BU HKAWM 27:21 - Jinghpaw Common Language Bible 2009

²¹ Shi gaw nye a myit ra lam hpe Urim hte Htumim hte san ya ai hkinjawng Eleaza hpe kam hpa shamyet shanat na rai wu ai. Ndai hku nna, Eleaza gaw Yawshu hte Israela shawa hpung ting hte shanhte a magam bungli ni yawng hpe matsun madun na rai wu ai,” ngu nna tsun wu ai.

Jinghpaw Hanson Version Bible

²¹ Dai wa hkinjawng Eleaza a man e sa tsap jang, hkinjawng wa gaw shi a matu Yehowa a man e ra ai lam hpe Urim hte san ya na rai wu ai: dai wa a hpajang ai hte maren Israela kashu kasha ni hpung nlang hte gaw, shi hte rau pru wa shang wa rai na rai ma ai,” ngu wu ai.

BU HKAWM 27:21 ပူးပေါင်းရင်းမြစ်များ

2 SAMUELA 21:1

Dawi up hkang nga ai laman, masum ning tup laja lana re ai hkuwa byin wa sai. Dai rai nna Dawi gaw dai hte seng nna dai Madu hpe san yu wu ai shaloi, dai Madu gaw, “Shawlu hte shi a dinghku masha ni masha sat ai amu shut kau ai mara lu nga ma ai. Shi gaw Gibeon masha ni hpe sat kau nu ai,” ngu nna tsun wu ai.

EZRA 2:63

Urim hte Htumim chye lang ai hkinjawng langai garai n pru dingsa, Karai Kasang hpe nawng jau ya ai lusha hpe shanhte n sha lu na lam, Yuda munggyi shanhte hpe hkang da wu ai.

NEHEMIA 7:65

Urim hte Htumim chye lang ai hkinjawng langai garai n pru dingsa, Karai Kasang hpe nawng jau ya ai lusha n sha lu na lam, Yuda munggyi wa shanhte hpe hkang da nga ai.

PRU MAT 28:30

Urim hte Htumim hpe sinda magap hta bang da na rai nga ai. Shi gaw nye a chyoi pra ai hpung shingkang shanu nga ai shara de shang ai shaloi, Arun gaw dai yan hpe hpai na rai wu ai. Dai zawn re ai aten ni hta, shi gaw sinda magap hpun da lu na rai wu ai; Shi gaw Israela amyu masha ni a matu nye a myit ra sharawng ai hku jeyang daw dan lu na rai wu ai.

JAW JAU 8:8

Shi gaw sinda magap hpe mung dagap ya nna dai hta Urim hte Htumim bang ya wu ai.

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

BU HKAWM 27:17

shanhte hpe majan gasat yang woi hkang lu ai masha langai mi san da ya u law; shaloi na a shawa hpung gaw rem ai wa n nga ai sagu zawn n rai mat mu ga,” ngu nna hpyi tsun wu ai.

BU HKAWM 27:2

Shanhte gaw Mawshe hte hkinjawng Eleaza a man e mung, ningbaw ni hte dai Madu a hpung shingkang shanu nga ai Sum a chyinghka lam na shawa masha yawng a man e sa shang let,

BU HKAWM 27:20

Na a ahkaw ahkang nkau mi shi hpe jaw ya u; shaloi Israela shawa hpung ting gaw shi a ga madat mara wa na mara ai.

BU HKAWM 27:22

Dai Madu gaw shi hpe hkang da sai hte maren Mawshe galaw wu ai. Shing rai shi gaw Yawshu hpe hkinjawng Eleaza hte shawa hpung ting a man e tsap shangun wu ai.

BU HKAWM 27:5

Mawshe mung shanhte a amu hpe dai Madu hpang de jashawn wu ai rai nna,

TARA JAHPRANG 31:3

Dai Madu nanhte a Karai Kasang gaw shi nan nanhte a shawng e sa wa nhtawm dai mung e nga nga ai masha amyu baw ni hpe shamyit kau na rai wu ai. Shing rai shanhte a mung hpe nanhte madu la na rai myit dai. Dai Madu tsun da nu ai hte maren, Yawshu gaw nanhte a ningbaw tai na ra ai.

TARA JAHPRANG 33:8

Shi gaw Lewi amyu bawsang hte seng nna, ning nga nna tsun wu ai: “Madu e, nang gaw Urim hte Htumim lang nna na a myit ra ai hku madun dan nga ndai. Nang hta sadi dung ai Lewi shangun ma ni hte hpawn, Masa shara e shanhte hpe nang dinglik yu nit dai. Meriba hka kau e, shanhte hpe teng man ai sakse madun dan nit dai.

YAWSHU 9:14

Israela amyu masha ni mung dai Madu hpe n san yu ai sha, shanhte a lusha nkau mi hpe hkap la ya ma ai.

TARA AGYI 1:1

Yawshu si mat ai hpang Israela amyu masha ni gaw dai Madu hpe, “Anhte a amyu bawsang ni hta na kadai mahtang Hkanani masha ni hpe shawng sa gasat ang na ga ta?,” ngu nna san ma ai.

TARA AGYI 20:18

Israela masha ni gaw Behtela mare na nawku ai shara de lung wa nhtawm, “Benyamin amyu masha ni hpe gara amyu bawsang mahtang shawng gasat ang na rai ga ta?,” ngu nna dai yang e Karai Kasang hpe san ma ai. Dai Madu gaw, “Yuda amyu bawsang ni shawng rai u ga,” ngu nna htan wu ai.

1 SAMUELA 14:19

Shawlu gaw dai hkinjawng wa hpe shaga nga yang, Hpilisti dap de garu kachyi kashuk kashak nga nna grau grau sawng wa ai majaw, Shawlu gaw shi hpe, “Dai Madu hpe tsun dan na aten n lu sai,” ngu nna tsun wu ai.

1 SAMUELA 23:9

Shawlu gaw shi hpe htim gasat na lam maw mawn nga ai hpe Dawi na ai shaloi, shi gaw hkinjawng Abiahta hpe, “Nang de hpa hkai lawng la wa rit,” ngu nna tsun wu ai.

1 SAMUELA 28:6

shi hpa galaw na lam dai Madu hpe san wu ai. Rai ti mung dai Madu gaw shi hpe yup mang hta mung, Urim hte Htumim lang ai hta mung, myihtoi ni hta mung mahtai loi mi mung n jaw ya wu ai.

1 SAMUELA 30:7

Dawi gaw Ahimelek a kasha hkinjawng Abiahta hpe, “Hpa hkai lawng ngai kaw la wa rit,” ngu nna tsun wu ai shaloi, Abiahta mung dai hpe shi hpang de la wa ya wu ai.