BU HKAWM 24:24 - Jinghpaw Common Language Bible 2009

²⁴ Shang gasat ai ni Kupru zunlawng kaw na li hte Jawn sa nhtawm, Asuri mung hte Ebera mung hpe dang kau na mara ai. Rai ti mung shanhte mung htani htana hten run mat ai bai hkrum na mara ai.”

Jinghpaw Hanson Version Bible

²⁴ Rai timung Hkitim zunlawng na sanghpaw li sa nna, Ashuri mung hte Ebera mung hpe hpya kau na maru ai: Shaloi shi mung htum mat ai hkrum na ra ai,” nga nna tsun ngut jang,

BU HKAWM 24:24 ပူးပေါင်းရင်းမြစ်များ

NINGPAWT NINGHPANG 10:4

Yawan a aru arat ni gaw Elisha, Spain, Kupru hte Roda amyu masha ni rai ma ai.

NINGPAWT NINGHPANG 14:13

Rai ti mung, hprawng lawt wa ai masha langai mi gaw Amori masha Mamre madu da ai dai chyoi pra ai hpun ni tu ai shara makau e naw nga ai Hebre masha Abram hpang de dai lam yawng sa tsun dan wu ai. Mamre hte shi a kahpu kanau yan rai nga ai Eshkola hte Anera ni chyawm gaw Abram hte ga shaka tawn da ai jinghku ni rai ma ai.

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 10:5

Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

ESAIA 23:1

Ndai gaw Turu hte seng ai mungga langai rai nga ai. Nammukdara ntsa na sanghpaw masha ni e, yawn hkyen ai hte sharung nga mu! Na a buga Turu sanghpaw daru hten za mat sai; De a nta ni hte sanghpaw danam ni hten run mat nga sai. Na a sanghpaw ni Kupru kaw na nhtang wa yang, dai shiga hpe nang na nga sai.

EZEKELA 27:6

Shanhte gaw li lashap galaw na matu Bashan mung na wamyi hpun ni lang ma ai; Kupru zunlawng na pru ai marau hpun hpe mung shanhte la nna dai hpe magwi kawng ni hte hkrep nhtawm li hpe mawn shatsawm nga ma ai.

Daniela 10:20

Shi mahtang, “Ngai nang hpang de hpa majaw sa ai lam nang chye nga n ni? Ngai gaw nang hpe Teng Man Ai Laika hta hpa baw ka da ai lam tsun dan na nngai. Ya chyawm gaw ngai naw nhtang wa nna Persi sin langa lamu kasa hpe gasat na nngai. Dai hpang Grik sin langa lamu kasa paw pru na ra ai. Israela a sin langa lamu kasa Mihkaela hta kaga kadai mung ngai hpe karum la nga ai n rai.

Daniela 11:30

Dai Roma masha ni sanghpaw li ni hte du shang wa nhtawm shi hpe ninghkap na mara ai. Shaloi shi hkrit kajawng mat na ra ai. “Dai hpang shi gaw n-yun bu ai hte kayin mat wa nna Karai Kasang a amyu masha ni a nawku makam masham hpe jahten kau ya na mara ai. Shi chyawm gaw dai nawku makam masham hpe kau da sai ni a hpaji jaw ga hta hkan nang na ra ai.

Daniela 11:45

Shi gaw panglai hte Nawku Htingnu shadun da ai bum yan a lapran hta hkawhkam sum kaba ni hpe pyi sharawt tawn da na ra ai. Rai ti mung dai yang e shi hpe karum la na kadai mung n nga ai sha shi si mat na ra ai.”

Daniela 2:35

Hpri, kagam ga, magri mang, gumhpraw hte aja ni agrawp mani mat nna ginhtawng ta, chyarang pa ntsa e taw ai ga nhpu zawn tai mat nga ai. Dai gaw nbung e ahpawt kau ai n rai; ahkang ngam ai n rai. Rai ti mung dai nlung gaw bum tai wa nna lamu ga ting hpe ka-up kau nga ai.

Daniela 2:45

Nang gaw kadai mung n jum hkra ai nlung langai mi kaning rai ninggam kaw nna daw hkrat wa nhtawm hpri, magri mang, kagam ga, gumhpraw hte aja hte galaw ai hkrang sumla hpe adawt hkra ai hpe mu nga ndai. Galu kaba ai Karai Kasang gaw du na ra ai aten hta hpa byin wa na lam madu hkawhkam hpe tsun nga ai. ngai gaw nang mu nit dai yup mang hpe tup hkrak tsun dan ni ai. De a teng man ai lachyum ngai nang hpe jaw ni ai.”

Daniela 8:21

Dai bainam la gaw Grik mungdan rai nga ai. Shi a myi lapran hta laklai dan dawng hkra tu ai nrung gaw shawng na hkawhkam rai nga ai.

BU HKAWM 24:20

Dai hpang Balam gaw shi a shingran hta Amalek masha ni hpe mu nna, ndai myihtoi ga tsun shapraw wu ai: “Amalek gaw yawng hta daru magam n-gun ja htum ai amyu rai nga ai; Rai ti mung jahtum e, dai amyu gaw htani htana hten run mat na mara ai.”

BU HKAWM 24:23

Balam gaw ndai myihtoi ga tsun shapraw wu ai: “Dingdung de hpawng nga ai ndai amyu masha ni gaw Kadai ni rai nga ma ta?

MAHTE 24:15

“Myihtoi Daniela tsun dan ai dai ‘Jahten Shabya ai,’ hkrit kajawng matsat na zawn re ai arai hpe nanhte mu na marin dai. Dai gaw, dai chyoi pra ai shara hta tsap nga na ra ai. (Laika hti ai wa, ndai lam hpe ngu mayu ai hpe sadi let chye na ra na re.)

LUKA 20:24

“Gumhpraw lap mi ngai hpe madun yu mi: gade a myi man hte mying kap nga a ta?,” ngu nna san mu ai. Shanhte gaw, “Kehta a re nga ai,” ngu mu ai.

YAWHAN 11:48

Anhte shi hpe ndai hku sha dat da nga yang gaw masha yawng mayawng shi hpe kam sham wa na mara ai rai nna, Roma ahkang aya lu ai ni sa nna, anhte a Nawku Htingnu hpe mung, anhte a amyu mungdan ting hpe mung jahten kau na mara ai,” nga ma ai.