BU HKAWM 28:11 - Jinghpaw Common Language Bible 2009

¹¹ Shata shagu a praw shani e, dai Madu hpe wan nat hkungga shatai na ra n rawng ai usu uram lahkawng, sagu la langai, laning mi ladu hkrum sai sagu la kasha sanit ni hpe nawng jau na rai myit dai.

Jinghpaw Hanson Version Bible

¹¹ Bai, nanhte a shata praw shani e, Yehowa a matu wan nat hkungga shatai na, usu uram lahkawng, sagu la langai mi, ra n rawng ai hte ladu hkrum ai sagu la kasha sanit nawng jau na rai myit dai:

BU HKAWM 28:11 ပူးပေါင်းရင်းမြစ်များ

2 HKAWHKAM 4:23

Shi a madu wa mahtang, “Nang dai ni jang hpa majaw sa ra nga n ta? Bansa Nhtoi mung n rai; Shata Praw na Poi mung n rai,” ngu nna san wu ai. Shi gaw, “Mai na re,” ngu nna htan wu ai.

1 HKAWHKAM LABAU 23:31

Bansa Nhtoi e mung, Shata Praw na Poi e mung, kaga lusha poi ni hta dai Madu a matu wan nat hkungga nawng ya ai shaloi mung rai nga ai. Ndai amu hpe galaw na matu aten shagu Lewi masha ni hpe shatsam da ai tara ni galaw da nga ai. Lewi masha ni gaw aten shagu dai Madu hpe nawku daw jau ai amu gun hpai na lit shatsam da ai hkrum ai ni rai ma ai.

2 HKAWHKAM LABAU 2:3

Shawlumon gaw Turu Hkawhkam Hiram hpang de ning ngu nna shana dat wu ai: “Nye wa a hkawhkam htingnu galaw na matu arit mailung tawng ni hpe dut ya nit dai zawn ngai hte mung galaw ga.

2 HKAWHKAM LABAU 2:4

Dai Madu nye a Karai Kasang hpe shagrau sha-a na matu Nawku Htingnu langai, ngai galaw na nngai. Dai gaw chyoi pra ai shara tai nna nye a amyu masha ni hte ngai gaw dai Madu hpe manam pyaw ai baw hte manam hawm ai namji namya ni hpe nat nawng let mung, shi hpe nawku na nngai; shi hpe chyoi pra ai muk hkungga ni hpe mung anhte matut manoi nawng jau na ga ai; anhte gaw dai Madu anhte a Karai Kasang hpe shagrau sha-a na matu jahpawt de, shana de shagu, Bansa Nhtoi ni hta mung, Shata Praw Na Poi ni hta mung, kaga chyoi pra ai nhtoi ni hta mung wan nat hkungga nawng jau na ga ai. Ndai amu hpe htani htana hkan galaw nga na matu Israela masha ni hpe shi hkang da nu ai.

2 HKAWHKAM LABAU 8:13

Mawshe a Tara hta tsun da sai hte maren, Bansa Nhtoi hkungga, Shata praw hkungga, shaning shagu galaw nga ai poi ngu ai matsi n rawng ai muk poi, Nmut shang poi hte Sum Poi ni hpe dai Chyoi Pra ai shani shagu a matu wan nat hkungga ni hpe shi nawng ya wu ai.

EZRA 3:5

dai hta kaga, tut nawng nawng ya ai shagu hkungga ni hpe hkum ting nat na matu mung, Shata Praw e galaw ai Poi hta nawng ya na matu mung, dai Madu hpe nawku ai shara hta tut e sa zup hpawng nna dai Madu hpe tinang myit ra ai hku jaw ya ai hkungga ni yawng hpe nat nawng ya ma ai.

NEHEMIA 10:33

Anhte gaw Nawku Htingnu kata nawku daw jau ai amu hta ndai hku shang lawm na ga ai: dai ni gaw, chyoi pra ai muk, shani shagu na shadung hkungga, shani shagu nat nawng na shagu hkungga ni a matu yam nga ni, Bansa Nhtoi ni a matu chyoi pra ai hkungga ni, Shata Praw hta galaw ai Poi ni hte kaga lusha poi ni, kaga chyoi pra ai hkungga ni, Israela amyu a matu yubak mara la kau ya na hkungga ni hte Nawku Htingnu a matu ra mara arung arai hpa mung jaw ya na ga ai.

SHAKAWN KUNGDAWN 40:6

Nang gaw shagu hkungga ni hte wan nat hkungga ni hpe n sharawng nga ndai; tawn hkungri ntsa e, hkum ting nat nawng ai hkungga ni hte, yubak mara raw dat kau na matu nawng jau ai hkungga ni hpe, nang n hpyi nga ndai. Shing rai nawng jau ya na malai, nang tsun ai lam hpe na la na matu, nang gaw ngai hpe na lashing hpaw ya nit dai,

SHAKAWN KUNGDAWN 40:8

Nye a Karai Kasang e, na a myit ra ai hku galaw na, ngai kade wa tsaw nga a hka! Na a sharin shaga ai lam hpe nye a myit kraw lawang hta ngai mazing da nga nngai,” ngu nna ngai htan ni ai.

SHAKAWN KUNGDAWN 81:3

Shata praw hte shagawng shani e, poi galaw na matu, pahtau dum mu.

SHAKAWN KUNGDAWN 81:4

Dai gaw Israela hta nga nga ai tara rai nga nna, Yaku a Karai Kasang kaw na lu la ai ga ndat rai nga ai.

