawng jau na rai myit dai. Ndai lusha hkungga ni gaw dai Madu hpe awng sharawng shangun ai manam pyaw ai sangau rai nga ai.

Jinghpaw Hanson Version Bible

⁶ Shing rai, htung hking nga ai hte maren, shata praw shani na wan nat hkungga hte de a shadung kumhpa, tutnawng na wan nat hkungga hte de a shadung kumhpa, ru hkaw kumhpa re ai ni hta kaga Yehowa a manam pyaw sangau shatai na, wan hte nawng ai hkungga kahtap jaw na rai myit dai.

BU HKAWM 29:6 ပူးပေါင်းရင်းမြစ်များ

EZRA 3:4

Hkan sa na tara ni hte maren, Sum Poi hpe mung shanhte galaw ma ai rai nna dai shani na matu nawng ya ang ai shagu hkungga ni hpe hpyi ai hte maren lani hte lani nawng ya ma ai;

JAW JAU 6:9

Arun hte shi a shadang sha ni hpe matsun madun na matu Mawshe hpe hkang da wu ai. Wan nat hkungga hpe tawn hkungri ntsa e shana tup nat nna wan mung shagrung da na rai nga ai.

BU HKAWM 15:24

masha hpung ting a hpa n nawn kau ai amu a majaw shut mat ai rai yang, shanhte gaw dai Madu a matu manam pyaw sangau shatai na wan nat hkungga a matu usu langai, htuk ai shadung hkungga hte sabyi hkungga nawng ya na rai ma ai. Dai sha n-ga, shanhte gaw htingrai hkungga a matu bainam la langai mi nawng jau na rai ma ai.

BU HKAWM 15:4

Dai Madu a matu wan nat hkungga shatai na sagu bainam hte jaw jau ai wa kadai mung dai hkungga yam nga shagu hte hpawn shadung hkungga ngu na tsanlun sau joi mi hte kayau ai mani ai shadung pawng lahkawng, sabyi ntsin palin lahkawng chyen hte hpawn la sa na rai ma ai.

BU HKAWM 28:27

Dai Madu a matu manam pyaw ai sangau shatai na wan nat hkungga a matu ra n rawng ai usu uram lahkawng, sagu la langai mi, laning mi ladu hkrum sai sagu la kasha sanit hte hpe nawng ya na rai myit dai.

BU HKAWM 29:18

Dai ni hpe kaga hkungga ni yawng hte hpawn nnan shani galaw ai hta lang ai hkungga ni hte maren nawng ya na rai myit dai.

BU HKAWM 29:21

Dai ni hpe mung nnan shani a matu lang ra ai hkungga ni hte maren nawng jau na rai myit dai.

BU HKAWM 29:5

Htingrai hkungga a matu bainam la langai hpe mung nawng jau na rai nga ai; ndai hku nna amyu masha ni a matu jasan jaseng ai amu galaw na rai myit dai.

BU HKAWM 9:14

“Nanhte hta hkan shanu nga ai maigan masha langai mi Shalai Wa Ai Poi hpe galaw mayu ai rai yang, hkang da ai tara ni hte hkan sa na tara ni hte maren dai poi hpe galaw lu na rai wu ai. Amyu masha ni hte maigan masha shagu hte gaw dai tara lam langai sha hpe hkan galaw na rai ma ai.”