BU HKAWM 28:2 - Jinghpaw Common Language Bible 2009

² shi a matu manam pyaw ai sangau shatai na, dai ra ai lusha hkungga ni hpe ladaw tawn da ai aten ni hta Karai Kasang hpe nawng jau na matu Israela amyu masha ni hpe matsun na lam hkang dat wu ai.

Jinghpaw Hanson Version Bible

² “Israela kashu kasha ni hpe ning ngu hkang dat u: ‘Nye a matu manam pyaw sangau shatai na, nye a shat ngu na wan hte nat nawng ai kumhpaw kumhpa ni hpe madat da ai ladaw hta nanhte nawng jau na rai myit dai.'

BU HKAWM 28:2 ပူးပေါင်းရင်းမြစ်များ

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

1 HKAWHKAM LABAU 23:31

Bansa Nhtoi e mung, Shata Praw na Poi e mung, kaga lusha poi ni hta dai Madu a matu wan nat hkungga nawng ya ai shaloi mung rai nga ai. Ndai amu hpe galaw na matu aten shagu Lewi masha ni hpe shatsam da ai tara ni galaw da nga ai. Lewi masha ni gaw aten shagu dai Madu hpe nawku daw jau ai amu gun hpai na lit shatsam da ai hkrum ai ni rai ma ai.

2 HKAWHKAM LABAU 23:18

Yehoiada gaw Nawku Htingnu na amu ni woi galaw na matu hkinjawng ni hte Lewi masha ni hpe san tawn da wu ai. Shing rai Hkawhkam Dawi shanhte hpe galaw shangun ai bungli ni hte Mawshe a Tara hte maren, dai Madu a matu shagu hkungga nat nawng na amu galaw ma ai. Shanhte gaw mahkawn mangoi ai hte poi galaw ai amu ni hpe mung woi hpareng nga ma ai.

2 HKAWHKAM LABAU 31:3

Shi gaw dai Madu a tara hte maren shi madu da ai yam nga hpung ni hte sagu bainam hpung ni hta na jahpawt shana wan nat hkungga nawng ya na yam nga ni mung, Bansa Nhtoi, Shata Praw e galaw ai Poi hte kaga poi ni hta nawng ya na hkungga ni jaw ya wu ai.

EZRA 3:2

Yehozadak a kasha Yawshu, shi a hkinjawng manang ni, Shelatila a kasha Zerubabela hte rau shi a kahpu kanau jinghku ni gaw Israela a Karai Kasang a tawn hkungri bai galaw ma ai rai nna, Karai Kasang a masha Mawshe a Tara Laika hta ka matsun da ai hte maren, tawn hkungri ntsa e shagu hkungga ni nat ma ai.

EZRA 3:3

Bai nhtang wa sai bawng dung masha ni gaw dai mung e nga nga la ai amyu masha ni hpe hkrit nga ma ti mung, shanhte gaw mi na shara hta nan tawn hkungri bai galaw nna, jahpawt shana de a ntsa e shagu hkungga ni bai nat ma ai.

NEHEMIA 10:34

Anhte mung, amyu masha ni mung, hkinjawng ni hte Lewi masha ni mung, madat da ai Tara hte maren, dai Madu anhte a Karai Kasang hpe shagu hkungga nat nawng na matu gara amyu lakung ni mahtang ju hpun shaw ang ai hpe daw dan ya na matu shaning shagu hpaida hte lata na ga ai.

SHAKAWN KUNGDAWN 81:3

Shata praw hte shagawng shani e, poi galaw na matu, pahtau dum mu.

PRU MAT 23:15

Nanhte gaw Egutu mung na pru wa ai Abi shata hta, ngai nang hpe hkang da sai lam hte maren, Matsi n rawng ai Muk Sha Poi galaw lu na rai myit dai. Sanit ya laman galaw ai dai poi hta matsi hte galaw ai muk hpa hpe mung sha lu na myit dai n rai; nanhte gaw hkungga n lawm ai sha ngai hpe galoi mung nawku lu na myit dai n rai.

PRU MAT 29:18

Sagu la shan yawng hpe lusha hkungga nawng ya ai zawn tawn hkungri ntsa hta nat nawng na rai nga ai. De a nawng jau ai manam pyaw bat gaw ngai hpe awng sharawng shangun na ra ai.

EZEKELA 16:19

Na a matu lusha tai na kaja htum ai muk shadung, tsanlun sau hte lagat ntsin ni nang hpe jaw ti mung, nang gaw dai ni hpe hpara sumla ni myi man pa lu na matu, shagu hkungga zawn nat nawng kau nit dai.” Ndai gaw Tsaw Htum ai dai Madu tsun ai mungga rai nga ai.

EZEKELA 20:41

Ngai gaw nanhte hpe shabra kau dat ai mungdan ni kaw nna woi wa nhtawm nanhte hpe shinggyin la ai hte jahpawng da ai hpang, nanhte nat nawng ai shagu hkungga ni hpe hkap la na nngai. Ngai nan chyoi pra nga nngai hpe amyu masha ni mu lu na mara ai.

EZEKELA 45:17

Hkum ting nat nawng na dusat ni hpe mung, shadung hkungga ni hpe mung, shata praw e galaw ai poi ni, Bansa nhtoi ni hte ndat da ai poi ni hta amyu ting a matu jaw ya na sabyi hkungga ni hpe shapraw ya na, shi a lit rai nga ai. Israela amyu masha ni a shut hpyit ai yubak mara ni hpe la kau ya na matu, mara raw hkungga, shadung hkungga, hkum ting nat nawng na hkungga hte mahku hkungga ni hpe shi shapraw ya na ra ai,” ngu nna tsun ai.

