BU HKAWM 27:14 - Jinghpaw Common Language Bible 2009

¹⁴ Shawa hpung ting dai Meriba shara e ngai hpe aput angun nga nna nhtan shai hkat nga yang, shanhte a man e nye a chyoi pra ai daru magam n-gun hkam la na ningdang kau myit dai,” ngu nna tsun wu ai. (Meriba gaw Zin Nam Mali na Kadesha shara hta pru ai hka hpawk rai nga ai.)

Jinghpaw Hanson Version Bible

¹⁴ kaning rai nme law, Zin nam mali e shawa hpung gaw ngai hpe gumlau ai shaloi, nan mung nye a ga hte nhtan shai nna, dai hka kau shanhte a man e ngai hpe n shagrau n sha a ai yubak lu myit dai,” ngu nna tsun wu ai. Dai hka chyawm gaw, Zin nam mali, Kadesha shara na Meriba ngu ai hka rai nga ai.

BU HKAWM 27:14 ပူးပေါင်းရင်းမြစ်များ

PRU MAT 17:7

Dai shara kaw Israela amyu masha ni mahtang, “Dai Madu gaw anhte hte rau nga nga ai kun?, n nga nga ai kun?, ngu san let, aput ai hte dai Madu hpe chyam dinglik yu ma ai majaw shara dai hpe Masa hte Meriba ngu nna mung shamying ma ai.

BU HKAWM 13:21

Dai masha ni gaw dingdung maga de lung wa nhtawm Zin Nam Mali kaw nna dingdung maga hta nga ai Hamat uhkan makau, dingda maga na Rehob mare de hkrang ai lam de du hkra, dai mung hpe hkan yu maram ma ai.

BU HKAWM 20:1

Israela shawa hpung ting gaw shata langai ngu na hta, Zin Nam Mali de du nna Kadesha shara e dap jung nga ma ai; dai yang e Miriam si mat nna lup makoi da ma ai.

BU HKAWM 20:24

“Israela ni hpe jaw na ngu nna ngai ga sadi tawn da ai mungdan de Arun shang lu na n rai; nan lahkawng mahtang Meriba shara e nye a hkang da ai ga hte nhtan shai nna gumlau manit dai majaw si na rai ndai.

BU HKAWM 20:5

Nang anhte hpe hpa majaw Egutu mung kaw nna woi shapraw wa nhtawm yu myit htum na zawn re ai hpa mung n tu ai ndai shara de woi wa n ni? Ndai yang e nai mam mung, maihpang si, sabyi si hte hkainu si hpun ni hpa mung n tu nga ai; lu hka ntsin pyi n nga ai shara rai nga ai,” ngu nna aput let tsun ma ai.

BU HKAWM 27:15

Mawshe gaw, “Asak sumri yawng a npawt rai nga ai

KASA 7:51

“Dai daram wa nanhte du ja nga myit hka! Nanhte a myit masin ni gaw Karai Kasang hpe dai daram wa n kam n sham nga malit hka! Karai Kasang a shingran mungga hpe na la na dai daram wa na lahpang nga myit hka! Nanhte gaw, nanhte a nji nwa ni galaw ai zawn Chyoi Pra ai Wenyi hpe nanhte galoi mung ninghkap nga myit hka!

TARA JAHPRANG 1:37

Dai Madu gaw nanhte a majaw ngai hpe mung pawt ai hte, ‘Mawshe e, nang pyi dai mungdan de shang lu na n rai.

TARA JAHPRANG 4:22

Ngai gaw ndai ga e si na ni ai; hka hpe galoi mung rap lu sana ni ai n rai; rai ti mung nanhte chyawm gaw rap lu nna dai ga sau hte hpring nna ningru ningja ai mungdan hpe madu la lu na rai myit dai.