BU HKAWM 24:10 - Jinghpaw Common Language Bible 2009

¹⁰ Balak gaw masin pawt ai hte shi a lata ja ja latup let Balam hpe, “Nye a hpyen ni hpe matsa ya na matu ngai nang hpe shaga da nngai; rai ti mung shing di na malai ya nang masum lang shanhte hpe shaman kau ya nit dai.

Jinghpaw Hanson Version Bible

¹⁰ Shaloi Balak gaw Balam hpe masin pawt bu nna, lata kahpret let, “Nye a hpyen ni hpe matsa ya rit ga, ngu nna she ngai nang hpe shaga yang me, ya masum lang du hkra shanhte hpe shaman hkrai a shaman ai gaw:

BU HKAWM 24:10 ပူးပေါင်းရင်းမြစ်များ

NEHEMIA 13:2

Dai gaw hpa majaw nga yang, Amon hte Moba masha ni gaw Egutu mung kaw nna pru wa ai hkrun lam hta Israela amyu masha ni hpe lusha hte ntsin n jaw ai hta sha n-ga, shing rai galaw na malai, shanhte gaw Israela hpe matsa na matu Balam hpe gumhpraw jaw ma ai; rai ti mung anhte a Karai Kasang gaw matsa mawa ga hpe shaman ga shatai kau ya nu ai.

YOBA 27:23

Dai nbung gaw shanhte hprawng kagat mat wa ai de hkan ngoi nang nna, jahten shaza kau lu ai n-gun hte shanhte hpe jahkrit shama nga ai.

EZEKELA 21:14

“Ya chyawm gaw, si chye ai masha wa e, myihtoi htoi u. Lata lahpawk dum u, nhtu gaw lang hte lang kayat adup na ra ai. Dai nhtu gaw sat na nhtu, jahkrit shama nhtu hte htau sat nhtu rai nga ai.

EZEKELA 21:17

Ngai mung lata lahpawk dum ai hte nye a sindawng kahtet ai gaw kawp mat na ra ai. Dai Madu ngai nan tsun ni ai.”

EZEKELA 22:13

“Ngai gaw na a damya amu ni hte masha sat ai amu ni hta nye a lata du na ra ai.

BU HKAWM 22:17

Ngai nang hpe grai di shagrau na de ai. Nang tsun ai ga hpa hpe mung ngai hkan galaw ya na nngai. Chyeju hte sa nna nye a matu ndai masha ni hpe matsa ya e.”

BU HKAWM 22:6

Shanhte mahtang anhte hta grau law nga ma ai majaw, chyeju hte nye a matu shanhte hpe sa matsa ya e. Shaloi anhte shanhte hpe mahkoi dang kau lu nna, nye a mung kaw na shaden lu nhten; nang gaw shaman ga tsun yang, shaman chyeju hkam la lu ai mung, matsa ga tsun dat yang, matsa ga jung lu ai mung ngai chye nngai.”

BU HKAWM 23:11

Dai hpang Balak gaw Balam hpe, “Nang ngai hpe kaning rai galaw kau nga n ta? Nye a gumlau hpyen ni hpe matsa ya na matu ndai yang e nang hpe ngai woi tawn da nngai; rai ti mung nang galaw lai wa sai lam yawng mayawng gaw shanhte hpe shaman ya nga ndai,” ngu nna tsun wu ai.

BU HKAWM 24:11

Ya na a nta de wa mat nu! Ngai gaw nang hpe kumhpa jaw shagrau na ga sadi jaw da ni ai; rai ti mung dai Madu gaw kumhpa jaw shagrau hkam la na lam hpe hkum shingdang kau ya nit dai,” ngu nna tsun wu ai.

BU HKAWM 24:9

Dai amyu baw ni gaw chyalai n-gun rawng ai Hkanghkyi hte bung nna, shi yup nga yang kadai mung n jasu gwi nga ai. Israela hpe shaman ai wa kadai mung shaman ai hkrum nga u ga; Israela hpe matsa ai wa kadai mung matsa ai hkrum nga u ga law.”

KASA 11:10

Ndai zawn masum lang tup byin ngut ai hpang dai arai yawng hpe sumsing lamu de bai dawm shalun la kau ai hkrum sai.

TARA JAHPRANG 23:6

Nanhte gaw amyu baw hku grin nga dingsa, ndai masha amyu baw ni hpe karum la na matu mung, shanhte hpe ngamu ngamai shangun ai lam galoi mung hkum galaw ya myit.