BU HKAWM 28:24 - Jinghpaw Common Language Bible 2009

²⁴ Shani shagu jaw jau ai wan nat hkungga hte sabyi hkungga hte maren, dai Madu a matu manam pyaw ai sangau shatai na, dai sanit ya tup lusha hkungga nawng ya na rai myit dai.

Jinghpaw Hanson Version Bible

²⁴ Shing rai, tutnawng jau nga ai wan nat hkungga hte ru hkaw kumhpa hta kaga, Yehowa a matu manam pyaw sangau shatai na, dai sanit ya ting, shani shagu wan hte nawng ai shat ngu na kumhpa nawng jau na rai myit dai.

BU HKAWM 28:24 ပူးပေါင်းရင်းမြစ်များ

PRU MAT 29:40

Shawng nawng jau ai sagu kasha hta jet ai tsanlun sau laku mi hte kayau ai kaja ai hkaulan mam shadung pawng 2 hte sabyi jahku laku mi bang nna hkungga ru hkaw na rai ndai.

EZEKELA 45:23

Poi galaw ai sanit ya tup hta, shi gaw ra n rawng ai usu sanit hte sagu la sanit hpe dai Madu hpang de nawng ya nhtawm dai ni hpe hkum ting nat nawng na ra ai. Dai sha n-ga, shi gaw mara raw hkungga a matu shani shagu bainam la langai nawng jau na rai nga ai.

JAW JAU 3:11

San da hkrum ai hkinjawng wa gaw dai yawng hpe tawn hkungri ntsa mara nhtawm dai Madu hpe lusha hkungga hku nawng na rai nga ai.

BU HKAWM 28:3

Ndai ni gaw dai Madu hpe nawng jau na lusha hkungga ni rai nga ai: shani shagu na wan nat hkungga a matu ra n rawng ai hte laning mi ladu hkrum sai sagu la kasha lahkawng hpe nawng na rai myit dai.

HEBRE 10:11

Yuda hkinjawng shagu gaw shi a daw jau ai amu ni hpe shani shagu galaw nga let, hkungga nawng jau ai lam amyu mi hpe sha law law lang galaw nga ai; rai ti mung ndai nawng jau ai hkungga ni gaw yubak mara ni hpe galoi mung yeng seng kau ya lu ai n rai.