BU HKAWM 28:6 - Jinghpaw Common Language Bible 2009

⁶ Dai gaw Sina Bum e shawng nawng ya ai hkungga rai nga ai hte maren, dai Madu a matu manam pyaw ai sangau shatai na lusha hkungga hpe tsep kawp nat nawng ai shani shagu na hkungga a matu rai nga ai.

Jinghpaw Hanson Version Bible

⁶ Dai gaw Sina bum e, hkang da nu ai hte maren, Yehowa a matu manam pyaw sangau shatai na wan hte nat nawng ai tutnawng na wan nat hkungga rai nga ai.

BU HKAWM 28:6 ပူးပေါင်းရင်းမြစ်များ

2 HKAWHKAM LABAU 2:4

Dai Madu nye a Karai Kasang hpe shagrau sha-a na matu Nawku Htingnu langai, ngai galaw na nngai. Dai gaw chyoi pra ai shara tai nna nye a amyu masha ni hte ngai gaw dai Madu hpe manam pyaw ai baw hte manam hawm ai namji namya ni hpe nat nawng let mung, shi hpe nawku na nngai; shi hpe chyoi pra ai muk hkungga ni hpe mung anhte matut manoi nawng jau na ga ai; anhte gaw dai Madu anhte a Karai Kasang hpe shagrau sha-a na matu jahpawt de, shana de shagu, Bansa Nhtoi ni hta mung, Shata Praw Na Poi ni hta mung, kaga chyoi pra ai nhtoi ni hta mung wan nat hkungga nawng jau na ga ai. Ndai amu hpe htani htana hkan galaw nga na matu Israela masha ni hpe shi hkang da nu ai.

2 HKAWHKAM LABAU 31:3

Shi gaw dai Madu a tara hte maren shi madu da ai yam nga hpung ni hte sagu bainam hpung ni hta na jahpawt shana wan nat hkungga nawng ya na yam nga ni mung, Bansa Nhtoi, Shata Praw e galaw ai Poi hte kaga poi ni hta nawng ya na hkungga ni jaw ya wu ai.

EZRA 3:4

Hkan sa na tara ni hte maren, Sum Poi hpe mung shanhte galaw ma ai rai nna dai shani na matu nawng ya ang ai shagu hkungga ni hpe hpyi ai hte maren lani hte lani nawng ya ma ai;

SHAKAWN KUNGDAWN 50:8

Na a shagu hkungga ni hte wan nat hkungga ni ngai hpe tut nawng jaw jau ai majaw, ngai nang hpe daru na nngai n rai.

PRU MAT 24:18

Mawshe gaw dai bum de lung mat wa nna sumwi kata de shang mat wa wu ai. Dai yang e nhtoi mali shi ya mali shi na nga nga wu ai.

PRU MAT 31:18

Karai Kasang gaw Sina Bum ntsa e Mawshe hte ga shaga ngut jang, Karai Kasang shi nan ka ai hkang da ai ga kap ai lungpa lahkawng shi hpe ap dat ya wu ai.

EZEKELA 46:14

Jahpawt shagu shadung pawng manga hte rau tsanlun sau palin mi hte kayau da ai shadung hpe mung shapraw ya na ndai. Dai Madu a matu nawng jau na ndai shadung hkungga gaw htani htana hte seng ai hkang da ai tara ni rai nga ai.

EZEKELA 46:15

Sagu kasha, shadung hte tsanlun sau ni hte dai Madu hpe htani htana nawng jau na matu jahpawt shagu lajang ra nga ai,” ngu nna tsun ai.

JAW JAU 27:34

Ndai hkang da ai ga ni gaw Israela amyu masha ni a matu dai Madu Mawshe hpe Sina Bum ntsa e jaw ya ai ga matsun ni rai nga ai.

JAW JAU 6:9

Arun hte shi a shadang sha ni hpe matsun madun na matu Mawshe hpe hkang da wu ai. Wan nat hkungga hpe tawn hkungri ntsa e shana tup nat nna wan mung shagrung da na rai nga ai.

AMO LAIKA (AMOS) 5:25

“Israela amyu masha ni e, ngai gaw nanhte hpe nam mali hku woi wa ai mali shi ning laman shagu hkungga ni hte shadung hkungga ni hpe n hpyi yu nngai.

BU HKAWM 28:5

dai ni hpe nawng jau shagu jet ai tsanlun sau joi mi hte kayau ai shadung mani pawng lahkawng hpe shadung hkungga hku shalawm na rai myit dai.

BU HKAWM 28:7

Shawng nawng ya ai sagu la kasha hte hpawn sabyi hkungga a matu tawn hkungri e palin 2 ru hkaw na rai wu ai.

HPILIPI 2:17

Lama rai nna, ngai sat kau hkrum wa ai rai yang, dai gaw nanhte Karai Kasang kaw nawng ya ai nanhte a makam masham a hkungga hte daw jau ai hkungri a ntsa e nye a asak hpe dumhpung hkungga zawn ru jaw nawng jau kau timung, ngai kabu nga nna nanhte hte rau kabu ninglaw nga nngai.