BU HKAWM 26:10 - Jinghpaw Common Language Bible 2009

¹⁰ Shan gaw Kora hte shi a hpang hkan nang ai ni masha 250 hte hpe wan hte hkru kau ai shaloi aga gaw ga mahka wa nna Kora hte rau mayu kau hkrum ai hte dai ni hta si lawm ai yan mung rai nga ai. Shan gaw amyu masha ni a matu shadum jahprang la na kasi kumla langai tai wa masai.

Jinghpaw Hanson Version Bible

¹⁰ shan gaw, Kora manang ni tsa e manga shi hte hpe wan e hkru kau nna, kumla tai ma ai shaloi e, aga gaw shi a n-gup mahka nna Kora hte rau mayu kau hkrum ai hte dai ni hta si lawm mat ai yan rai ma ai.

BU HKAWM 26:10 ပူးပေါင်းရင်းမြစ်များ

PRU MAT 16:35

Israela masha ni gaw Hkanan mung de wa shang nga ai aten du hkra mali shi ning tup manna muk sha ma ai.

YEREMIA 29:22

Yerusalem kaw nna Babelon mung de woi la hkrum ai bawng dung amyu masha ni gaw marai langai ngai hpe dagam dala ga tsun mayu ai shaloi, shanhte gaw, ‘Babelon hkawhkam wa e jahkrung ju kau hkrum ai Zedekia hte Ahab yan zawn dai Madu gaw nang hpe shatai u ga!,’ nga nna tsun na mara ai.

EZEKELA 14:8

Ngai nang hpe ninghkap na nngai. Ngai nang hpe kasi shatai kau na nngai. Ngai gaw nang hpe nye a amyu masha ni a hpawng kaw nna shapraw kau na we ai; ngai gaw dai Madu rai nga nngai hpe nanhte chye lu na rai myit dai.

BU HKAWM 16:38

Dai ni hpe dai Madu a tawn hkungri hta nawng jau ai majaw chyoi pra ai arai ni tai wa nga ai. Dai rai nna shanhte shut kau ai yubak mara a majaw sat kau hkrum ai ndai masha ni a wan ban ni hpe la nhtawm hpa ai ban pa adup la let tawn hkungri a matu magap galaw na rai nga ai. Dai gaw Israela amyu masha ni hpe sadi jaw ai lam tai na rai nga ai,” ngu nna tsun wu ai.

BU HKAWM 17:3

Lewi amyu a malai dai dawhkrawng ntsa hta Arun a mying hpe ka na rai ndai. Dai gaw amyu bawsang shagu hte seng ai ningbaw shagu a matu dawhkrawng langai ngai rai na rai nga ai.

BU HKAWM 27:3

“Anhte a wa gaw shadang sha n lu ai sha nam mali e si mat sai. Dai Madu hpe gumlau ai Kora a hpang hkan ai ni hta shi lawm ai n rai; shi a yubak mara a majaw shi si wa sai.

TARA JAHPRANG 11:6

Rubin a amyu bawsang hta na Eliaba a kasha Dahtan yan Abiram yan hpe shi hpa galaw kau nu ai hpe myit dum nga myit dai. Shing rai aga gaw ga mahka wa nna, shan hte shan a dinghku masha ni, sum ni, shan a mayam ni hte yam nga ni yawng hpe masha shagu mu mada lu ai shara e, mayu kau nga ai.

TARA JAHPRANG 28:46

Dai gaw nanhte a ntsa e mung, nanhte a amyu matu mara ni a ntsa e mung, Karai Kasang a tara jeyang daw dan na prat dingsa na sakse kumla tai nga na ra ai.

2 PETRU 2:6

Karai Kasang gaw Sodom hte Gomora mare yan hpe mung wan hte jahten shabya kau nna tara n hkan ai ni hta kaning rai wa na ra ai lam kasi langai mi galaw da nu ai.

YUDA 1:7

Sodom hte Gomora mare yan hpe mung dai mare yan a grup yin na mare ni hpe mung myit dum nga mu. Dai mare ni kaw na mare masha ni gaw dai lamu kasa ni zawn, num la n se n sa lam hta pyaw daw kadaw nna shing ra maka hte nhtan shai ai hku nga sha ma ai majaw yawng a matu asan sha dan dan leng leng sadi jaw ai hku nna htani htana wan hta ari hkrum sha ma ai.

1 SAMUELA 2:34

Na a kasha Hopni yan Hpineha shan lahkawng lani jan e sha si mat ai shaloi, dai gaw ngai tsun matsun hte maren teng teng byin wa na ra ai lam nang hpe madun dan na ra ai.