BU HKAWM 28:10 - Jinghpaw Common Language Bible 2009

¹⁰ Dai gaw sabyi hkungga hte shani shagu nawng jau ai hkungga hta kaga, Bansa Nhtoi shagu hta nawng jau na wan nat hkungga rai nga ai.

Jinghpaw Hanson Version Bible

¹⁰ dai gaw tutnawng na wan nat hkungga hte de a ru hkaw kumhpa hta kaga, laban nhtoi shagu jaw jau ai hkungga rai nga ai.

BU HKAWM 28:10 ပူးပေါင်းရင်းမြစ်များ

2 HKAWHKAM LABAU 2:4

Dai Madu nye a Karai Kasang hpe shagrau sha-a na matu Nawku Htingnu langai, ngai galaw na nngai. Dai gaw chyoi pra ai shara tai nna nye a amyu masha ni hte ngai gaw dai Madu hpe manam pyaw ai baw hte manam hawm ai namji namya ni hpe nat nawng let mung, shi hpe nawku na nngai; shi hpe chyoi pra ai muk hkungga ni hpe mung anhte matut manoi nawng jau na ga ai; anhte gaw dai Madu anhte a Karai Kasang hpe shagrau sha-a na matu jahpawt de, shana de shagu, Bansa Nhtoi ni hta mung, Shata Praw Na Poi ni hta mung, kaga chyoi pra ai nhtoi ni hta mung wan nat hkungga nawng jau na ga ai. Ndai amu hpe htani htana hkan galaw nga na matu Israela masha ni hpe shi hkang da nu ai.

2 HKAWHKAM LABAU 8:13

Mawshe a Tara hta tsun da sai hte maren, Bansa Nhtoi hkungga, Shata praw hkungga, shaning shagu galaw nga ai poi ngu ai matsi n rawng ai muk poi, Nmut shang poi hte Sum Poi ni hpe dai Chyoi Pra ai shani shagu a matu wan nat hkungga ni hpe shi nawng ya wu ai.

ESAIA 1:13

Nanhte a shagu hkungga ni la sa tim, dai gaw kaman lila rai nga ai. Nanhte nat nawng ai manam pyaw ai sama hpe mung ngai matsat nngai. Nanhte galaw ai Shata Praw na Lusha poi, Bansa Nhtoi ni, hte makam masham hpawng ni hpe ngai n yu sharang lu nngai; dai ni mahkra gaw nanhte galaw ai yubak mara ni a jaw e hten mat nga sai.

BU HKAWM 28:23

Jahpawt shagu tut nawng jaw jau ai wan nat hkungga hta kaga, dai hkungga ni hpe mung kahtap nawng na rai myit dai.

BU HKAWM 28:3

Ndai ni gaw dai Madu hpe nawng jau na lusha hkungga ni rai nga ai: shani shagu na wan nat hkungga a matu ra n rawng ai hte laning mi ladu hkrum sai sagu la kasha lahkawng hpe nawng na rai myit dai.

BU HKAWM 28:9

Bansa Nhtoi hta, ra n rawng ai hte laning mi ladu hkrum sai sagu la kasha lahkawng hte hpawn shadung hkungga shatai na tsanlun sau hte kayau ai mani ai shadung pawng 4 hte sabyi hkungga hpe mung shalawm na rai wu ai.

BU HKAWM 29:11

Shani shagu nat ai wan nat hkungga hte de a shadung hkungga hte sabyi hkungga ni sha n-ga, amyu masha ni a matu nawng ya ai htingrai hkungga a matu bainam langai mi hpe mung nawng ya na rai myit dai.

BU HKAWM 29:16

Htingrai hkungga a matu bainam la langai mi mung nawng ya na rai myit dai. Shani shagu na wan nat hkungga hte de a matu lajang da ai shadung hkungga hte sabyi hkungga ni hpe mung jat nna ndai ni hpe nawng ya na rai myit dai.

BU HKAWM 29:6

Shata praw shani hta tut nawng galaw ai wan nat hkungga hte de a shadung hkungga hte kaga shani shagu na wan nat hkungga, de a shadung hkungga, sabyi hkungga ni hta kaga dai ni hpe nawng jau na rai myit dai. Ndai lusha hkungga ni gaw dai Madu hpe awng sharawng shangun ai manam pyaw ai sangau rai nga ai.