BU HKAWM 25:8 - Jinghpaw Common Language Bible 2009

⁸ dai lasha hte numsha nga ai sum de hkan nang nhtawm, shan lahkawng hpe nri hte galun htinggrang kau wu ai. Ndai lam hku nna Israela hpe shamyit jahten kau na ana zinli sim mat ai;

Jinghpaw Hanson Version Bible

⁸ dai Israela masha hpe shi a sum nhku de hkan nna, dai Israela la wa hpe hkrang nna num jan a kan baw hkra galun htinggrang kau wu ai. Shing di ai a majaw Israela kashu kasha ni hta na dai ana zinli sim mat ai.

BU HKAWM 25:8 ပူးပေါင်းရင်းမြစ်များ

2 SAMUELA 21:14

Dai hpang Shawlu hte Yonahtan a nrut nra ni hpe Benyamin lamu ga Zela shara na Shawlu a kawa Kisha a lupwa hta makoi mayang da ma ai. Shing rai hkawhkam wa hkang da ai lam yawng hpe galaw ngut ai hpang she mungdan a matu shanhte a akyu hpyi ai ga, Karai Kasang htan ya wu ai.

2 SAMUELA 24:25

Dai hpang shi gaw dai Madu a matu tawn hkungri langai galaw nhtawm wan nat hkungga ni hte mahku hkungga ni nawng ya wu ai. Dai Madu mung shi a akyu hpyi ga hpe htan ya nna Israela mung ting hta byin nga ai ana zinli kaba jasim kau nga ai.

1 HKAWHKAM LABAU 21:22

Dawi gaw shi hpe, “Ana zinli hpe jasim kau na matu na a chyarang pa ngai hpe dut ya e, dai Madu a matu tawn hkungri langai ngai gap lu na rai nngai; de a manu tup hpe mung ngai jaw na we ai,” ngu nna tsun wu ai.

MALAHKI 2:5

“Ngai shanhte hpe ga sadi jaw ai nye a ga shaka gaw asak hte ngamu ngamai lam rai nga ai, dai gaw ngai shanhte hpe jaw ni ai, shaloi shanhte ngai hpe hkungga na mu ai. Ndai nhtoi ni hta, shanhte ngai hpe hkungga ai hte hkrit kamyin nga ma ai.

BU HKAWM 17:13

Sum de sit sa ai ni kadai mung si lu na rai nga ai; dai re ai majaw anhte yawng mayawng wa si htum mat na saga ai!,” ngu nna tsun ma ai.

BU HKAWM 25:11

Hpineha galaw kau nu ai amu a majaw, Israela amyu masha ni hpe ngai masin pawt na ni ai n rai. Ngai hta lai kaga hpara shaje nawku na shi n hkraw wu ai majaw nye a masin pawt ai hte shanhte hpe shamyit kau nga nngai n rai.

BU HKAWM 25:5

Mawshe gaw du salang ni hpe, “Peora Bala Hpara nawku ai masha tai sai nanhte hta na masha shagu hte hpe nanhte langai hte langai tinang nang hte seng ai ni hpe sat kau mu,” ngu nna tsun wu ai.

YAWSHU 7:26

Shanhte gaw shi a ntsa e nlung sumpum kaba kawng da ya ma ai rai nna dai ni du hkra dai yang e nga nga ai. Dai hkan nna shara dai hpe Tsin-Yam Tsindam Kadit ngu nna naw shamying da ma ai. Dai hpang dai Madu gaw masin kawp mat wu ai.