BU HKAWM 29:12 - Jinghpaw Common Language Bible 2009

¹² Dai shata sanit a shi manga ya shani e, nawku hpawng galaw na rai myit dai. Dai Madu hpe shagrau sha-a ai ndai poi hpe nhtoi sanit ya tup galaw ai laman, amu bungli galaw lu na myit dai n rai.

Jinghpaw Hanson Version Bible

¹² Bai, dai shata shi manga ya shani e chyoi pra ai zuphpawng hpawng na rai myit dai: amu bungli n galaw ai sha, sanit ya tup Yehowa a matu poi galaw na rai myit dai;

BU HKAWM 29:12 ပူးပေါင်းရင်းမြစ်များ

1 HKAWHKAM 12:32

Yeroboam gaw Yuda mung e galaw ai poi zawn shata matsat a shi manga ya shani e nawku htung hte seng ai poi langai galaw na matu lajang tawn da wu ai. Behtela mare na tawn hkungri ntsa e shi galaw da sai aja dumsu usu ni hpe shagu hkungga nawng ya nna shi gap ai nawku shara ni hta daw jau amu galaw na hkinjawng ni hpe mung dai Behtela mare e tawn da wu ai.

EZRA 3:4

Hkan sa na tara ni hte maren, Sum Poi hpe mung shanhte galaw ma ai rai nna dai shani na matu nawng ya ang ai shagu hkungga ni hpe hpyi ai hte maren lani hte lani nawng ya ma ai;

NEHEMIA 8:14

Shanhte gaw dai Madu Mawshe a lata hku jaw ya sai Tara laika hpe mu tam la manu ai rai nna, Sum poi galaw ai laman, gan gawat galaw ai sum ni hta rawng nga na matu, Israela amyu masha ni hpe hkang da ma ai.

NEHEMIA 8:18

Shanhte gaw poi hpang ai shani kaw nna hpang jahtum shani du hkra, Karai Kasang a Tara daw daw chyen chyen hpe shani shagu hti ma ai. Shanhte gaw sanit ya tup poi galaw ma ai, matsat ya shani gaw Tara nga ai hte maren hpungdim poi galaw ma ai.

PRU MAT 23:16

“Nanhte nsi naisi shu hpang wa ai shaloi, Nlung Nnan Poi galaw na rai myit dai. Nanhte a sabyi sun hte namsi namsaw sun ni kaw na namsi namsaw shinggyin la ai mangai aten hta Nmut Shinggyin Poi mung galaw lu na rai myit dai.

PRU MAT 34:22

“Shawng ngai ai nanhte a hkaulan mam hpe dan hpang ai shaloi, nmut shinggyin poi galaw na rai myit dai. Dai sha n-ga, namsi namsaw ni hpe shinggyin la ai shaloi Sum Poi galaw lu na rai myit dai.

EZEKELA 45:25

“Dai shata sanit a shi manga ya shani e galaw ai Sum Poi a matu mung, up hkang du wa gaw sanit ya tup hkan ai htung hte maren, mara raw hkungga, hkum ting nat nawng ai wan nat hkungga, shadung hkungga hte tsanlun sau hkungga ni hpe nawng jau na ra ai,” ngu nna tsun wu ai.

JAW JAU 23:7

Nnan shani hta nan nawku ai zup hpawng hpawng na rai myit dai; kadai mung shani shagu galaw nga ai amu bungli ni hpe galaw lu na myit dai n rai.

BU HKAWM 29:1

Shata sanit a praw langai ya shani e, nanhte gaw nawku na matu zup hpawng na rai myit dai; amu bungli galaw lu na myit dai n rai; dai shani hta pahtau dum na rai myit dai.

BU HKAWM 29:13

Nnan shani hta dai Madu a matu manam pyaw ai sangau shatai na lusha hkungga a matu ra n rawng ai usu uram shi masum, sagu la lahkawng hte laning mi ladu hkrum sai sagu la kasha shi mali hte hpe nawng ya na rai myit dai.

BU HKAWM 29:35

Matsat ya ngu na shani hta chyawm gaw nawku hpawng galaw na rai myit dai; dai shani e amu bungli galaw lu na n rai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.