BU HKAWM 26:62 - Jinghpaw Common Language Bible 2009

⁶² Lewi masha ni hta shata mi shing n rai shata mi hta jan ai jahpan hta hti lawm ai ni gaw 23,000 rai nga ai. Shanhte gaw Israela amyu hta sali wunli hpa mung n hkam la lu ma ai majaw kaga Israela masha ni a jahpan hta na kaga san ginhka da hkrum nga ma ai.

Jinghpaw Hanson Version Bible

⁶² Shanhte hta na asak shata mi hta jan ai jahpan hta hti lawm ai lasha nlang hte gaw mun lahkawng e hkying masum rai ma ai: shanhte gaw Israela kashu kasha ni hte rau lamu ga sali n lu la na re ai majaw, Israela kashu kasha ni a jahpan hta n lawm ma ai.

BU HKAWM 26:62 ပူးပေါင်းရင်းမြစ်များ

BU HKAWM 1:47

Lewi amyu ni mahtang kaga amyu bawsang ni hte rau mying jahpan bang lu na n rai;

BU HKAWM 1:49

Lewi amyu masha ni hpe shalawm lu na n rai.

BU HKAWM 26:63

Ndai gaw Yerihko na tawtap, Yawdan hka a wora hkran na Moba pa ni hta Mawshe yan Eleaza hta la ai Israela masha ni a yuptung jahpan rai nga ai.

BU HKAWM 3:39

Dai Madu hkang da nu ai hte maren, amyu lakung hku hkan let Mawshe hti da sai asak shata mi hte dai hta jan ai Lewi masha ni nlang hte gaw 22,000 rai nga ai.

BU HKAWM 4:27

Arun hte shi a shadang sha ni, Gershon a kashu kasha ni hpe lit karan hpajang ya ai magam lit ni yawng hte gun hpai na amu shagu hte hpe shanhte galaw nga ma ai hpe Mawshe yan Arun mu lu na rai ma ai.

TARA JAHPRANG 10:9

Dai re ai majaw Lewi amyu bawsang ni gaw kaga amyu bawsang ni zawn lamu ga sali lu la nga ma ai n rai; dai Madu nanhte a Karai Kasang ga sadi tawn da nu ai hte maren, dai Madu a hkinjawng ni tai nga na ahkang sha shanhte lu nga ma ai.)

YAWSHU 13:14

Lewi amyu bawsang ni hpe chyawm gaw lamu ga sali Mawshe n jaw wu ai. Dai Madu gaw Mawshe hpe hkang da nu ai hte maren, dai Madu Israela a Karai Kasang hpe tawn hkungri ntsa wan hte nawng jau ai shagu hkungga a kumhtaw hpe sha shanhte hkam la lu na rai ma ai.

YAWSHU 13:33

Rai ti mung, Lewi amyu bawsang ni hpe chyawm gaw lamu ga sali loi mi mung Mawshe n masat ya nga ai. Dai Madu Israela a Karai Kasang hpe sak jaw ai hkungga kumhtaw chyu sha shanhte a sali rai nga ai lam shi shanhte hpe tsun dan wu ai.

YAWSHU 14:3

Yawdan hka a sinpraw hkran na lamu ga hpe amyu bawsang lahkawng hte chyen mi hpe Mawshe masat ya nu ai. (Yosep a amyu matu mara ni hpe Manashe hte Ehprim amyu bawsang lahkawng hta karan ya nga ai.) Mawshe chyawm gaw Lewi masha ni hpe lamu ga dachyawk mi mung n jaw wu ai. Shing rai jaw na malai, shanhte nga na mare ni hte shanhte lu tawn ai dumsu yam nga hpung a matu udat shara pa layang ni hpe shanhte lu la nga ma ai.