BU HKAWM 23:8 - Jinghpaw Common Language Bible 2009

⁸ Karai Kasang e n matsa kau ai wa hpe ngai kaning rai matsa lu na rai nga a ta? Dai Madu n daw dan ai si hkrung si htan lam hpe ngai kaning rai tsun daw dan na rai ta?

Jinghpaw Hanson Version Bible

⁸ Karai Kasang n matsa nga ai wa hpe, ngai kaning rai matsa na rai ta? Yehowa n hkrim nga ai wa hpe ngai kaning rai ahkrim lu na rai ta?

BU HKAWM 23:8 ပူးပေါင်းရင်းမြစ်များ

GA SHAGAWP 26:2

Dagam dala ga ni gaw nang dai hpe gingdan ai sha n rai yang, nang hpe n hkra lu nga ai. Dai gaw galoi mung n dung ai sha pyen hkawm ai ntsa malen u ni zawn rai ma ai.

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

BU HKAWM 22:12

Karai Kasang gaw Balam hpe, “Dai masha ni hte rau sa wa lu na n rai; Israela amyu masha ni hpe matsa lu na n rai; hpa majaw nga yang, shanhte gaw nye a shaman chyeju lu la ai ni rai nga ma ai,” ngu nna tsun wu ai.

BU HKAWM 22:6

Shanhte mahtang anhte hta grau law nga ma ai majaw, chyeju hte nye a matu shanhte hpe sa matsa ya e. Shaloi anhte shanhte hpe mahkoi dang kau lu nna, nye a mung kaw na shaden lu nhten; nang gaw shaman ga tsun yang, shaman chyeju hkam la lu ai mung, matsa ga tsun dat yang, matsa ga jung lu ai mung ngai chye nngai.”

BU HKAWM 23:20

Ngai gaw shaman ya na matu shatsam hkrum ni ai; Karai Kasang shaman ya ai hpe ngai shabai lu na n rai.

BU HKAWM 23:23

Israela amyu baw hpe matsa ai hta lawng hpaji, hpyi lamum hpaji hpa mung shang lu na n rai; Ya chyawm gaw masha amyu ni Israela a lam hpe, ‘Yu mu, Karai Kasang shing di kau nu hka!,’ ngu nna kajai na mara ai.

BU HKAWM 23:7

Balam gaw ndai myihtoi ga hpe tsun hpaw dat wu ai: “Moba Hkawhkam Balak gaw Suri mung sinpraw Maga nga ai bum dinghkang kaw na ngai hpe woi la nu ai. Shi gaw, ‘Nye a matu sa tsun ya e, Israela amyu masha ni hpe matsa kau ya e,’ nga nna tsun nu ai.