BU HKAWM 25:13 - Jinghpaw Common Language Bible 2009

¹³ Shi hte shi a lakung lama ni chyawm gaw htani htana hkinjawng ni tai nga manu ai. Shi gaw ngai hta lai nna shingjawng kashun ai kaning re ai hpara hpe mung n yu sharawng ai hte amyu masha ni a shut hpyit ai mara ni a matu htingrai htingrat ya nu ai.

Jinghpaw Hanson Version Bible

¹³ shi a Karai Kasang hpang maga shi myit kaba ai hte, Israela kashu kasha ni a matu htingrai htingrat nu ai majaw, shi hte shi a shu mashi shu masha ni gaw, dai ga shaka ngu ai, htani htana hkinjawng aya hte seng ai ga shaka lu la na manu ai,” ngu wu ai.

BU HKAWM 25:13 ပူးပေါင်းရင်းမြစ်များ

2 SAMUELA 21:3

Dai re ai majaw Dawi gaw Gibeon masha ni hpe shaga la nhtawm, “Nanhte a matu ngai hpa galaw ya lu na rai ta? Dai Madu a amyu masha ni hpe nanhte shaman ya lu myit ga, nanhte hpe galaw shut kau sai amu a matu ngai htingrat ya mayu nga nngai,” ngu nna shanhte hpe tsun wu ai.

1 HKAWHKAM 19:10

Shi gaw, “Chyahtum chyalai n-gun rawng ai Madu Karai Kasang e, ngai gaw nang - nang hpe chyu sha tut nawng daw jau yu sade ai. Rai ti mung Israela amyu masha ni mahtang nang hte shagrin da ai ga shaka hpe jahten kau nna na a tawn hkungri ni hpe sharun shabya kau let na a myihtoi ni yawng hpe sat kau manu ai. Ngai chyu sha ngam nga ni ai. Shanhte gaw ngai hpe sat kau na matu shanhte tam shakut nga ma ai!,” ngu nna htan wu ai.

1 HKAWHKAM 19:14

Elia gaw, “Chyahtum chyalai n-gun rawng ai Madu Karai Kasang e, ngai gaw nang-nang hpe chyu sha tut nawng daw jau yu sade ai. Rai ti mung Israela amyu masha ni mahtang nang hte shagrin da ai ga shaka hpe jahten kau nna na a tawn hkungri ni hpe sharun shabya kau let na a myihtoi ni yawng hpe sat kau manu ai. Ngai chyu sha ngam nga ni ai; ngai hpe sat kau na matu shanhte tam shakut nga ma ai,” ngu nna htan wu ai.

1 HKAWHKAM 2:27

Shing rai dai Madu gaw Shilo mare hta Eli a amyu matu ni a lam tsun dan ai ga teng wa u ga, Shawlumon gaw Abiahta hpe dai Madu hpe hkinjawng amu galaw daw jau nga ai kaw nna Abiahta hpe shapraw kau wu ai.

NEHEMIA 13:29

Karai Kasang e, ndai masha ni gaw hkinjawng aya hpe mung, hkinjawng ni hte Lewi masha ni hte tawn da ai ga shaka hpe mung kaning rai awu asin di kau nga masai hpe adum nga u law.

SHAKAWN KUNGDAWN 106:31

Dai Hpineha galaw ai akyu hpe dai ni du hkra tut nawng e, myit adum nga ma ai; dai hpe prat mi hte prat mi adum nga na mara ai.

SHAKAWN KUNGDAWN 119:139

Nye a gumlau hpyen ni, na a hkang da ai ga ni hpe hpa zawn n nawn ya nga ma ai majaw, nye a masin kahtet ai gaw wan zawn hkru nga li ai.

SHAKAWN KUNGDAWN 69:9

Na a Htingnu hta nye a myit manoi ai nja nhpra myit gaw wan zawn, nye a myit masin hta grung nga li ai. Nang hpe shatan nhkan tsun ai ga ni gaw nye a ntsa e mara nga ai.

PRU MAT 29:9

Shanhte hpe shingkyit kyit ya nna abaw hta gumchyawp chyawp ya na rai ndai. Dai gaw Arun hte shi a shadang sha ni hpe nang kaning rai aya dang ya na lam rai nga ai. Shanhte hte shanhte a amyu matu ni mung htani htana hkinjawng amu gun let ngai hpe daw jau na rai ma ai.

PRU MAT 32:30

Hpang shani e Mawshe gaw shi a amyu masha ni hpe, “Nanhte gaw hkrit hpa yubak galaw shut kau manit dai. Rai ti mung, ya chyawm gaw ngai mung dai Madu nga ai bum de bai lung wa nna nanhte shut kau ai yubak raw dat kau ya na matu, mahkoi htingrat ya lu nhten,” ngu nna tsun wu ai.

PRU MAT 40:15

Dai hpang, nang gaw shanhte a kawa hpe namman sau chya ya ai zawn shanhte hpe chya ya na rai ndai, shaloi shanhte gaw hkinjawng amu hta daw jau lu na rai ma ai. Ndai namman chya ai gaw prat mi hte prat mi shanhte hpe hkinjawng shatai ai amu rai na ra ai.”

