BU HKAWM 29:39 - Jinghpaw Common Language Bible 2009

³⁹ Ndai ni gaw madat da ai poi ni hta dai Madu hpe nanhte nawng jau na wan nat hkungga, shadung hkungga, sabyi hkungga hte mahku hkungga ni hte seng ai tara ni rai nga ai. Dai ni gaw ga shaka shatup nna jau ai hte jaw mayu ai hkungga hta jan nna sak jaw ai hkungga ni rai nga ai.

Jinghpaw Hanson Version Bible

³⁹ Dai gaw, ga shaka da nna jau ai kumhpa, mayu e jau ai kumhpa ngu ai, wan nat kumhpa, shadung kumhpa, ru hkaw kumhpa re ai ni hta jan nna, nanhte a madat da ai poi ni hta, Yehowa hpe kahtap jaw na rai myit dai. ngu wu ai.

BU HKAWM 29:39 ပူးပေါင်းရင်းမြစ်များ

1 HKAWHKAM LABAU 23:31

Bansa Nhtoi e mung, Shata Praw na Poi e mung, kaga lusha poi ni hta dai Madu a matu wan nat hkungga nawng ya ai shaloi mung rai nga ai. Ndai amu hpe galaw na matu aten shagu Lewi masha ni hpe shatsam da ai tara ni galaw da nga ai. Lewi masha ni gaw aten shagu dai Madu hpe nawku daw jau ai amu gun hpai na lit shatsam da ai hkrum ai ni rai ma ai.

2 HKAWHKAM LABAU 31:14

Nawku Htingnu a Sinpraw Chyinghka sin ai du Lewi masha Imna a kasha Kore gaw dai Madu a matu sak jaw ai kumhpa ni hkap la nna bai garan jaw ya ai hpareng wa rai nga ai.

2 HKAWHKAM LABAU 31:3

Shi gaw dai Madu a tara hte maren shi madu da ai yam nga hpung ni hte sagu bainam hpung ni hta na jahpawt shana wan nat hkungga nawng ya na yam nga ni mung, Bansa Nhtoi, Shata Praw e galaw ai Poi hte kaga poi ni hta nawng ya na hkungga ni jaw ya wu ai.

EZRA 3:4

Hkan sa na tara ni hte maren, Sum Poi hpe mung shanhte galaw ma ai rai nna dai shani na matu nawng ya ang ai shagu hkungga ni hpe hpyi ai hte maren lani hte lani nawng ya ma ai;

EZRA 3:5

dai hta kaga, tut nawng nawng ya ai shagu hkungga ni hpe hkum ting nat na matu mung, Shata Praw e galaw ai Poi hta nawng ya na matu mung, dai Madu hpe nawku ai shara hta tut e sa zup hpawng nna dai Madu hpe tinang myit ra ai hku jaw ya ai hkungga ni yawng hpe nat nawng ya ma ai.

NEHEMIA 10:33

Anhte gaw Nawku Htingnu kata nawku daw jau ai amu hta ndai hku shang lawm na ga ai: dai ni gaw, chyoi pra ai muk, shani shagu na shadung hkungga, shani shagu nat nawng na shagu hkungga ni a matu yam nga ni, Bansa Nhtoi ni a matu chyoi pra ai hkungga ni, Shata Praw hta galaw ai Poi ni hte kaga lusha poi ni, kaga chyoi pra ai hkungga ni, Israela amyu a matu yubak mara la kau ya na hkungga ni hte Nawku Htingnu a matu ra mara arung arai hpa mung jaw ya na ga ai.

ESAIA 1:14

Ngai gaw Shata Praw e galaw ai Lusha Poi ni hte chyoi pra ai nhtoi ni hpe n dawng nngai; dai ni gaw sharu shayak ai lit rai nna ngai gaw hkam sharang ai hte hki ba nga nngai.

JAW JAU 23:2

Israela amyu masha ni nawku hpawng galaw ma ai shaloi, nawku htung hte seng ai poi ni hta hkan sa na tara ni jaw ya wu ai.

JAW JAU 23:28

Dai shani gaw yubak mara htingrai htingrat ya ai shani rai nga ai majaw amu bungli galaw lu na myit dai n rai.

JAW JAU 23:38

Ndai poi ni hta jat nna Bansa Nhtoi ni hte dai Madu hpe jaw jau ai kumhpa, ga shaka ni hpe shatup ai hkungga hte jaw mayu hkungga ni mung naw lawm nga ai.)

JAW JAU 7:11

Ndai gaw dai Madu hpe nawng jau na mahku hkungga a hkan sa na tara ni rai nga ai.

AMO LAIKA (AMOS) 5:22

Nanhte nye a matu wan nat hkungga hte shadung hkungga ni nawng jau ai shaloi, dai ni hpe ngai hkap la na n rai; nanhte kaw tawn da ai yam nga ni hte hkungga nawng jau ti mung ngai hkap la na n rai.

BU HKAWM 28:2

shi a matu manam pyaw ai sangau shatai na, dai ra ai lusha hkungga ni hpe ladaw tawn da ai aten ni hta Karai Kasang hpe nawng jau na matu Israela amyu masha ni hpe matsun na lam hkang dat wu ai.

BU HKAWM 29:40

Dai rai nna Mawshe mung dai Madu shi hpe hkang da mada yawng Israela amyu masha ni hpe tsun dan wu ai.

BU HKAWM 6:21

Ndai lam ni gaw Nazari ni hkan sa na tara ni rai nga ai; rai ti mung Nazari wa mahtang jaw jau na nga sadi tawn da ai rai yang, ga shaka tawn da ai hte maren tup hkrak galaw na rai wu ai.

1 KORINHTU 10:31

Rai sa! Dai majaw, nanhte sha ti mung, lu ti mung, hpa galaw ti mung, nga manga hta Karai Kasang a hpung shingkang hpe tam let, a galaw nga mu.

TARA JAHPRANG 12:6

Dai yang e, wan nat na nanhte a shagu hkungga ni hte kaga shagu hkungga ni, nanhte a htam shi hta na htam mi hte hkungga ni, dai Madu hpe ga sadi jaw ai kumhpa ni, jaw mayu ai hkungga ni hte shawng hkrat ai nanhte a sagu dumsu ni hpe mung nawng jau na rai myit dai.