BU HKAWM 24:7 - Jinghpaw Common Language Bible 2009

⁷ Shanhte gaw nhpaw n-ya htu hkrat ai marang hkam la lu na mara ai; Hka law ai shara ni hta shanhte a hkaili naili ni hkai na mara ai. Shanhte a hkawhkam gaw Agag hta shingkang grau kaba nna; Shi a up hkang ai gaw maden jat na rai wu ai.

Jinghpaw Hanson Version Bible

⁷ Shi a hka bung hta ntsin lwi na ra ai, Shi a hkai nli hka law ai shara hta hkrat na ra ai: Shi a hkawhkam gaw Agag hta shingkang grau rawng nna, Shi a mungdan galu kaba nga ai:

BU HKAWM 24:7 ပူးပေါင်းရင်းမြစ်များ

2 SAMUELA 5:12

Dai Madu gaw shi hpe Israela hkawhkam aya shagrin ya nu ai hpe mung, shi a amyu masha ni a matu shi a mungdan hpe ngamu ngamai shangun nu ai hpe mung Dawi dum chye nga ai.

1 HKAWHKAM 4:21

Shawlumon a mungdan chyawm gaw Uhprat hka nu kaw nna Hpilisti hte Egutu mung a lamu ga jarit du hkra masha amyu ni yawng nga ai shara ni lawm nga ai. Shanhte gaw Shawlumon a prat htum hkra shi a up hkang ai npu hta taw nna shi hpe ahkun hkanse ni jaw ya nga ma ai.

1 HKAWHKAM 5:1

Turu hkawhkam Hiram gaw Dawi a jinghku tut nawng a rai nga ai. Shi kawa Dawi a magam tingnyang hta Shawlumon hkaw galai dung ai shiga hpe shi na jang, Hiram gaw shi a shangun dat kasa ni hpe Shawlumon hpang de shangun dat wu ai.

1 HKAWHKAM LABAU 14:2

Dai Madu gaw shi hpe Israela hkawhkam aya shagrin ya nu ai hpe mung, shi a amyu masha ni a matu shi a mungdan hpe ngamu ngamai shangun nu ai hpe mung Dawi dum chye wa nga ai.

EZRA 4:20

Daru magam n-gun rawng ai hkawhkam ni dai yang e hkaw dung nna Uhprat a Sinna maga a mungdaw ting hpe up hkang let, ahkun hkanse ni lahkawn la yu nga masai.

ESHTA 3:1

Ya aten ram ram na jang, Hkawhkam Ahasuru wa gaw Haman mying ai wa hpe hkringmang daju arawng aya hta shagrau shatsaw da wu ai. Haman gaw Agag amyu matu Hamedahta a kasha rai nga ai.

SHAKAWN KUNGDAWN 18:43

Nang gaw ngai hpe gumlau masha ni a lata kaw nna hkrang shaw la nit dai, amyu baw ni a ntsa e, up hkang ai wa, nang ngai hpe shatai nit dai; Ya chyawm gaw, ngai n chye ai amyu masha ni nye a mungdan masha ni tai wa nga masai.

SHAKAWN KUNGDAWN 68:26

“Shi a amyu masha ni a hpawng hta Karai Kasang hpe shakawn mu; Yaku a aru arat ni yawng hte e, dai Madu hpe shakawn mu!”

SHAKAWN KUNGDAWN 72:11

Hkawhkam ni yawng hte gaw shi a man e, dingnyawm wa na mara ai; amyu masha ni yawng hte mung shi hpe daw jau na mara ai.

SHAKAWN KUNGDAWN 89:27

Ngai shi hpe nye a kasha alat aya hta dang da na nngai; hkawhkam ni yawng hte hta grau kaba ai wa, ngai shatai na we ai.

ESAIA 2:2

Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

ESAIA 30:25

Nanhte a gumlau hpyen ni a hpyen dap ni run hkrum nna shanhte a masha ni sat kau hkrum ai shani hta, bum shagu hte kawng shagu de na hka shi ni lwi pru wa na mara ai.

ESAIA 48:1

Yuda kaw na yu hkrat wa ai Israela amyu masha ni e, ndai lam madat mu. Nang gaw dai Madu a mying hte dagam nna, Israela a Karai Kasang hpe nawku na matu tsun ndai, rai ti mung nang tsun ai ga hkum mi hpe lachyum n shapraw nga ndai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

YEREMIA 51:13

Dai mung gaw hka nu law law nga nga ai hte sut pungding e ningngai nga ti mung, de a aten htum mat sai, de a asak sumri dan kau hkrum nga sai.

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

BU HKAWM 24:20

Dai hpang Balam gaw shi a shingran hta Amalek masha ni hpe mu nna, ndai myihtoi ga tsun shapraw wu ai: “Amalek gaw yawng hta daru magam n-gun ja htum ai amyu rai nga ai; Rai ti mung jahtum e, dai amyu gaw htani htana hten run mat na mara ai.”

YAWHAN 1:49

Nahtanela gaw, “Sara e, nang gaw Karai Kasang a Kasha rai nga ndai,” ngu nna shi hpe htan wu ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 17:1

Dai shaloi gawm sanit lang ai lamu kasa sanit hta langai mi gaw, ngai hpang de sa nna, “Sa rit, hka nu ni law law a makau e de da ai mare kaba ngu ai shawa num kaba hpe ari gara hku jaw na ra ai lam ngai nang hpe madun dan de ga:

SHINGRAN 17:15

Bai, lamu kasa gaw, “Nang mu ai shawa num dung nga ai hka nu ni gaw, masha mungdan ni, shawa masha wunawng wuwa ni, amyu baw ni hte, ga amyu myi shaga ai amyu ni, rai nga ma ai.

SHINGRAN 19:16

Shi a hpun palawng hte magyi hta, “Hkawhkam ni a Hkawhkam, madu ni a Madu,” nga nna ka kap da nga ai.