ESAIA 66:23

Shata Praw shagu hte Bansa Nhtoi shagu hta galaw ai poi hta amyu baw shagu na masha ni gaw ngai hpe nawku na matu ndai Yerusalem de sa wa na mara ai,” nga nna dai Madu tsun ai.

EZEKELA 46:1

Tsaw Htum ai dai Madu gaw, “Kata wang de sa wa ai sinpraw chyinghka lam hpe amu galaw ai kru ya tup hta la da nna, Bansa Nhtoi hte Shata Praw e galaw ai poi hta e hpaw da na rai nga ai.

EZEKELA 46:6

Shata Praw e galaw ai Poi hta mung ra n rawng ai usu uram langai mi, sagu kasha kru hte sagu la langai mi nawng jau na rai nga ai.

EZEKELA 46:7

Usu uram hte sagu la langai hte langai a matu shadung hpai mi shapraw nna sagu kasha shagu a matu shi jaw lu ai made jaw ya na ra ai. Shadung hpai mi a matu tsanlun sau palin masum hte daw mi rai na ra ai.

HOSEA 2:11

Ngai gaw shi a lusha poi yawng ngu na shaning shagu hte shata shagu galaw ai lusha poi ni, Bansa Nhtoi e galaw ai poi ni hte makam masham nawku hpawng ni yawng hpe jahtum kau ya na we ai.

JAW JAU 1:13

Dai wa gaw kata na pu sin hte hpang lagaw ni kashin nhtawm, hkinjawng wa gaw dai Madu hpang de shagu hkungga di na nawng jau ai hte dai ni yawng hpe tawn hkungri ntsa e mara nna nat na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 1:3

Dai wa gaw shi a dumsu hpe wan nat hkungga nawng jau ai rai yang, ra n rawng ai usu langai la sa na rai wu ai. Dai hpe dai Madu a hpung shingkang shanu nga ai Sum a shang wa chyinghka lam hta tawn da lu na rai nga ai. Dai Madu gaw dai wa hpe hkap la na ra ai.

JAW JAU 1:9

Dai wa gaw pu sin hte hpang lagaw ni hpe kashin nhtawm san da hkrum ai hkinjawng ni mahtang tawn hkungri ntsa e hkum ting nat nawng na rai ma ai. Dai lusha a manam pyaw ai shangau hpe dai Madu awng sharawng nga ai.

AMO LAIKA (AMOS) 3:5

Mahkam hta u shat n tawn da ai rai yang, u lu ga a ni? Hkam da ai mahkam hta hpa n lu yang mahkam htim ga a ni?

AMO LAIKA (AMOS) 8:5

Nanhte gaw tinang hkum hpe, “Anhte a mam dut lu na matu chyoi pra ai nhtoi ni lai mat wa na anhte la nga ga ai. Bansa Nhtoi htum mat ai shaloi, anhte a arai mari la ai ni hpe n man ai joi jang ni lang nna, dang hpe kaji, joi hpe kaba shangun let manu kaba hte dut la lu na rai nga ga ai.

BU HKAWM 10:10

Kabu gara ai shani ngu ai Shata Praw hta galaw ai Poi ni hte kaga nawku htung hte seng nna galaw ai poi ni hta mung, wan nat hkungga hte mahku hkungga ni hpe nanhte nawng jau ai shaloi mung, dai pahtau ni dum na rai myit dai. Dai shaloi ngai nanhte hpe karum la na made ai. Ngai gaw dai Madu nanhte a Karai Kasang rai nga nngai,” ngu nna tsun wu ai.

BU HKAWM 28:19

dai shani e amu bungli galaw lu na n rai. Dai Madu a matu lusha hkungga hpe mung, ra n rawng ai usu uram lahkawng, sagu la langai mi hte sagu la kasha sanit hte hpe wan nat hkungga shatai nna nawng ya na rai myit dai.

GALATI 4:10

Nanhte gaw nhtoi, shata, aten ladaw hte shaning nkau mi hpe grai ahkyak shatai nga myit dai.

KOLOSE 2:16

Dai re ai majaw, sha hpa, lu hpa hte, shata praw shani hte Bansa Nhtoi a lam kadai mung nanhte a matu tara jahkrat nna n jeyang mu ga.

KOLOSE 2:6

Nanhte gaw Hkristu Yesu hpe Madu ngu nna hkap la manit dai hte maren, shi hta e asak hkrung hkawm sa nga mu.

1 SAMUELA 20:5

Dawi gaw, “Hpawt ni gaw Shata Praw na Poi nhtoi rai nga ai rai nna, hkawhkam wa hte shat rau sha na zawn ngai nawn da nga nngai. Rai ti mung nang hkraw ai rai yang, hpawt din na de du hkra pa hkan sa makoi nga n-ga.

1 SAMUELA 9:12

Dai numsha ni chyawm gaw, “Rai sa, shi nga nga ai,” ngu nna htan ma ai. Kaja wa shi gaw nan a shawng e sha rai nga ai; nan tin tin rai lu myit yang gaw shi hpe hkan dep lu na myit dai. Nan dai mare de du shang wa ai hte shi hpe mu na marin dai. Amyu masha ni kawng ntsa na tawn hkungri hta shagu hkungga nawng ya ma ai majaw shi gaw dai shara de dai ni du lung wa na ra ai. Shi gaw dai shagu hkungga hpe shi shawng shaman ya na wu ai majaw dai yang e shi du sa ai aten du hkra shaga da hkrum ai amyu masha ni sha hpang wa lu na ma ai n rai. Nan ya jang sa mat wa myit, dai rai yang chyawm gaw sha na matu kawng de shi garai n lung wa yang shi hpe sa hkrum na myit dai,” ngu nna htan dat ma ai.