JAW JAU 1:13

Dai wa gaw kata na pu sin hte hpang lagaw ni kashin nhtawm, hkinjawng wa gaw dai Madu hpang de shagu hkungga di na nawng jau ai hte dai ni yawng hpe tawn hkungri ntsa e mara nna nat na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 1:17

Shi gaw u singkaw jum da nna, n gang je kau ai sha, singkaw hte nawng hkum hpe ga kahpyan nna tawn hkungri hta hkum ting nat na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 1:9

Dai wa gaw pu sin hte hpang lagaw ni hpe kashin nhtawm san da hkrum ai hkinjawng ni mahtang tawn hkungri ntsa e hkum ting nat nawng na rai ma ai. Dai lusha a manam pyaw ai shangau hpe dai Madu awng sharawng nga ai.

JAW JAU 21:6

Shi gaw chyoi pra nga lu na rai nna nye a mying ningsang hpe jahpoi lu na n rai. Shi gaw ngai hpe lusha hkungga nawng jau ai wa rai nna chyoi pra nga lu na rai wu ai.

JAW JAU 21:8

Ngai hpe lusha hkungga sak jaw nga ai hkinjawng re majaw amyu masha ni mung shi hpe chyoi pra ai hku myit nawn na rai ma ai. Ngai gaw dai Madu rai nna chyoi pra nga nngai majaw nye a amyu masha ni hpe chyoi pra shangun na mawe ai.

JAW JAU 3:11

San da hkrum ai hkinjawng wa gaw dai yawng hpe tawn hkungri ntsa mara nhtawm dai Madu hpe lusha hkungga hku nawng na rai nga ai.

MALAHKI 1:12

Rai ti mung, nanhte mahtang nye a tawn hkungri gaw hpa manu n dan ai nga nna nanhte tsun ai hte nanhte n sawn n sang di ai lusha hpe de a ntsa e nawng ya let ngai hpe kaya jahkrum myit dai.

MALAHKI 1:7

Dai gaw nye a tawn hkungri ntsa hta manu n dan ai lusha hkungga nawng ya ai hku rai myit dai. Nanhte gaw, ‘Anhte nang hpe hkungga na kaning rai hprai kau saga ta?,’ nga nna san myit dai. Nye a tawn hkungri hpe n sawn n sang di ai hpe madun ai hku ngai nanhte hpe tsun dan na made ai.

BU HKAWM 15:24

masha hpung ting a hpa n nawn kau ai amu a majaw shut mat ai rai yang, shanhte gaw dai Madu a matu manam pyaw sangau shatai na wan nat hkungga a matu usu langai, htuk ai shadung hkungga hte sabyi hkungga nawng ya na rai ma ai. Dai sha n-ga, shanhte gaw htingrai hkungga a matu bainam la langai mi nawng jau na rai ma ai.

BU HKAWM 15:3

Dai Madu a matu wan nat hkungga hpe mung, ga shaka tawn ai shagu hkungga hpe mung, jaw mayu ai hkungga hpe mung, nanhte galoi mung agalaw nga ai nawku htung hte seng ai poi na hkungga ni hpe dumsu usu langai, sagu la langai, sagu hte bainam langai hpra di nna sak jaw na mai nga ai. Dai Madu gaw ndai lusha hkungga ni a manam pyaw ai sangau bat hpe awng sharawng nga ai.

BU HKAWM 15:7

sabyi ntsin palin masum hte hpawn nawng ya na rai wu ai. Dai Madu gaw dai shagu hkungga ni a sangau bat hpe awng sharawng nga ai.

BU HKAWM 28:1

Dai Madu gaw Mawshe hpe

BU HKAWM 29:39

Ndai ni gaw madat da ai poi ni hta dai Madu hpe nanhte nawng jau na wan nat hkungga, shadung hkungga, sabyi hkungga hte mahku hkungga ni hte seng ai tara ni rai nga ai. Dai ni gaw ga shaka shatup nna jau ai hte jaw mayu ai hkungga hta jan nna sak jaw ai hkungga ni rai nga ai.

BU HKAWM 9:13

Rai ti mung n san n seng ai hte sumtsan n hkawm ai sha dai Shalai Wa Ai Poi hpe n galaw ai wa kadai mung ladaw da ya ai aten hta nye a matu hkungga n nawng ya ai majaw nye a amyu masha hta na sumri dan kau ai hkrum na rai wu ai. Shi gaw yubak mara a nni nkri hkam sha lu na rai wu ai.

BU HKAWM 9:7

“Anhte gaw si mang hkra kau saga ai majaw n san n seng mat saga ai; rai ti mung kaga Israela ni hte rau dai Madu hpe hkungga nawng jau ai hta anhte hpe hpa majaw n shalawm shangun myit ta?,” ngu nna tsun ma ai.

2 KORINHTU 2:15

Hpa majaw nga yang, anhte gaw Karai Kasang kaw Hkristu nawng jau ai manam pyaw ai bat hte bung nga ga ai. Dai manam pyaw ai bat gaw hkye hkrang la hkrum ai ni hta mung, sum mat hkrum ai ni hta mung chyam bra mat wa sai.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

HPILIPI 4:18

Nanhte shagun jaw dat ai arung arai alu yawng lu la sai lam hte jahpan ya nang e madun dan nngai. Dai gaw ra ai hta pyi jan hkra rai sai. Dai alu arung arai ni hpe Epahprodi la sa ya ai majaw ngai ra ai hta pyi jan hkra lu ni ai. Dai arai ni gaw Karai Kasang kaw nawng ya ai manam pyaw ai bat zawn mung, Karai Kasang ra sharawng ai hte hkap la ging ai shagu hkungga zawn mung rai nga ai.