BU HKAWM 25:1 - Jinghpaw Common Language Bible 2009

¹ Israela masha ni Akasia Kadit e but nga ma yang, lasha nlang ni dai yang na Moba num ni hte shut hpyit amu galaw hpang wa ma ai.

Jinghpaw Hanson Version Bible

¹ Ya Israela gaw Shitim shara e nga nga ai; shaloi shanhte gaw Moba num ni hte shut hpyit ai lam galaw ma ai:

BU HKAWM 25:1 ပူးပေါင်းရင်းမြစ်များ

2 HKAWHKAM 23:7

Shi gaw htingnu shawa num shawa la ni e madu da ai Nawku Htingnu wang na nta ni hpe mung jahten shaza kau wu ai. (Dai yang e Ashera karai num hpe nawku ai shaloi hpun ai palawng galu hpe dai numsha ni da ma ai.)

SHAKAWN KUNGDAWN 106:28

Dai hpang, Karai Kasang a masha ni Bala hpara hpe Peura shara hta nawku daw jau nga ma ai; hpara chyasi ni hpe nawng jau ai hkungga shan ni hpe mung sha nga ma ai.

PRU MAT 22:19

“Yamnga hte kanawn ai wa kadai mung sat kau ai hkrum na rai wu ai.

PRU MAT 34:15

Dai mung na masha ni hte jinghku ga shaka hkum tawn da myit; shanhte mahtang tara maigan hpara ni hpe nawku nna dai ni hpe hkungga nawng jau ma ai majaw shanhte hte kanawn na matu, nanhte hpe saw shaga ai hte shanhte a hpara ni hpe nawng jau ya ai lusha hte lau la ai hkrum na rai myit dai.

HPAJI NINGLI 7:26

Ngai gaw si hkrung si htan hta grau ahkup ahka nga ai arai lama mi mu se ai, dai gaw mahkam zawn re ai numsha rai nga ai. Shi nang hpe nawng ya ai tsaw ra myit gaw sumgawn zawn nang hpe rim la na ra ai; Shi a lata lahpum gaw hpri saidawng zawn nang hpe gyit hkang la na ra ai. Karai Kasang hpe awng sharawng ai wa hprawng lawt lu ti mung, yubak kap ai wa hpe chyawm gaw shi rim la lu nga ai.

YEREMIA 40:11

Dai aten laman hte hta, Babelon hkawhkam wa gaw Israela masha nkau mi hpe Yuda mung e nga shangun ai hte Gedalia hpe dai mung a mung du aya dang da ma ai lam hpe Moba mung, Amon mung, Edom mung hte kaga mung hkan shanu hkawm nga ai Israela amyu masha ni yawng na ma ai.

EZEKELA 20:21

“Rai ti mung, dai ban na masha ni mung ngai hpe gumlau ninghkap ma ai. Shanhte gaw nye a tara ni hpe jahten kau ma ai hte dai lam ni hpe hkan sa madat mara ai ni kadai hpe mung asak hkrung shangun lu ai nye a hkang da ai matsun maroi ga ni hpe n hkan ma ai. Shanhte gaw dai Bansa Nhtoi hpe awu asin di kau ma ai. Shanhte yawng hpe dai nam mali e jahtum kau na matu nye a sindawng kahtet ai a n-gun hkam sha lu mu ga, ngai shajin da ni ai.

HOSEA 9:10

Dai Madu gaw, “Israela hpe shawng nna ngai mu yang, dai gaw zaibru jang e tu ai sabyi si hpe mu tam ai zawn rai nga ai. Nanhte a kaji kawa ni hpe shawng nnan ngai mu ai shaloi dai gaw shawng si ai lagum hpun kaw shawng myin ai lagum si ni hpe mu ai zawn rai nga ai. Rai ti mung shanhte Peora Bum de sa wa mu yang, Bala hpe nawku hpang wa ma ai rai nna kade n na yang, shanhte tsaw ra ai hpara ni zawn matsat shabat tai wa masai.

MIHKA 6:5

Nye a amyu masha ni e, Moba Hkawhkam Balak gara hku hpaji daw ai lam hte Beora a kasha Balam shi hpe gara hku htan ai ga dum nga u. Akasia dabang kaw nna Gilgala dabang lapran na hkrun lam hta byin lai wa sai lam ni hpe dum u. Nang gaw ndai lam ni hpe dum nna nang hpe hkye hkrang la na matu ngai galaw lai wa sai amu ni hpe nang bai chye wa lu na ndai,” nga nna tsun ai.

BU HKAWM 31:2

“Israela amyu masha ni hpe shanhte woi galaw shut ai a matu, Midian masha ni hpe ari jaw mu. Dai bungli hpe nang galaw shangut da lu ai hpang, nang si lu na rai ndai,” ngu nna tsun wu ai.

1 KORINHTU 10:8

Shanhte nkau mi hpye ai amu galaw nna, lani jan hta sha masha mun lahkawng hkying masum si ru mat ai zawn n byin hkra, anhte gaw hpye ai amu galaw nna mara kap ai ni n tai u ga.

TARA JAHPRANG 3:29

“Shing rai anhte gaw Betpeora mare hte tawtap na Kadit e but nga ga ai.

TARA JAHPRANG 32:38

Nanhte dai ni hpe nawng jau ai shagu hkungga hta na sau man hte shanhte hpe jaw sha nna, lu na sabyi ntsin shanhte hpe nawng ya manit dai. Ya chyawm gaw shanhte nanhte hpe sa karum manu ga; shanhte gaw nanhte a shingbyi shara de kagat sa nna hkye la manu ga.

TARA JAHPRANG 4:3

Nanhte hkum nan mung Peora Bum e, dai Madu galaw dan sai amu hpe mu manit dai. Dai yang e Bala hpara nawku ai masha shagu hte hpe shi shamyit kau nu ai,

YAWSHU 2:1

Dai hpang Yawshu gaw Akasia dap kaw na kin-yu lahkawng hpe Hkanan mung na Yerihko mare hpe sa lagyim maram yu na hkang dat wu ai. Shan dai mare de du ai shaloi Rahab mying ai shawa num a nta e sa nga shalai kau ma ai.

YAWSHU 22:17

Dai Madu gaw shi a amyu masha ni hpe ana zinli hte ari jaw mi yang, Peora e anhte galaw shut kau ai yubak mara hpe dum mai nga ga ai n rai ni? Dai lam a majaw anhte ya du hkra nni nkri hkrum sha nga ga ai. Dai yubak mara anhte a matu n ram nga a ni?

YAWSHU 3:1

Yawshu hte Israela amyu masha ni yawng hpang jahpawt e jau jau rawt nhtawm Akasia dabang kaw na pru wa let hka rap sa wa na matu dabang galaw da ai hkring sa shara Yawdan hka de sa wa ma ai.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.