ESAIA 61:6

Nang gaw dai Madu a hkinjawng ni hte Anhte a Karai Kasang a shangun ma ni hku gumhkawng na rai ndai. Nang gaw masha amyu baw ni a sut gan hta kabu gara wa nna Dai gaw na a sut gan tai wa ai hte gumrawng wa na ndai.

YEREMIA 33:18

Ngai hpe nawku daw jau na hte wan nat hkungga, lusha hkungga hte shagu hkungga ni hpe nat nawng na matu Lewi amyu baw hta na hkinjawng ni tut nawng e anga nga na mara ai,” nga nna dai Madu ga sadi jaw wu ai.

YEREMIA 33:22

Ngai gaw nye a shangun ma Dawi a aru arat ni hpe mung, Lewi amyu bawsang kaw na hkinjawng ni hpe mung shalaw jahtam na nngai, shing rai lamu na shagan ni hte panglai zaibru ni hpe hti yu na matu n mai byin ai zawn, shanhte law htam wa na mara ai,” ngu nna tsun ai.

JAW JAU 15:15

Hkinjawng wa mung htingrai hkungga a matu langai, wan nat hkungga a matu langai shatai nna nawng ya na rai wu ai. Ndai hku nna dai wa a matu jasan jaseng ai amu shi hkan shatsup ya na rai wu ai.

MALAHKI 2:8

“Rai ti mung ya chyawm gaw nanhte hkinjawng ni jaw ai lam kaw na yit mat wa manit dai. Nanhte a sharin shaga ai ga gaw masha law law hpe woi shut manit dai. Nanhte hte ngai tawn da ai ga shaka hpe mung run kau manit dai.

BU HKAWM 16:46

Mawshe gaw Arun hpe, “Na a wan ban la nna tawn hkungri na grung nga ai wan n-ga dai hta la bang nhtawm, dai wan n-ga ntsa e manam pyaw ai baw loi mi mara tawn na rai ndai. Dai hpang amyu masha ni hpang de tin tin kagat sa nhtawm shanhte a matu jasan jaseng ai amu galaw ya na rai ndai. Tin tin rawt sa wa su! Dai Madu a pawt sindawng ai gaw pru wa nu ai; ana zinli mung du rau ra ai,” ngu nna tsun wu ai.

BU HKAWM 16:47

Arun gaw Mawshe a ga madat let shi a wan ban la nhtawm amyu masha ni nga ai hpawng ka-ang de shang wa wu ai. Bai ana zinli du hpang sai hpe shi mu wu yang, shi gaw manam pyaw ai baw hpe wan n-ga ntsa e mara da let amyu masha ni a matu jasan jaseng ai amu galaw ya wu ai.

BU HKAWM 17:12

Israela amyu masha ni mung Mawshe hpe, “Yu u, dai gaw anhte a matu jahtum rai nga sai!

BU HKAWM 25:14

Midian numsha hte shut nna sat kau hkrum ai Israela la wa a amying gaw Simun amyu baw hta na dinghku langai mi a baw tai ai Salu a kasha Zimri rai nga ai.

YAWHAN 2:17

Dai shaloi shi a sape ni gaw, “Na a nta hta manoi ai nye a n ja n hpra myit gaw, nye a kraw lawang kata e wan zawn hkru nga ai,” nga nna ka da ai ga hpe dum ma ai.

HEBRE 2:17

Dai re ai majaw shi gaw, masha ni a yubak mara ni hpe raw dat kau ya lu na matu matsan dum chye ai kangka re ai hkinjawng agyi kaba tai ai hku nna Karai Kasang a magam bungli gun hpai lu u ga, lam shagu hta shi a kahpu kanau ni mu hkrum hkam sha nga ai lam ni hpe shanhte hte rau rum hkam sha nu ai.

HEBRE 7:11

Israela amyu masha ni hpe dai jep ai Tara jaw ai shaloi Lewi amyu lakung a hkinjawng aya hkringhtawng hta npawt nhpang shatai nna jaw ya sai. Ya Lewi amyu lakung a hkinjawng ni hkum tsup hkra gun hpai lu ma ai teng yang gaw, Arun n re ai sha, Melhkizedek a hkringhtawng hpe hkam la ai kaga hkinjawng langai mi bai paw pru ra na n rai.

YAWSHU 7:12

Dai lam ni a majaw Israela ni shanhte a gumlau hpyen ni hpe n hkam lu ma ai. Ya chyawm gaw shanhte nan daw dan ai hkrum nga manu ai majaw hpyen wa kaw na htingnut mat wa ma ai. N hta lu na ngu, nang hkang da ti mung hta wa ai arai ni hpe nang n jahten kau dingsa, ngai nang hte rau nga lu na nngai n rai!

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

1 YAWHAN 2:2

Yesu Hkristu shi nan, anhte a yubak mara a matu mara gawng malai hkungga rai nga ai rai nna, shi a marang e anhte a yubak mara ni hpe raw dat kau ya mi ai hta n ga, masha shagu a yubak mara hpe mung raw dat kau ya sai.

SHINGRAN 1:6

Shi a Kawa a magam amu hpe gun hpai lu na matu anhte hpe mungdan amyu hte hkinjawng aya jaw ya ai Yesu Hkristu kaw hpung shingkang hte daru magam ahkang aya gaw htani htana e anga nga u ga law! Amen.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.