BU HKAWM 27:13 - Jinghpaw Common Language Bible 2009

¹³ Dai hpe nang mada la ngut jang, na a nhpu Arun zawn si na rai ndai; hpa majaw nga yang, Zin Nam Mali e nan lahkawng nye a hkang da ai ga hpe gumlau kau myit dai.

Jinghpaw Hanson Version Bible

¹³ Dai hpe mada la ngut jang, na nhpu Arun tinang amyu hpawng nga ai de wa ai zawn, nang mung wa na rai ndai:

BU HKAWM 27:13 ပူးပေါင်းရင်းမြစ်များ

NINGPAWT NINGHPANG 25:17

Ishmaela si mat ai shaloi shi a asak latsa e sumshi sanit ning rai nga wu ai.

BU HKAWM 31:2

“Israela amyu masha ni hpe shanhte woi galaw shut ai a matu, Midian masha ni hpe ari jaw mu. Dai bungli hpe nang galaw shangut da lu ai hpang, nang si lu na rai ndai,” ngu nna tsun wu ai.

BU HKAWM 33:38

Dai Madu hkang da ai hte maren, hkinjawng Arun gaw Hora Bum de lung wa wu ai. Israela amyu masha ni Egutu mung na pru wa ai mali shi ning du ai shaning a shata manga ngu na langai ya shani e, shi a asak 123 ning hta, dai yang e si mat wa sai.

TARA JAHPRANG 1:37

Dai Madu gaw nanhte a majaw ngai hpe mung pawt ai hte, ‘Mawshe e, nang pyi dai mungdan de shang lu na n rai.

TARA JAHPRANG 10:6

(Israela amyu masha ni mung Yakan masha ni madu da ai hka htung kaw nna Mosera mare de htawt sa wa ma ai. Arun gaw dai yang e si mat nna shi hpe lup makoi da ma ai. Shi a kasha Eleaza gaw kawa a hkringhtawng dagraw la nna hkinjawng amu galaw wu ai.

TARA JAHPRANG 31:14

Dai hpang dai Madu gaw Mawshe hpe, “Nang gaw aten na na wa naw hkrung nga lu na ndai n rai. Yawshu hpe shaga la nhtawm Sum de woi sa wa rit, ngai shi hpe ga matsun ni tsun we ga,” ngu nna tsun wu ai. Mawshe yan Yawshu mung dai Sum de sa wa ma ai;

TARA JAHPRANG 31:16

Dai Madu gaw Mawshe hpe, “Nang gaw kade n na yang si wa na sha rai nit dai. Nang si mat ai hpang amyu masha ni nye a ntsa e sadi sahka myit n rawng mat nna shanhte hte tawn da ai nye a ga shaka hpe jahten kau na mara ai. Shaloi shanhte ngai hpe kau da nhtawm shanhte shang sha na mungdan hta nawku ai maigan hpara ni hpe nawku wa na mara ai.

TARA JAHPRANG 32:50

Na a nhpu Arun gaw Hora Bum e si mat ai zawn, nang mung ndai bum ntsa hta si mat na rai ndai,

TARA JAHPRANG 4:22

Ngai gaw ndai ga e si na ni ai; hka hpe galoi mung rap lu sana ni ai n rai; rai ti mung nanhte chyawm gaw rap lu nna dai ga sau hte hpring nna ningru ningja ai mungdan hpe madu la lu na rai myit dai.