BU HKAWM 24:18 - Jinghpaw Common Language Bible 2009

¹⁸ Shi gaw Edom mung na shi a gumlau hpyen ni hpe shi dang kau nna, Shanhte a mung hpe shi a sut rai shatai la na wu ai. Israela gaw awng padang matut hkam la nga yang;

Jinghpaw Hanson Version Bible

¹⁸ Kabrawng ai nlang hte hpe agrawp kau na mu ai. Edom mung hpe madu la kau nna, Seira bum mung hpyen ni a lata hta rai na ra ai: Israela chyawm gaw nden ja ai hku dat na ra ai.

BU HKAWM 24:18 ပူးပေါင်းရင်းမြစ်များ

NINGPAWT NINGHPANG 27:29

Masha amyu baw ni na a shangun ma ni tai mat mu ga; amyu masha ni mung nang hpe dingnyawm gum dagup nga mu ga. Na amyu matu mara ni yawng hpe nang up hkang nna na ningnu a amyu matu ni na a man e dingnyawm nga mu ga; nang hpe matsa ai ni matsa ai bai hkrum mu ga; nang hpe shaman ai ni shaman ai bai hkrum mu ga,” ngu nna tsun wu ai.

NINGPAWT NINGHPANG 27:40

Na a nhtu hte nang hkrung nga lu na ndai. Rai ti mung na a kanau a mayam tai nga u; Nang gumlau rawt yang, shi a reng hkang ai hpe nang daw kau ya lu na rin dai,” ngu nna tsun wu ai.

NINGPAWT NINGHPANG 32:3

Yaku gaw Edom mung e nga ai shi a kahpu Esaw hpang de shi a shawng e kasa ni hpe shangun dat wu ai.

2 SAMUELA 8:14

Shi gaw hpyen dap ni hpe Edom mung ting hta tawn da wu ai rai nna shanhte mung shi a up hkang ai npu hta taw nga ma ai. Dai Madu mung Dawi hpe shara shagu hkan awng padang lu la shangun nga ai.

1 HKAWHKAM 11:14

Dai re ai majaw Shawlumon hpe nhtang gumlau na matu, dai Madu mung Edom magam dinghku na Hadad hpe shabyin dat wu ai.

1 HKAWHKAM 11:15

Ndai lam garai n byin yang, Dawi gaw Edom mung hpe gasat dang la yu ai shaloi shi a luksuk hpe up hkang ai Yoab gaw dai mung de si mang ni hpe lup makoi na nga, dai shara de sa wa wu ai. Shing rai shi hte shi a masha ni Edom mung e shata kru dang naw nga nga ai laman hta,

SHAKAWN KUNGDAWN 60:1

Karai Kasang e, nang gaw anhte hpe ningdang kau nna; anhte hpe sum shangun kau nit dai. Nang gaw anhte hpe masin pawt kau ti mung, ya chyawm gaw, anhte hpang de bai kayin mada la mi.

ESAIA 34:5

Dai Madu gaw sumsing lamu hta shi a nhtu hkyen lajang da nu ai, ya chyawm gaw dai hte Edom mung hte jahten kau na matu shi daw dan kau nu ai masha ni hpe adup kayat na ra ai.

ESAIA 63:1

Edom mung Bozra mare kaw na du sa wa ai ndai wa gaw kadai rai nga a ni? Hkyeng ai hpun palawng hte grai hkik hkam hkra hpun nna daru magam n-gun hte n-gun atsam hte hkawm sa wa ai ndai wa gaw kadai rai nga a ni? Dai gaw hkye hkrang la na daru magam n-gun hte shi a awng padang hpe tsun shabra na matu du sa nga ai dai Madu rai nga ai.

AMO LAIKA (AMOS) 9:11

Dai Madu gaw, “Ngai gaw daw hten mat ai nta langai zawn rai nga ai Dawi a mungdan hpe bai gaw gap da ai shaloi dai nhtoi du wa na ra ai. Ngai gaw de a bunghku ni hpe bai lajang ai hte dai hpe bai gaw gap da na nngai. Ngai gaw dai hpe bai gaw gap ai hte moi na zawn bai de da na nngai.

AMO LAIKA (AMOS) 9:12

Dai rai nna, Israela amyu masha ni gaw naw ngam nga ai Edom mung a lamu ga hte nye a matu ngu nna san da sai amyu baw ni yawng hte hpe up hkang na mara ai,” ngu nna dai amu shabyin na ra ai dai Madu tsun ai.

OBEDIA 1:2

Dai Madu gaw Edom hpe, “Ngai nang hpe n-gun shakya kau ya na nngai; masha shagu gaw nang hpe n kaw n law di na mara ai.

BU HKAWM 20:18

Rai ti mung Edom masha ni mahtang, “Nanhte hpe anhte a mung hku ga lai na lam ahkang n jaw lu ga ai! Nanhte rai nna ga lai wa mayu myit yang, anhte pru sa nna nanhte hpe htim gasat na ga ai,” ngu nna htan dat ma ai.

BU HKAWM 24:19

Israela amyu baw gaw shanhte hpe kabye kau nna; Jahtum naw ngam nga ai ni hpe hpyu kau na mara ai.”