BU HKAWM 24:17 - Jinghpaw Common Language Bible 2009

¹⁷ Htawm hpang na lam hpe ngai mada yu, Israela amyu baw hpe ngai mu; htoi tu ai shagan zawn Dai amyu baw hta hkawhkam langai pru na ra ai. Shi gaw wan shingram langai zawn Israela hta na du sa wa na ra ai; Shi gaw Moba ningbaw ni hpe anut kau nna, Shet a amyu ni yawng hpe kayat adup na ra ai.

Jinghpaw Hanson Version Bible

¹⁷ Ngai shi e mu se ai, rai timung, ya jang n rai, Ngai shi e yu se ai, rai timung, ani sha n rai: Yaku kaw na shagan langai mi pru nna, Israela hta na hkawhkam sumdoi paw pru na ra ai: Shi gaw Moba njut nnaw hkan du hkra gasat dang nna,

BU HKAWM 24:17 ပူးပေါင်းရင်းမြစ်များ

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

2 SAMUELA 8:14

Shi gaw hpyen dap ni hpe Edom mung ting hta tawn da wu ai rai nna shanhte mung shi a up hkang ai npu hta taw nga ma ai. Dai Madu mung Dawi hpe shara shagu hkan awng padang lu la shangun nga ai.

2 SAMUELA 8:2

Dai hpang Moba mung masha ni hpe shi gasat dang kau wu ai. Shi gaw bawng masha shagu hpe ga ntsa e kaleng da shangun nhtawm dai ni kaw na masha masum hta lahkawng hkawng shaw la nna sat kau wu ai. Dai rai nna Moba masha ni mung Dawi a up hkang ai npu de shang mat wa ai hte shi hpe ahkun hkanse bang jaw ma ai.

2 HKAWHKAM 3:5

Rai ti mung Israela Hkawhkam Ahab si mat jang, Mesha mahtang Israela hpe gumlau rawt wu ai.

1 HKAWHKAM LABAU 18:2

Shi mung Moba masha ni hpe gasat dang la kau wu ai rai nna, Moba masha ni mung Dawi a up hkang ai npu de shang mat wa ai hte shanhte mung shi hpe ahkun hkanse bang ya nga ma ai.

SHAKAWN KUNGDAWN 110:2

Madu gaw na a hkawhkam daru magam arawng sadang hpe Ziun kaw nna shara shagu de, maden dat na ra ai. Shi gaw nang hpe, “Na a gumlau hpyen ni a ntsa e, up hkang nga u,” nga nna tsun nga ai.

SHAKAWN KUNGDAWN 45:6

Karai Kasang nang hpe jaw ya nit dai mungdan gaw htani htana prat dingsa agrin nga na ra ai. Nang gaw na a amyu masha ni hpe teng man ai tara hte up hkang na ra ai rai nna,

ESAIA 15:1

Ndai gaw Moba hte seng ai mungga rai nga ai. Ara hte Kira mare ni gaw lana mi hta sha jahten kau hkrum nga ai, Moba mung hta katsi katsang shara tai nga ai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

YEREMIA 48:1

Ndai gaw Moba hpe lakap nna Chyahtum Chyalai N-gun rawng ai dai Madu tsun ai mungga rai nga ai: Nebo a masha ni matsan dum hpa rai sai- shanhte a mare hten za mat sai! Kiriahtim gaw sum mat sai, de a chyalai n-gun rawng ai hpyen dap gaw hpya hkrum nga sai, de a mare masha ni kaya kahpa hkrum nga masai;

YEREMIA 48:45

Matsan mayan tsin-yam tsindam hkrum ai ni gaw Heshbon shara ngu ai lang mi Hkawhkam Sihon up hkang lai wa sai rai tim, wan hkru mat sai mare hta shingbyi shara tam shakut ma ai. Dai wan gaw majan shawng lam hte Moba mung na majan asai marit ai Moba masha ni a tsaw ai bum ni kaw du hkra hkru kau nga ai.

ZEHKARIA 10:4

Shanhte hta na nye a amyu masha ni hpe up na mung up du ni, ningbaw ni hte up hkang du ni pru wa na mara ai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

BU HKAWM 21:29

Moba masha ni e, nanhte a matu kade sha hkrit hpa rai nga myit hka! Hkemosha hpe nawku ai nanhte gaw hten run mat manit hka! Nanhte a hpara gaw shadang sha ni hpe hprawng htawt shangun nna, Numsha ni Amori hkawhkam a bawng dung masha ni tai nga masai.

BU HKAWM 24:16

Karai Kasang kaning nga tsun nga ai hpe kadai wa na lu ai hte, Tsaw Htum ai wa kaw na machye machyang hpe kadai wa lu la nga a ni? Ngai chyawm gaw Chyahtum Chyalai N-gun rawng ai Karai Kasang kaw na shingran hpe dinghkren mu lu ai myi hte shingran hku mu chye nngai.

LUKA 1:78

Anhte a Karai Kasang gaw tsaw ra matsan dum ai myit hte hpring tsup nga ai: shi a hkye hkrang la ai chyeju nhtoi gaw lamu ntsa na jan shingkang zawn anhte a ntsa e du nna;

HEBRE 1:8

Bai Kasha wa a lam tsun ai shaloi chyawm gaw, Karai Kasang gaw, “Karai Wa e, na mungdan htani htana anga nga na ra ai! Nang gaw na amyu masha ni hpe tara rap ra ai hku up hkang ndai.

HEBRE 7:14

Shi gaw Yuda amyu hta na shangai wa sai hpe yawng chye nga ai; Mawshe gaw hkinjawng ni hte seng nna tsun ai shaloi Yuda amyu ru sai a lam hpa mung n tsun da nga ai.

2 PETRU 1:19

Dai re ai majaw anhte gaw myihtoi ni htawn tsun ai shingran mungga hpe grau nna myit mu myit hkut lu saga ai. Nanhte dai mungga hpe atsawm sha madat mara nga mu; hpa majaw nga yang, dai gaw nanhte a myit masin ni hta htoi leng wa nna, nhtoi gintawng pru wa ai aten du hkra, nsin sin ai shara hta htoi tu nga ai pyengdin zawn rai nga ai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.

SHINGRAN 1:7

Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 22:16

“Ngai Yesu gaw, Hpung kata hta nga nga ai nanhte hpe ndai lam ni tsun shana sakse hkam ya u ga, ngu nna nye a lamu kasa hpe ngai shangun dat nngai. Ngai gaw Dawi a lakung kaw na yu hkrat wa ai wa re. Htoi tu ai jahpawt manap na nhtoi gintawng rai nngai.

1 SAMUELA 14:38

Dai hpang Shawlu gaw amyu masha ni a ningbaw ni hpe, “Nang de sit wa marit, kaning re ai yubak wa galaw shut kau saga ai hpe dai ni tam sawk sagawn yu ga.