BU HKAWM 27:17 - Jinghpaw Common Language Bible 2009

¹⁷ shanhte hpe majan gasat yang woi hkang lu ai masha langai mi san da ya u law; shaloi na a shawa hpung gaw rem ai wa n nga ai sagu zawn n rai mat mu ga,” ngu nna hpyi tsun wu ai.

Jinghpaw Hanson Version Bible

¹⁷ ndai shawa hpung a man e pru pru shang shang rai lu nna, shanhte hpe shapraw lu ai hte jashawn la lu ai wa langai ngai hpe, shanhte a ntsa e san da ya u ga law,” ngu nna hpyi wu ai.

BU HKAWM 27:17 ပူးပေါင်းရင်းမြစ်များ

2 SAMUELA 5:2

Lai sai aten, Shawlu anhte a hkawhkam naw rai nga ai aten kaw nna pyi Israela amyu masha ni hpe majan pa hkan nang woi awn yu nit dai. Nang mung dai Madu a amyu masha ni hpe woi awn nna shanhte hpe up hkang ai wa tai wa na lam, shi nang hpe ga sadi jaw da nga nit dai,” ngu nna tsun ma ai.

1 HKAWHKAM 22:17

Mihkaia gaw, “Sagu rem wa n nga ai sagu ni zawn dai Israela hpyen luksuk ni kawng jinghkang hkan e bra ayai nga ma ai hpe ngai mu nngai. Dai Madu gaw, “Ndai masha ni ningbaw n lu ma ai; tinang nang a nta de ngwi ngwi pyaw pyaw hte wa kau shangun mu,’” ngu tsun wu ai, nga nna htan wu ai.

1 HKAWHKAM 3:7

O Madu Karai Kasang e, ngai grai naw kaji nna kaning rai up hkang sa wa na lam n chye ti mung, nye wa a hkawhkam aya hta nang ngai hpe galai dung shangun nga nit dai.

2 HKAWHKAM 11:8

Nanhte gaw shi hkawm ai shara shagu hkan shi hte rau yep yep hkan nang nga nna, shaw lang da ai nhtu ni hte Hkawhkam Yosha hpe sin na rai myit dai. Nanhte hpang de shani sa wa ai ni kadai hpe mung sat kau lu na rai myit dai.”

2 HKAWHKAM LABAU 1:10

ngai shanhte hpe up hkang ra nga nngai majaw hpaji byeng-ya hte chye chyang ai nyan hpaji ngai hpe jaw e law. Shing n rai yang, ndai na a galu kaba ai amyu masha ni hpe ngai kaning rai up hkang lu na rai ta?,” ngu nna htan wu ai.

2 HKAWHKAM LABAU 18:16

Mihkaia gaw, “Sagu rem wa n nga ai sagu ni zawn dai Israela hpyen luksuk ni kawng jinghkang hkan e bra ayai nga ma ai hpe ngai mu nngai. Dai rai nna dai Madu gaw, ‘Ndai masha ni ningbaw n lu ma ai; tinang nang a nta de ngwi pyaw sim sa ai hte wa kau shangun mu,’” ngu tsun wu ai.

EZEKELA 34:5

Sagu rem n nga ai majaw, shanhte bra ayai mat nga yang, nam na matse labye ni e kawa sat ai hte sha kau ma ai.

ZEHKARIA 10:2

Amyu masha ni chyawm gaw hpara sumla ni hte shaba wawt ai ni hte ga shaga ma ai; rai ti mung, shanhte lu la ai mahtai ni gaw masu magaw ga ni hte ga laban ni hkrai rai nga ai. Nkau mi mahtang yup mang htai ma ai; rai ti mung dai gaw nanhte hpe lam shadam kau nga ai; shanhte jaw ai shalan shabran ga mung kaman lila rai nga ai. Dai rai nna amyu masha ni gaw mat mat ai sagu ni zawn, lam dam nga ma ai. Shanhte gaw ningbaw n lu ma ai majaw ru yak tsin-yam tsindam hkrum nga ma ai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

MAHTE 10:6

Shing rai na malai, Israela amyu hta na dam mat ai sagu ni kaw she shawng sa mu.

MAHTE 15:24

Shaloi Yesu gaw, “Israela dap na dam mat wa ai sagu ni a matu sha ngai hpe shangun dat nngai,” ngu wu ai.

MAHTE 9:36

Dai shawa hpawng ni hpe shi mu jang, shi shanhte hpe matsan dum da mu ai; hpa majaw nga yang, shanhte gaw sagu rem wa n nga ai majaw ru tsang hkrum ai hte bra mat wa ai sagu ni hte bung nga ma ai.

MARKU 6:34

Yesu li kaw na pru lung wa yang, masha wunawng kaba hpe shi mu mada wu ai shaloi shanhte gaw sagu rem ai wa n lawm ai sagu ni zawn rai nga ma ai majaw shi a myit masin hta shanhte hpe matsan dum ai myit hte hpring nga lu ai; dai rai nna shi shanhte hpe lam law law sharin shaga hpang wu ai.

YAWHAN 10:9

Ngai gaw chyinghka hku rai nga nngai; ngai hta shang ai wa gaw, hkye hkrang la ai hkrum na wu ai rai nna, shang wa pru wa rai lu ai hte, wudat shara mu na wu ai.

TARA JAHPRANG 31:2

“Ngai gaw ya asak latsa e hkun ning du ni ai; nanhte a ningbaw tai nga na matu ngai loi mi mung n dang lu ni ai. Dai sha n-ga, ngai mung Yawdan hka rap lu na n rai, nga nna dai Madu gaw ngai hpe tsun ni ai.

1 PETRU 2:25

Nanhte gaw lam dam mat ai sagu ni zawn rai nga myit dai; ya chyawm gaw sagu rem wa hte nanhte a myit masin ni hpe up madu da ya ai wa a hpang e hkan nang na matu shi hpang de bai woi du wa manit dai.

1 SAMUELA 18:13

Dai rai nna, Shawlu gaw shi hpe jahka kau nhtawm masha hkying mi hpe sha up ai du shatai da wu ai. Dawi mung shi a masha ni hpe majan pa de woi sa ti mung,

1 SAMUELA 8:20

anhte hpe up hkang na mung, majan hta anhte hpe woi awn na mung, anhte hpe majan woi gasat na anhte a hkawhkam hte nan rau rai nga ga yang gaw kaga masha amyu baw ni hte zawn anhte bung wa na ga ai,” ngu nna tsun ma ai.